ޒަމާނީ ފެންވަރަށް މަގުތައް ތަރައްޤީ ކުރުމުގެ މަޝްރޫޢުގެ ތެރެއިން އަރިއަތޮޅު ދެކުނުބުރީ މާމިގިލީގައި މިވަގުތު ހިނގަމުންދާ މަސައްކަތްތަކުގެ ތަފްޞީލް އާރްޑީސީ އިން އާންމުކޮށްފިއެވެ.
އެގޮތުން، އދ. މާމިގިލީގައި މިވަގުތު ކުރަމުންދަނީ، ބޮންތިޖެހި މަގުގައި އެގްރިގޭޓް ބޭސް ކޯސް ( އޭބީސީ) ފަށަލަ އެޅުމާއި ކޮމްޕެކްޓެކް ކުރުމުގެ މަސައްކަތް ކަމަށް އާރްޑީސީ އިން ވަނީ ބުނެފައެވެ.
މާމިގިލީގެ މަގުތައް ޒަމާނީ ފެންވަރަށް ތަރައްޤީ ކުރުމުގެ މި މަސައްކަތަކީ 95 މިލިއަން ރުފިޔާގެ މަޝްރޫޢެކެވެ. މި މަސައްކަތް ކުރުމަށް އާރްޑީސީ ހަވާލުކުރީ 2020 ވަނަ އަހަރުގެ ސެޕްޓެންބަރު މަހު އެވެ.