ސްޕޯޓްސް ފިޝިންގ އަށް ހާއްސަކޮށް "އަންޑަގްރައުންޑް މޯލްޑިވްސް" ގެ ނަމުގައި މިދިޔަ ހޮނިހިރު ދުވަހު ފިހާރައެއް މާލޭގައި ހުޅުވައިފިއެވެ.
މި ފިހާރަ ރަސްމީކޮށް ހުޅުވައިދެއްވީ، ލުއާސް ފެކްޓްރީގެ އޯނަރ، ނައްޓަވިޓް އައޮން ސަކްސޮމްބޫން އާއި މިނިސްޓްރީ އޮފް ފިޝަރީޒް އެންޑޯ އޯޝަން ރިސޯސަސްގެ ސްޓޭޓް މިނިސްޓަރ، މުޙައްމަދު މުއްޠަލިބް އެވެ.
މާލޭގައި ދަރުބާރުގޭ ކުރިމަތީގައި އޮންނަ އިރުދޭމާހިނގުމުގައި ހ. ހަންޑްރެޑް ފްލާވާސްގައި ހުޅުވި މި ފިހާރައިން މި އޭޕްރީލް މަހުގެ 27 އިން ފެށިގެން ހަފްތާއަކާ ހަމައަށް ވަރަށް ހާއްސަ ސޭލްއެއް ކުރިއަށްގެންދިއުމަށް ހަމަޖެހިފައިވެއެވެ. މި ޕްރޮމޯޝަނުގެ ދަށުން އެ ފިހާރައިން ގަންނަ "އަންޑަގްރައުންޑް" ބްރޭންޑްގެ ކޮންމެ ޕްރޮޑަކްޓަކުން 30 ޕަސެންޓްގެ ޑިސްކައުންޓެއް ލިބޭނެ އެވެ.
"އަންޑަގްރައުންޑް މޯލްޑިވްސް" ގެ އޮޕަރޭޝަންސް ޑައިރެކްޓަރ އަބްދުލް އަލީމް އަބްދުލް ޣަފޫރު ވިދާޅުވީ، ސްޕޯޓްސް ފިޝިންގ އަށް ހާއްސަކޮށް ފިހާރައެއް ހުޅުވުމުގެ މައިގަނޑު މަޤްޞަދަކީ، މިކަމަކީ ދިވެހިންގެ މެދުގައި މަގްބޫލް ކަމަކަށް ވެފައިވުމާއެކު، ޓެސްޓްކުރެވި، އެންގްލާރސްގެ އިތުބާރު ލިބިފައިވާ ޕްރޮޑަކްޓްސް ތަކެއް ގެނެސްދިނުމަށްޓަކައި ކަމަށެވެ.
އަބްދުލް އަލީމް ވިދާޅުވީ، އަތޮޅުތެރޭގައި މަސްވެރިކަން ކުރާ ފަރާތްތަކަށް ވެސް "އަންޑަގްރައުންޑް މޯލްޑިވްސް" ފިހާރައިގެ އޭޖެންޓަކަށްވެ، އެ ޕްރޮޑަކްޓްތައް ރާއްޖޭގެ އެކި ކަންކޮޅުތަކުގައި ތިބޭ މީހުންނަށް ފޯރުކޮށްދިނުމުގެ ފުރުޞަތު އެބައޮތް ކަމަށެވެ.
އަބްދުލް އަލީމް އިތުރަށް ވިދާޅުވީ، "އަންޑަގްރައުންޑް" ބްރޭންޑްގެ ޕްރޮޑަކްޓްސްތައް އާއްމުންނަށް ގެނެސްދޭން ނިންމީ އެއީ، ކުރިއްސުރެ ބޭނުންކުރަމުން އަންނަ ޕްރޮޑަކްޓްސް އަށް ވެފައި، އެއީ ރަނގަޅު 'ރީޒަނަބަލް' އަގެއްގަ ލިބޭ ޕްރޮޑަކްޓްސް އަށް ވާތީވެ ކަމަށެވެ.
މި ސޭލްގައި މިހާރު އެތަނުން ވިއްކާ "އަންޑަގްރައުންޑް" ބްރޭންޑްގެ ޕްރޮޑަކްޓްތަކުގެ ތެރޭގައި ހިމެނޭ އެކި ރޭންޖްގެ މެޓަލް ޖިގްސް އިން ޑިސްކައުންޓް ލިބޭނެ އެވެ. އެ ފިހާރަ އިން ލިބެން ހުރި މެޓަލް ޖިގްސްގެ ބައެއް ޕްރޮޑަކްޓްތަކުގެ ތެރޭގައި؛ ފިއުރީ ޑެޕް، ކޯވެޓް، މޯރލޭ، ޑްރިފްޓް، ޕަންޗް، މޫވް، ބަރަކޫޑާގެ އިތުރުން ކޭ-މެކް އަދި އައި-ހެކް ހިމެނެއެވެ.