ރޯދަ މަހުގެ ކަރަންޓު ބިލުތަކުން އަނެއްކާވެސް ޑިސްކައުންޓެއް ދިނުމަށް ނިންމާފައިވާ ކަމަށް ސްޓެލްކޯ އިން ބުނެފިއެވެ.

އެކުންފުނީގެ މެނޭޖިންގ ޑިރެކްޓަރ ހުސައިން ފަހުމީ މިކަން ހާމަކުރެއްވީ 'އެކްސް' ގައި ކުރެއްވި ޕޯސްޓެއްގައެވެ.

 

އެ ޕޯސްޓުގައި ފަހުމީ ވިދާޅުވީ، ރައީސް ޑރ. މުހައްމަދު މުޢިއްޒުގެ ވައުދުފުޅާ އެއްގޮތަށް މިއަހަރުގެ ރޯދަމަހުގެ ކަރަންޓު ބިލުން ޑިސްކައުންޓު ދިނުމަށް ނިންމާފައިވާ ކަމަށެވެ.

އޭނާ ވިދާޅުވީ މިގޮތަށް ނިންމުމުން ކަސްޓަމަރުންނަށް މިހާރުފޮނުވާފައިވާ ބިލުތައް ވެސް ރަނގަޅު ކުރުމަށްފަހު ވީއެންމެއަވަހަކަށް އަލުން ފޮނުވާނެ ކަމަށެވެ.

މީގެ އިތުރުން ސަރުކާރުގެ ހަރުދަނާ، އޯގާތެރި ސިޔާސަތުތަކާއި އެއްގޮތަށް ދިވެހި ރައްޔިތުންގެ ލާބައާއި މަންފާއަށް ކޮށްދެވެންހުރި ހުރިހާކަމެއް ކޮށްދިނުންމަތީ ދެމިތިބޭނެ ކަމުގެ ޔަގީންކަން އަރުވާ ކަމަށް ވެސް ފަހުމީ ވިދާޅުވިއެވެ.