މިއަހަރުގެ މިހާތަނަށް ރާއްޖެ އަށް ޒިޔާރަތްކުރި ފަތުރުވެރިންގެ އަދަދު އަށް ލައްކާއާ ގާތަށް ޖެހިލައިފިއެވެ.
ޓޫރިޒަމް މިނިސްޓްރީ އިން އިއްޔެ ހާމަކުރި ތަފާސްހިސާބުތަކުން ދައްކާ ގޮތުން، މި މަހުގެ 4 ވީ އާދީއްތަ ދުވަހުގެ ނިޔަލަށް ރާއްޖެ އަށް ޒިޔާރަތްކުރި ފަތުރުވެރިންގެ އަދަދަކީ 794،109 އެވެ.
މިއަހަރު މިހާތަނަށް ރާއްޖެ އަށް އެންމެ ގިނައިން ފަތުރުވެރިން ޒިޔާރަތްކޮށްފައިވަނީ ޗައިނާ އިންނެވެ. އެއީ 87،168 އެއްހާ ފަތުރުވެރިންނެވެ. ދެން އެންމެ ގިނައިން ޒިޔާރަތްކުރީ ރަޝިޔާ އިން 80،160 ފަތުރުވެރިންނެވެ. ތިންވަނަ އަށް އެންމެ ގިނައިން ޒިޔާރަތްކުރި އިނގިރޭސިވިލާތުން 76،823 ފަތުރުވެރިން އައެވެ.
އިޓަލީ އަށް މި ލިސްޓުން ލިބުނީ ހަތަރުވަނަ އެވެ. އެ ގައުމުގެ 71،536 ފަތުރުވެރިން މިހާތަނަށް ޒިޔާރަތްކޮށްފައިވެއެވެ. ފަސްވަނަ އަށް އެންމެ ގިނައިން ފަތުރުވެރިން ޒިޔާރަތްކުރި ޖަރުމަނުގެ އަދަދަކީ 61،959 އެވެ.
އަވަށްޓެރި އިންޑިއާ އިން 43،991 އެއްހާ ފަތުރުވެރިން ޒިޔާރަތްކޮށްފައިވާއިރު، އެ ގައުމު އޮތީ މި ލިސްޓުގެ ހަވަނައިގައެވެ. މި ލިސްޓުގައި ދެން ހިމެނެނީ؛ ފްރާންސާއި އެމެރިކާގެ އިތުރުން ސްވިޓްޒަލެންޑް އަދި ޕޮލެންޑެވެ.
ރާއްޖެ އަށް މި އަހަރު ދުވާލަކު އެވްރެޖް ގޮތެއްގައި 6 ހާހެއްހާ ފަތުރުވެރިން ޒިޔާރަތްކުރާއިރު، 7.8 ދުވަހު ރާއްޖެ އަށް ޒިޔާރަތްކުރާ ފަތުރުވެރިން މަޑުކުރެއެވެ.
ސަރުކާރުން މިއަހަރަށް އަމާޒު ހިފާފައިވަނީ 2 މިލިއަން ފަތުރުވެރިން ގެނައުމަށެވެ. މިހާރު ފަތުރުވެރިން ޒިޔާރަތްކުރާ ނިސްބަތަށް ބަލާއިރު އެ އަދަދު 2.3 މިލިއަނަށް އަރާނެކަމަށް ލަފާކުރެވޭކަމަށް ފަތުރުވެރިކަމާ ބެހޭ ވަޒީރު ވަނީ ވިދާޅުވެފައެވެ.