ކުޑަކުދިންގެ ދުވަސް ކުލަގަދަކޮށް ފާހަގަ ކުރުމުގެ ބާއްވާ އުފާ ފެސްޓިވަލުގެ 2 ވަނަ ދުވަހަކީ ފޯރި ގަދަ ހަރަކާތްތަކެއް ރޭވިފައިވާ ދުވަހެކެވެ.
11 މޭ 2024 ގައި ސެންޓްރަލް ޕާކުގައި ހަވީރު 4ން ފެށިގެން އުރީދޫއިން ރާވާފައިވާ "ވޯޓަރ ފަން" ކުރިއަށް ދާނެއެވެ. ފެނާއި ކުލަޔާއި ފޯމް ހިމަނައިގެން ކުދަކުދިންނަށާއި އާއިލާތަކަށް ބައިވެރިވެވޭގޮތަށް މި ހަރަކާތް ކުރިއަށް ދާނެއެވެ. އަމިއްލަ ފެން ބަޑިއެއް ހިފައިގެން މި މަޖަލުގައި ބައިވެރިވުމަށް ހުރިހާ ކުދިންނަށްވެސް އުރީދޫން ވަނީ ހާއްސަ ދައުވަތެއް ދީފައެވެ.
ފޯމް ޕާޓީއަށް ފަހު ރޭގަނޑު ރީތިވެލައިގެން އާއިލާއާ ރައްޓެހިންނާއިއެކު ފިލްމު ބަލާލުމަށްވެސް ސެންޓްރަލް ޕާކަށް އަންނާށެވެ. މިހިތްގައިމު މާހައުލުގައި އެންމެން އެކީ "ވުޑީ ވުޑްޕެކަރ ގޯޒް ޓު ކޭމްޕް" ބަލާލުމަކީ މި ފެސްޓިވަލް ފުރިހަމަ ކޮށްދޭނެ ކަމެކެވެ.
އުރީދޫ މޯލްޑިވްސް އާއި އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާ އަދި ހެޗް.ޑީ.ސީ ގުޅިގެން ކުޑަކުދިންގެ ދުވަސް ފާހަގަ ކުރުމުގެ ގޮތުން 2 ދުވަހަށް ދެމިގެންދާ "އުފާ ފެސްޓިވަލް" ކުރިއަށްދާނީ 10 އަދި 11 މޭ 2024ގައި ހުޅުމާލެ ސެންޓްރަލް ޕާކުގައި ހަވީރު 4ން 6ށް އަދި ރޭގަނޑު 8ން 10ށެވެ.