އުރީދޫ ނޭޝަން ގޭމާސް ލޭންޑުން ކުރިއަށް ގެންދިއުމަށް ހަމަޖެހިފައިވާ އެޕެކްސް ލެޖެންޑްސް ސީރީޒް އެކްސް ގައި ބައިވެރިވުމުގެ ފުރުސަތު ހުޅުވާލައިފިއެވެ.
އެގޮތުން، 22 މޭ 2024ގެ ކުރިން http://ore.do/apex މެދުވެރިކޮށް ކުޅުންތެރިންނަށް މި މުބާރާތުގައި ރަޖިސްޓަރީ ކުރެވޭނެއެވެ. އަދި މި މުބާރާތް ފެށުމަށް ހަމަޖެހިފައިވަނީ 24 މޭ 2024 ގެ ރޭގަނޑު 20:00 ޖަހާއިރުއެވެ. އޮންލައިންކޮށް ކުރިއަށް ގެންދާ މިމުބާރާތް އުރީދޫ ނޭޝަން ގެ ޔޫޓިއުބް ޗެނަލް މެދުވެރިކޮށް ލައިވް ކުރެވިގެންދާނެއެވެ.
"ބެޓަލް ރޯޔާލް" ގޭމުތަކުގެ ތެރެއިން އެޕެކްސް ލެޖެންޑްސް އަކީ ދުނިޔޭގައި އެންމެ މަގުބޫލު އެއް ގޭމެވެ. އަދި ރާއްޖޭގައިވެސް އެންމެ މަގުބޫލު ކަމާއެކު ކުޅެވޭ އެއްގޭމެވެ. މި މުބާރާތުގެ ޕްރައިޒް ޕޫލަކީ 10000ރ އެވެ. އަދި އެއްވަނަ ހޯދާ ޓީމަށް 4000ރ ލިބިގެންދާނެއެވެ.
ގޭމަރުންގެ މެދުގައި އެންމެ މަގުބޫލު ނެޓްވާރކު، އުރީދޫ މޯލްޑިވްސް އިން މިއަހަރަށް ރާވައިފައިވަނީ ހާއްސަ ޝައުގުވެރި މުބާރާތްތަކެކެވެ. އަދި މިއަހަރު "އަލްޓިމޭޓް ޕްލޭޔަރ" ޓްރޮފީ އަށް ވާދަކުރުމުގެ ފުރުސަތު ހުރިހާ ބައިވެރިންނަށްވެސް ހުޅުވާލެވޭނެއެވެ. "އަލްޓިމޭޓް ޕްލޭޔަރ" އަކީ ގޭމަރުންގެ ތެރެއިން ހޮވާލެވޭ މޮޅު ފަންނާނެކެވެ. އަދި އެހެން ކުޅުންތެރިންނަށް ނަމޫނާ ފަރާތަކަށް ވެގެންދާނެއެވެ. މިއީ ރާއްޖޭގައި މިފަދަ ފަންނާނެއް ހޮވޭ ފުރަތަމަ ފަހަރެވެ.