އުރީދޫ މޯލްޑިވްސްގެ އަހަރީ ފަން ރަން ވީކެންޑް މިފަހަރު ލ. އަތޮޅުން "އުރީދޫ ފަން ރަން - ލާމު"ގެ ނަމުގައި މާދަމާ ހަވީރު ފަށާނެކަމަށް އުރީދޫ މޯލްޑިވްސް އިން ބުނެފިއެވެ.
މާދަމާ މި ދުވުން ފެށުމަށް ހަމަޖެހިފައިވަނީ ލ. ގަން މުކުރިމަގު ޖެޓީން ހަވީރު 3:30 އިން ފެށިގެން 6 އަށެވެ. މި ދުވުން ނިންމާލުމަށް ހަމަޖެހިފައިވަނީ ވެސް މުކުރިމަގު ޖެޓީންނެވެ. މަޖާ 5ކޭ މި ދުވުމުގައި އަލަށް ދުވާ ދުވުންތެރިންނާއި ތަޖުރިބާކާރު ދުވުންތެރިން ވެސް މި އުފަލުގައި ބައިވެރިވެވޭނެއެވެ.
ކޮންމެ ކިލޯމީޓަރެއް ނިމުމުން ކުލައާއި ފެނާއި މަޖާ އޮބްސްޓޭކަލްސް ތަކާއެކު ތަފާތު ފަން ސްޓޭޝަންތައް ފެންނާނެއެވެ. އަދި ކޮންމެ ކިލޯމީޓަރަކަށް ފަހު ފަސްޓް-އެއިޑް އެހީ ލިބެން ހުންނާނެއެވެ. މި ދުވުމަކީ ޓައިމް އިވެންޓަކަށް ނުވާތީ، ފިނިޝިން ލައިނަށް ހިނގާލާފަ ޖޮގް ކޮށްލާފަ ނުވަތަ ނަށާލާފަވެސް ކުރުން ފަދަ ކަންކަން ބައިވެރިންނަށް އިޚްތިޔާރު ކުރެވޭނެ ދުވުން ނިންމާލެވޭނެއެވެ. ދުވުން ނިންމާލާއިރު ފޯމް ޕާޓީއަކާއި ފިނިޝަރ މެޑަލް އަކާ އެކު 5ކޭ ދުވުން ނިންމާލުމުގެ އުފާ ފާޅުކުރެވޭނެއެވެ.
"އުރީދޫ ފަން ރަން" - ރާއްޖޭގެ އެންމެ ބޮޑު، އެންމެ އުފާވެރި ދުވުމަކީ ހުރިހާ އުމުރެއްގެ އާއިލާތަކަށާއި ރަހުމަތްތެރިންނަށް ވެސް މަޖާކޮށްލެވޭ ގޮތަށް ފަރުމާކޮށްފައިވާ މަޖާ 5ކޭ ދުވުމެކެވެ.
"އުރީދޫ ފަން ރަން"ގެ ހަރަކާތްތަކާ ބެހޭ އިތުރު މައުލޫމާތު ހޯދުމަށް އުރީދޫގެ ފޭސްބުކް، ޓްވިޓާ އަދި އިންސްޓަގްރާމް މެދުވެރިކޮށް ބަލައިލެވޭނެއެވެ.
އުރީދޫ އިން ފަން ރަންގެ އުފާވެރިކަމުގައި ބައިވެރިވުމަށް ހުރިހާ ބޭފުޅުންނަށްވެސް ދައުވަތު އަރުވައެވެ.