އެތަކީ ވަރަށް މޮޅަށް ފަތަން ދަންނަ ޖަނަވާރެއް. އެތުގެ ހޮޑުކީ "ސްނޯކަލް" އެއް ގޮތަށް ބޭނުން ކޮށްގެން މުޅި ހަށިގަނޑު އަޑިއަށް ލައިގެން އެތަށް ފެތޭނެ. އެފްރިކާ ބައްރުގައި ދިރިއުޅޭ އެތްތައް 48 ކިލޯ މީޓަރަށް ފަތާ ކަމަށް ރެކޯށް ކުރެވިފައި އެބަހުރި. އެތަށް 6 ގަޑިއިރު ވަންދެން ހުއްޓާނުލާ ފެތޭނެ. ކުޑަކުދިން އިނގިލި ބޯހެން ޅަ އެތް އޭގެ ހޮނޑުގެ ކޮޅު ބޮއި ހަދާ. ބޮޑެތި އެތް ވެސް ހާސްވެ ކަންބޮޑުވުމުން މިހެން ހޮޑުގެ ކޮޅު އަނގައަށް ލާ ހަދާ. ޅަ އެތް އޭގެ މަންމަ ވަކި ކުރަނީ ވަހުން. އެތައް އޭގެ އާއިލާގެ އެހެން މެމްބަރުން ވަކި ކުރަން އެނގޭ އަދި ކާނާއާއި ފެން ހޯދަން ދަތުރުކުރާ މަގުތައް އެސޮރުމެން ހަނދާންހުރޭ. އެތް ދިރިއުޅޭ ސަހަރައްދަށް އައިސް އެސޮރުމެނަށް ހަމަލާދޭ އެހެން ޖަނަވާރުވެސް އެތް ފާހަގަ ކުރޭ. އެކުގައި މަސައްކަތް ކުރާ އެތް އެކަތި އަނެކައްޗާ ވަކި ވުމަށްފަހު 23 އަހަރު ފަހުން ފެނުނަސް ވަކިކުރަން އެނގޭ. އެތުގެ ހަށިގަނޑު އުފެދިފައި ހުންނަނީ ބަރުތަކެތި އުފުލުމަށް ޚާއްސަގޮތަކަށް. އެތް މާމުއި ކުޅަނދުރު ދެކެ ބިރުގަނޭ. އެތަކަށް ދެރަކަމެއް ވެއްޖެ ނަމަ އެހެން އެތްތައް އައިސް އެސޮރު ވަށާލާ އެއަށް ހިތްވަރުދީ ހަދާނެ. އެތެއް މާބަނޑު ވުމަށް ފަހު ވިހެއުމާއި ދެމެދު 2 އަހަރު ނަގާނެ. އެތަކީ ވަރަށް ދުރުގައި ހުންނަ އެއްޗެހި ވަސް ބެލުމުގެ ގާބިލްކަން ލިބިފައިވާ އެއްޗެއް. 12 މޭލު ދުރުގައި ފެން ހުރިނަމަ އެތައް އެކަން ދެނެގަނެވޭނެ. އިންސާނުން ވަކި އެއްޗަކަށް އިނގިލި ދިއްކުރުމުން ފަސޭހައި އެއީ ކޮން އެއްޗެއްކަން ދެނެގަނެވޭނެ މަދު ޖަނަވާރުންގެ ތެރޭގައި އެތް ހިމެނޭ. އޭޝިޔާއަށް ނިސްބަތްވާ އެތާއި އެފްރިކާއަށް ނިސްބަތްވާ އެއް ވަކި ކުރަނީ އޭގެ ކަންފަތަށް ބަލައިގެން. އެފްރިކާގެ އެތުގެ ކަންފަތް ބޮޑުވެފައި އޭޝިޔާއެތުގެ ކަންފަތް ކުޑަވާނެ، އަދި ހުންނާނީ އިންޑިޔާގެ ޗާޓުގެ ބައްޓަމާ ވައްތަރު ގޮތަކަށް. އެތައް ކަމޭ ހިތާ މީހުނާއި އެތައް އަނިޔާވެރިވާ އިންސާނުން ވަކިކުރަން އެއަށް އެނގޭނެ.