ދުނިޔޭގެ ހަޔާތުގައި އެތައް ހާސް އަހަރުތަކެއް ފާއިތުވެގެން ގޮސްފިއެވެ. އެތައް ޒަމާނެއް ވޭތުވެ ހިނގައްޖެއެވެ. އެތައް ޖީލުތަކެއް ފަނާވެ ވެއްޔާ އެކުވެއްޖެއެވެ. މިއިން ކޮންމެ ކަމަކީ މި ދުނިޔެއަށް ބޮޑެތި ބަދަލުތަކެއް ގެނުވި ކަންކަމެވެ. ދުނިޔޭގެ ހާލަތަށް ބަލާނަމަ، މި ދުނިޔޭގައި މިއަދު މިއޮތީ ވަކި ބައެއްގެ ބާރެވެ. ހުޅަނގުގެ ގައުމުތަކުން މުޅި ދުނިޔެ ކިޔަމަން ކުރާ ކަހަލައެވެ. މިއަދު މި ދުނިޔޭގައި މުސްލިމުންނީ ދެރަވެ ނިކަމެތިވެފައިވާ ބައެކެވެ. ބާރު ހުރެގެން ކުރެވޭނޭ ކަމެއް ނެތެވެ. ބުނެވޭ ބަހެއް ނޫން އިތުރު ކަމެއް މިއަދު މުސްލިމުންނަށް މި ދުނިޔޭގެ ހާލަތާމެދު ކުރެވޭކަށް ނެތެވެ. މުސްލިމުންނަށް ނިސްބަތްކޮށް ހަރުކަށިކަމުގެ ނަމާއި ލަގަބު ދީ މުޅި ދުނިޔެއަށް މުސްލިމުން ބޭޒާރުކޮށްފިއެވެ. މިކިޔާ ހަރުކަށި ފިކުރާ އަސްލު މުސްލިމުންގެ ސޫރައާއި އުޑާއި ބިމާހާ ތަފާތެވެ. މި ހަރުކަށިފިކުރުގެ އަސްލަކީ ކޮބާ ހެއްޔެވެ؟ މިއީ ހަމަ ހަގީގަތުގައިވެސް މުސްލިމުން ތޯއެވެ؟ ހަރުކަށިކަން އެހެން ދީނަކަށް ނިސްބަތް ނުކުރެވެނީ ކީއްވެތޯއެވެ؟ ވިސްނާލަމާ ހިނގާށެވެ!
ގާތްގަނޑަކަށް 15ވަނަ ގަރުނާއި 19ވަނަ ގަރުނާއި ހަމައަށް މުސްލިމުންނީ ދުނިޔޭގެ ބިމުގައި ބާރުހުރި، ބަސްވިކޭ، ޢިލްމާއި ހިލްމަށް މޮޅު ބައެކެވެ. މުޅި ދުނިޔެ ސިއްސުވާލި ބޮޑެތި ޚިލާފަތްތައް މުސްލިމުންގެ ތެރޭގައި ވިއެވެ. އެގޮތުން ރާޝިދޫން ގެ ޚިލާފަތާއި އުމައްޔަދުގެ ޚިލާފަތާއި ޢައްބާސީ ޚިލާފަތާއި އަދި އުސްމާނީ ޚިލާފަތްތައް ފާހަގަކޮށްލެވެއެވެ. ނަމަވެސް 15ވަނަ ގަރުނުން ފަށައިގެން 19ވަނަ ގަރުނާ ހަމައަށް ހުޅަނގުގެ ޔަހޫދީ ރަސްކަންތަކުން، އެބައިމީހުންގެ ހަންފަތުރާ، ބާރުގަދަކޮށް ދުނިޔޭގެ ބިންތައް މިލްކުކޮށް، ބާރުވެރިކަން ދިޔައީ ހޯދަމުންނެވެ. ދުނިޔޭގެ ފުރަތަމަ ބޮޑުހަނގުރާމަ އަކީ މި ބާރުވެރިކަން މުސްލިމުންގެ އަތްމަތިން ފޭރިގަނެ ޔަހޫންދީން އެ ބާރުވެރިކަން ހޯދި މައި އެއް ދަނޑިވަޅެވެ. މުސްލިމު ޢިލްމުވެރިންގެ ޢިލްމީ މަޢުލޫމާތުތަކާއި ޙަކީމީ ބޭސްވެރިންގެ ގިނަ ފަރުވާތަކާއި، ފަންނާނުންނާ ކުރެހުންތެރިންނާ ޖިއޯގްރަފަރުންގެ ކުރެހުންތަކާއި ހިޔާލުތައް ޔަހޫދީން ފޭރިގަތީ މި ދުވަސްވަރުގައެވެ. ދުނިޔޭގައި އޮތް މުސްލިމުންގެ ބާރުވެރިކަން މަޑުމަޑުންހެން ފޭދެމުން ދާންފެށީ މިހާހިސާބުންނެވެ. މިއަދު ދުނިޔޭގައި މުސްލިމުންގެ ބާރުވެރިކަން މި އޮތް ހިސާބު ނިކަން ދެކެބަލާށެވެ!
މުސްލިމުންގެ ތެރޭގައިވެސް ތަފާތު މަޒުހަބުތައް ވެއެވެ. އޭގެ ތެރެއިން އެއްމެ ތަފާތުކަން ބޮޑު އެއް މަޒުހަބަކީ ޝިޔައީ މަޒްހަބެވެ. ބައެއް އިސްލާމީ ޢިލްމުވެރިން ދެކެލައްވާގޮތުގައި ޝިޔައީންނަކީ ސައްހަ މުސްލިމު ޖަމާއަތެއް ނޫނެވެ. ދެންހުރި މަޒުހަބުތަކީ އަހުލުއްސުއްނަތި ވަލް ޖަމާއަތުގެ މަޒްހަބުތަކެވެ. މި މަޒްހަބުތަކުގެ ތެރޭގައިވެސް މިފަދަ ކުދި ކުދި ތަފާތުތައް ހުއްޓެއްކަމަކު، މުޅި ދުނިޔޭގައި މުސްލިމުންގެ އެކުވެރިކަމާ އެއްބައިވަންތަކަން އޮތީ އެހާމެ ބަދަހިކޮށެވެ. ތަރައްގީ އާއި ތަހުޒީބުގައި މުސްލިމުންނީ ކުރި އަރާ ގޮސްފައިވާ ހިކުމަތްތެރި ބައެކެވެ. ޔަހޫދީންނަށް، މުސްލިމުންގެ މި ހައިބަވަންތަކަށް ދެކޭކަށް ކެތެއް ނުވެއެވެ. އެހެންކަމުން 19ވަނަ ގަރުނުގެ ތެރޭގައި ޔަހޫދީންގެ ވިސްނުމަކަށްވީ މުސްލިމު ދަައުލަތްތައް ބަލިކޮށް ނިކަމެތިކޮށް ތާ އަބަދު ތިބޭނޭ ގޮތެއް ހޯދުމެވެ. ޔަހޫދީންނަށް ވުރެ މުސްލިމުން ކުރިއަރާ ނުދާނޭ ގޮތެއް ހޯދުމެވެ. މި ނިޔަތުގައި ޔަހޫދީން އެކި އެކި ގޮތްގޮތަށް އެކި ދިމަ ދިމާލުން ސިއްރުގައި، އޮޅުވާލައިގެން މުސްލިމުންގެ ތެރެއަށް ޔަހޫދީންގެ އާދަތައް ވައްދާ، ޔަހޫދީންގެ ކިޔަމަނުގައި މުސްލިމު ދައުލަތްތައް ޖައްސުވާން އެކި އިރު އިރު ވަނީ މަސައްކަތް ކޮށްފައެވެ.
މި ނުބައި އަޑި ނޭނގޭ އުކުޅުތަކާއި ދަންތުރަ ތަކުގައި މުސްލިމު ދައުލަތްތައް މަޑުމަޑުން ދިޔައީ ޖައްސުވަމުންނެވެ. "ބައިނަލްއަޤުވާމީ" ގެ ނަމުން ނަން ކިޔާ އެތައް ގުޅުމެއް، ޔަހޫދީ ދައުލަތްތަކުން އިސްވެ، މުސްލިމު ދައުލަތްތަކާއި ދިޔައީ ބާއްވަމުންނެވެ. މަތި އޮމާނެވެ. ކުލަ އައްޔެވެ. ނަމަވެސް އަޑި ނުބައެވެ. އާދޭހެވެ، އިސްލާމީ ހަރުކަށި ވިސްނުން އުފަންކުރުވި ހަގީގީ މޭސްތިރިންނަކީ ހަމަ ޔަހޫދީންނެވެ. ސަބަބަކަށްވީ އެއްކަލަ މުސްލިމު ގައުމުތަކުގައި އޮތް އެކުވެރިކަމާ އެއްބައިވަންތަކަން ނަގާލުމެވެ. އެގޮތުން މެދު އިރުމައްޗާއި އެފްރިކާ ބައްރަށް މިބައިމީހުން އަމާޒު ކުރިއެވެ. މެދު އިރުމަތީގެ ބިންތަކުގެ ތެލުގެ މުއްސަނދިކަމުން، މުސްލިމުން ބާރުވެރި ވެދާނެތީއެވެ. އެފްރިކާގެ ޖަވާހިރާއި ރަނާއި ރިހިން މުއްސަނދިވެފައިވާ ބިންތަކުގެ ސަބަބުން އެބައިމީހުން މުއްސަނދިވެ، ބާރުވެރިކަން ހޯދަފާނެތީއެވެ. އެގައުމުތަކުގެ އަމަން އަމާންކަން ނައްތާލާ، ދާޚިލީ ގުޅުންތައް ގަޑުބަޑުކޮށް، އިގްތިޞާދު ކުރިއެރިޔަ ނުދޭން ފޫގަޅާލިއެވެ.
މިކަން މިމަގުން ކުރިޔަށް ގެންދިއުމަށް، ޔަހޫދީންގެ ވިސްނުމާ ބުއްދި ބޭނުންކޮށް، މުސްލިމު ދައުލަތްތަކާއި ގައުމުތައް ބަލިކަށިކޮށްލާން ފެނުނު އުކުޅަކީ މި ހަރުކަށި ފިކުރޭ ކިޔުނު ފިކުރެވެ. އެހެންކަމުން އެ ވިސްނުމުގައި އުޅުނު ޔަހޫދީންގެ ކަންކަން ހުރީ އިސްލާމް ދީން ބޭނުންކޮށްގެން، ހަމަނުޖެހުންތައް އުފެއްދުމެވެ. އެހެނީ އެބައިމީހުންވެސް ގަބޫލުކުރާ ގޮތުގައި މުސްލިމުންނީ އެބައިމީހުންގެ ދީނަށް ލޯބިކުރާ، އީމާންތެރިކަން ވަރުގަދަ ބައެކެވެ.
ހަރުކަށިފިކުރު އުފަންކުރުމަށް ޔަހޫދީން ރޭވި ރޭވުންތަކުގެ ތެރޭގައި ޔަހޫދީން ލައްވާ އިސްލާމްދީން ކިޔަވަން ފެއްޓިއެވެ. އެބައިމީހުނަށް އެބައިމީހުންގެ ދީން އެގޭވަރަށްވުރެ ބޮޑަށް އިސްލާމް ދީން އުގެނި ދަސްކުރިއެވެ. އަދި މަތީ ސަނަދުތަށް ނަގަމުން ދިޔައީ ނަމުން މުސްލިމުންގެ ގޮތުގައި ތިބެގެންނެވެ. އާދޭހެވެ! އަމަލުންވެސް ދައްކަމުންނެވެ. ނަމަވެސް އެބައިމީހުންގެ ހަގީގީ މަގުސަދު އޮތީ އެބައިމީހުންގެ ހިތްތަކުގައި ފޮރުވާފައެވެ. އިސްލާމް ދީނުގެ އެކި އެކި ކަންކަމުން ތަޢުލީމު ހާސިލްކޮށްގެންތިބި ޔަހޫދީން ދިޔައީ އެކި ގޮތްގޮތަށް މުސްލިމުން ހައްލާ، ހަރުކަށިކަމުގެ ތެރެއަށް ގެންނަން މަސައްކަތް ކުރަމުންނެވެ. މާ މޮޅެތި ދަންނަބޭކަލުން ކަމުގައި ދެއްކި އިޝްތިހާރުވަމުންނެވެ. މިމަގުން މާ ބޮޑު އަލިމަގެއް މިބައިމީހުނަށް ނުފެނުމުން، ދެން ކުޅަ ކަމަކީ އިސްލާމީ ތަޢުލީމުގެ ތެރެއަށް މިބައިމީހުން ފާވާން ފެށުމެވެ. އެގޮތުން ހުޅަނގުގެ ޔަހޫދީންގެ ފުށުން މަދަދުހޯދާ ބޮޑެތި އިސްލާމީ ޔުނިވަސިޓީތަކުގެ ލެކްޗަރާއިންގެ ގޮތުގައި މިބައިމީހުން ތިބެން ފަށިއެވެ. އަދި ދީނީ ކަންކަން އުގަންނައި ދިނުމުގައި، ދީނުގައި ހުރި ހިލާފީ މައްސަލަތަކުގައި ހަމައެކަނި ވަކި ގޮތަކަށް އެކަނި ބުރަވުމަށް އިރުޝާދުދީ އެމަގުން ތަޢުލީމު ފޯރުކޮށްދެމުން ދިޔައެވެ. މިފަދަ ހިލާފީ މައްސަލަތަކުގައި ވަކިގޮތެއް ނޫން ގޮތެއް، އެއީ ނެތްގޮތެއް ކަމުގައި ދެކެން ފެށުމުން، އިސްލާމީ މުޖުތަމައުތަކުގައި ބައިބައިވުން އުފެދެން ފަށާނެކަން މި ޔަހޫދީންނަށް އެނގެއެވެ. އެހެނީ ދީނީ ކަންކަމުގައި މުސްލިމުންނީ އެބައިމީހުންގެ ސަމާލުކަން މާ ބޮޑަށް ދޭ ބަޔަކު ކަމުގައި ވާތީއެވެ.
މިހާ ހިސާބުން މިފަދަ ތަންތަނުން، މިފަދަ މީހުން ކުރެން ދީން އުނގެނި، އެކި ދަރަޖަ ދަރަޖައިގެ ދީނީ ދަންނަބޭކަލުން ދުނިޔޭގެ އެކި ކަންކޮޅުތަކަށް ފޯރައިފިއެވެ. އެތަންތަނުގައި މިފަދަ ފަތުވާތައް ނެރެ، ހަރުކަށި ފިކުރު، އެއީ އަސްލު އިސްލާމީ ފިކުރު ކަމުގައި ދެކެވި، އެ މަޅީގައި މުސްލިމުން ޖައްސުވަމުން ގެންދެއެވެ. އިސްލާމީ ގައުމުތަކުގެ ވެރިކަންކުރާ ނިޒާމަކީ، ދީނުގައި ހަރާމް ނިޒާމެއް ކަމަށް ބުނެ، ވެރިން ކާފަރުކޮށް، އިސްލާމީ ދައުލަތްތަކާއި މިބައިމީހުންގެ ހިޔާލު ފުށުއަރަން ފަށައިފިއެވެ. ހަރުކަށިކަމުގެ ނިޝާނަކީ ނުވަތަ ދިދަ އަކީ ޝަހާދަތުގެ ދެކަލިމަ ކަމަށް ދައްކުވާ މުޅި ދުނިޔޭގައި އަދި ކިއެއް، މުސްލިމުންގެ ތެރޭގައިވެސް އެ ކަލިމައިގެ ދިދަ ދެކެ ޖެހިލުންވާ ބަޔަކުވެސް އުފައްދައިފިއެވެ. މިހިސާބުން މި އިސްލާމީ ގައުމު ތަކުގައި ދާހިލީ އެތައް ހަމަނުޖެހުމެއް ހިނގަން މެދުވެރިވެގެން ދެއެވެ. ހަމަނުޖެހުންތަކާ ތަޅާފޮޅުންތައް ގިނަވެއެވެ. އެގައުމުތަކުގެ ކުރިއެރުމަށް ހުރަސް އެޅެއެވެ. އިސްލާމީ ގައުމުތަކުން، ހާއްސަކޮށް މެދު އިރުމައްޗާއި އެފްރިކާގެ ގައުމުތަކުން ފެންނަނީ މި މަންޒަރެވެ.
އެ ގައުމުތަކުގެ ހާލަތު އެހާ ހިސާބަށް ދިއުމުން، ހަރުކަށި ފިކުރުގެ ނުރައްކަލުން ސަލާމަތް ކުރުމަށް ކަމަށް ބުނެ، ހުޅަނގުގެ އަސްކަރިއްޔާތައް މި ގައުމުތަކަށް އަރަނީ، މާ އޯގާތެރި ބައެއް ކަމުގައި ދެއްކިގެންނެވެ. ނަމަވެސް އެބައިމީހުން ކުރާހާވެސް ކަމަކީ އެ ގައުމުތަކުގެ އަމަން ނަގާލާ، އުމްރާނީ ވަސީލަތްތައް ނެތިކޮށް ސުންނާފަތިކޮށް، އިގްތިޞާދުގެ ކުރި އެރުން އޮބަހައްޓާލުމެވެ. އާދޭހެވެ! އިސްވެ ދެންނެވުނު ފަދައިން، ޔަހޫދީން ބޭނުންވި ފަދައިން މުސްލިމުންގެ ބާރުވެރިކަން މިއަދު ނެތިކޮށްފިއެވެ. ޔަހޫދީންނަށްވުރެ މުސްލިމުން ކުރިއަރާ ދިޔަ ނުދޭން އެބައިމީހުން އެ ކުޅަ ކަންކަން އެބައިމީހުން ކާމިޔާބުކޮށްފިއެވެ. ފަލަސްޠީނުގެ ހާލަތު މިކަމަށް ހެކިދެއެވެ. ފަލަސްޠީނުގެ ޙަމާސް ޖަމާއަތަކީ ހަރުކަށި ޖަމާއަތެއް ކަމަށް ބުނެ، ހަރުކަށި ފިކުރު ނައްތާލަން ކުރާ ހަނގުރާމައެއް ކަމަށްބުނެ، އެ ދަނީ މުޅި ފަލަސްޠީނުގެ ނަސްލު ނައްތާލުމުގެ ބޮޑު ލޭ އޮހޮރުވުމެއް އޮހޮރުވަމުންނެވެ. އެއްކަލަ "ބައިނަލްއަޤުވާމީ" ނަންތަކާއި މަތި އޮމާން ކުރި ކަންކަން ކޮބާ ހެއްޔެވެ؟ ޔަހޫދީންގެ ކުރިމަތީގައި "ބައިނަލްއަޤުވާމީ" އެ އޮތީ ބަލި ކަންބަޅިއެއްފަދައިން ހިރިނުލެވިފައެވެ. އާދޭހެވެ! ހިރިނުލެވޭނެތާއެވެ! އެއަކީވެސް، މިއަކީވެސް ހަމަ ޔަހޫދީންގެ ނުބައި ޕްރޮޕެގެންޑާތަކެކެވެ! މި ބައިމީހުން އެބަޔަކު ދެކެ ޖެހިލުންވާ ކޮންމެ މުސްލިމަކީ ހަރުކަށި މީހެއް ކަަމަށް ނުވަތަ ޖަމާއަތެއް ކަމަށް މިބައިމީހުން ދެކެން ފަށައެވެ. އަދި އެމަގުން މުޅި ދުނިޔެއަށް "ބައިނަލްއަޤުވާމީ" ގޮތުން އެ ބަޔަކު އެއީ ހަރުކަށި ޖަމާއަތެއް ކަމުގައި ދައްކުވާ ބޭޒާރު ކުރެއެވެ.
މުސްލިމުންގެ ތެރެއަށް ހަރުކަށި ފިކުރު ފާކުރަން ކުޅަ މަސައްކަތުން، އިސްވެ ދެންނެވުނު ޝިޔައީ ޖަމާއަތުގެ މީހުންގެ ތެރެއަށް މި ހަރުކަށިކަން ފާކުރަން ޔަހޫދީންނަށް ވީ ބުރައަކަށެވެ. ނަމަވެސް ސުންނީ މުސްލިމުންގެ ތެރެއަށް މި ފިތުނަ ފެތުރެން މާ އުނދަގޫ ކަމެއް ކަމުގައި ނުވިއެވެ. މިކަމުގައި ބައެއް ދިރާސާވެރިން ފާހަގަ ކުރާ ގޮތުގައި ޝިޔައީ ޖަމާއަތުގެ މީހުންގެ ތެރޭގައި އޮންނަ ވަރުގަދަ އެއްބައިވަންތަކަމަކާއި ދީނީ ކަންކަމުގައި އެ ޖަމާއަތުގެ މީހުން އެކުވެ، އެއް އަޑަކުން މާ ފޯރިނަގާ އުޅޭ އުޅުމާއި، ދެންވެސް އެބައިމީހުން އެ ގަބޫލުކުރާ ބައެއްކަހަލަ ގަބޫލުކުރުންތަކުންގެ ސަބަބުން އެބައިމީހުންގެ ތެރެއަށް މި ހަރުކަށިކަން ފާކުރަން ވަނީ އުނދަގޫވެފައެވެ. (ނޯޓު: މިއީ ސުންނީ މުސްލިމުންނަށް ވުރެ، ޝިޔައީން ރަނގަޅުކުރުމަށް ގެނެވުނު އިބާރާތެއް ނޫންނެވެ).
ކޮންމެއަކަސް ހަރުކަށި ފިކުރޭ މި ކިޔާ ފިކުރުގެ އަސްލު ގުޅިފައިވަނީ ޔަހޫދީންނާއެވެ. މިއީ ސީދާ ޔަހޫދީންގެ ވިސްނުމެކެވެ. މުސްލިމުން އެބައިމީހުންގެ ބިމުގައި ނިކަމެތިކޮށް ބަލިކަށިކުރުމަށް ޔަހޫދީން ރާވާ ހިންގާ ވަރުގަދަ ޕްރޮޕެގެންޑާއެކެވެ. މިފަދަ އެތައް ޕްރޮޕެގެންޑާއެއްގެ ނަން، ދިވެހި ސުކޫލުތަކުގައި ސާނަވީ އިސްލާމް މާއްދާގައިވެސް ކިޔަވާނެއެވެ.
ނޯޓު: މިއީ ހަރުކަށި ފިކުރުގެ ހަގީގަތް ހޯދުމަށް ކުރެވުނު ދިރާސާއަކުން އެއްކުޅަ މައުލޫމާތު ތަކެކެވެ. މި ލިޔުމުގައި ގިނަ މައުލޫމާތު ނަގާފައިވަނީ އަލް ޖަޒީރާ ނޫހުގެ ޖުމުލަ 13 ލިޔުމަކުންނެވެ. މީގެ އިތުރުން ޕީ.އެސް.އެމް އިން ގެނެސްދޭ ދުނިޔޭގެ ކަޅި މި ޕްރޮގްރާމުގެ އެކި އެކި ސިލްސިލާތަކުންވެސް ގިނަ މައުލޫމާތުތަކެއް ވާނީ ހޯދާފައެވެ. އަދި މި މައުލޫމާތުތަކުގެ މައްޗަށް ބިނާކޮށް އަޅުގަނޑުގެ އަމިއްލަ ވިސްނުމަށް ބުރަވެވޭ ބައެއްކަންކަންވެސް މިލިޔުމުގައި ހިމަނާލާފައިވާނެއެވެ. މި ލިޔުމުގައި ކުށްބަހެއް ވާނަމަ ނިހާޔަތަށް މައާފަށް އެދެމެވެ.
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން