އެލް މޮބައިލުން އުރީދޫގެ އީ-ކޮމާސް ޕްލެޓްފޯމް ކަމަށްވާ، މޫލީ މެދުވެރިކޮށް އައިފޯން 16ގެ ޕްރީ-އޯޑަރ ކަސްޓަމަރުންނާ ފޯން ހަވާލުކުރަން ފަށައިފިއެވެ.
އެލް މޮބައިލުން އައިފޯން 16 ޕްރީ-އޯޑަރ ކަސްޓަމަރުންނާ ފޯން ހަވާލުކޮށްފައިވަނީ 'ގްލޯނައިޓް' ނަމުގައި މިދިޔަ ހުކުރު ދުވަހު ބޭއްވި ހާއްސަ މިއުޒިކް ޝޯ އަށް ފަހު އޮތް ހާއްސަ އިވެންޓެއްގައެވެ.
މި މިއުޒިކް ޝޯވ ގައި އަޗޭސިއާ، ހަބޭސް ބޮޑުބެރު ގްރޫޕުގެ ހުށަހެޅުންތައް ގެނެސްދީފައިވާއިރު، ޑީޖޭ ޑީޑް ވެސް ވަނީ ބައިވެރިވެފައެވެ.
އުރީދޫ މޯލްޑިވްސް އިން އެލް މޮބައިލް އާ ގުޅިގެން މޫލީ މެދުވެރިކޮށް އައިފޯން 16ގެ ޕްރީ-އޯޑަރު ކުރުމުގެ ފުރުޞަތު ހުޅުވާލީ މި މަހުގެ 20 ވަނަ ދުވަހު އެވެ.
އައިފޯން 16 އަދި އައިފޯން 16 ޕްލަސް އަކީ މުޅިން އާ އޭ18 ޗިޕް ހިމަނައިގެން، ކެމެރާ ކޮންޓްރޯލް، އެޑްވާންސް ކެމެރާ ސިސްޓަމަށް އީޖާދީ އަޕްގްރޭޑް، އެކްޝަން ބަޓަން ބޭނުންކޮށްގެން ބޭނުންތެރި ފީޗާތައް އަވަހަށް ހޯދުމަށާއި، ބެޓެރީ ލައިފް އިތުރަށް ރަގަޅުކުރެވިފައިވާ މޮޑެލް ތަކެކެވެ.
އައިފޯން 16 ޕްރޯ އަދި އައިފޯން 16 ޕްރޯ މެކްސް އަކީ އޭ18 ޕްރޯ ޗިޕް ގެ އެހީގައި އިންޑަސްޓްރީގެ އެންމެ ކުރިއަރާފައިވާ ސީޕީޔޫ ޕާފޯމަންސް، ބޮޑު ޑިސްޕްލޭ ސައިޒް، ކެމެރާ ކޮންޓްރޯލް، އިނޮވޭޓިވް ޕްރޯ ކެމެރާ ފީޗާސް، އަދި ބެޓެރީލައިފަށް ބޮޑު ކުރިއެރުމެއް ގެނެސްފައިވާ މޮޑެލްއެކެވެ.
ރާއްޖޭގައި އެންމެ ފުޅާ ދާއިރާއެއްގައި މޮބައިލް ފޯނުގެ ވިޔަފާރި ކުރަމުން އަންނަ އެއްފިހާރަ ކަމަށްވާ، އެލް މޮބައިލް އަކީ އެޕަލްގެ އޮތޮރައިޒްޑް ޑިސްޓްރިބިއުޓަރެވެ.