ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ރާޅުތައް މޮނިޓަރކުރުމުގެ މަޝްރޫއެއް ފަށައިފިއެވެ.
މި މަޝްރޫޢާ ގުޅޭ މަޢުލޫމާތުތައް ހިއްސާކޮށްފައިވަނީ އެކްސްގައި އެ ކުންފުނީގެ މެނޭޖިންގ ޑިރެކްޓަރ ހުސެއިން ފަހުމީ ކުރެއްވި ޕޯސްޓެއްގައެވެ.
“Stelco Launches Wave Monitoring Project to Propel Maldives Toward President Dr. Muizzu’s 33% Renewable Energy Goal, Expanding Sustainable Power Beyond Solar Sources”
— Hussain Fahmy (@HussainFahmy09) November 9, 2024
Stelco’s recent initiative to deploy wave monitoring technology marks a significant step forward in the… pic.twitter.com/9a7udxdhoH
މިއީ، އެ ކުންފުނިން ރާއްޖޭގައި އިޔާދަކުރަނިވި ހަކަތައިގެ މިންވަރު 33 އިންސައްތަ އަށް އިތުރުކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެފައިވާ ވަޢުދުފުޅު ފުއްދުމަށްޓަކައި އިރުގެ އަލީގެ އިތުރުން އެހެން ވަޞީލަތްތައް ބޭނުންކުރުމަށް ގެންގުޅުއްވާ ވިސްނުންފުޅު ތަންފީޒުކުރެއްވުމުގެ ގޮތުން ފަށާފައިވާ މަސައްކަތެކެވެ.
ދެމެހެއްޓެނިވި ހަކަތައިގެ ހައްލުތައް ހޯދުމަށާއި ރައީސް ޑރ. މުޢިއްޒުގެ ވަޢުދުފުޅު ކަމުގައިވާ ރީނިއުބަލް އެނަރޖީގެ މިންވަރު 33 އިންސައްތައަށް އިތުރުކުރުމަށް ރާއްޖެއިން ކުރަމުންދާ މަސައްކަތުގައި ސްޓެލްކޯއިން ފަހުން ފަށާފައިވާ ރާޅުތައް މޮނިޓަރކުރުމުގެ ޓެކްނޮލޮޖީ ބޭނުންކުރުމުގެ މަޝްރޫޢަކީ ވަރަށް މުހިންމު ފިޔަވަޅެކެވެ.
ރާޅުތަކުން ހަކަތަ އުފެއްދުމުގެ ދާއިރާ ދިރާސާކުރުމުގެ ތެރެއިން، ސްޓެލްކޯއިން އާންމުކޮށް ބޭނުންކުރާ އިރުގެ އަލީގެ އިތުރުން އެހެން ވަސީލަތްތަކުން ވެސް އިޔާދަކުރަނިވި ހަކަތަ އުފެއްދުމުގެ ދާއިރާ ފުޅާކޮށް، ދެމެހެއްޓެނިވި ތަރައްޤީއަށް އައު މަގެއް ވަނީ ހުޅުވާލާފައެވެ. މި މަޝްރޫޢުގެ ދަށުން ކަނޑުގެ ރާޅުތަކަކީ ޤައުމަށް ބޭނުންކުރެވިދާނެ ހަކަތައިގެ ވަސީލަތެއްތޯ ދެނެގަތުމަށްޓަކައި ވަރަށް ފުޅާ ދާއިރާއެއްގައި މަޢުލޫމާތު އެއްކޮށް، ދިރާސާކުރެވެމުންދެއެވެ.
ރާޅުތަކުން ހަކަތަ އުފެއްދުމުގައި ގިނަ ފައިދާތަކެއް ވެއެވެ. އޭގެ ތެރޭގައި އިރުގެ އަލިން ހަކަތަ އުފެއްދުމާ އަޅާބަލާއިރު މޫސުމުގެ ބަދަލުތަކުގެ ސަބަބުން ކުރާ އަސަރު ކުޑަވުމުގެ ސަބަބުން ހަކަތަ އުފެއްދުމުގައި އެއްވަރެއްގައި ދެމެހެއްޓުން ހިމެނެއެވެ.
މި ދިރާސާގެ ތެރެއިން ސްޓެލްކޯއިން ބަލަމުންދަނީ މިހާރު ބޭނުންކުރަމުންދާ އިޔާދަކުރަނިވި ހަކަތައިގެ ވަސީލަތްތަކާއެކު ރާޅުތަކުން އުފައްދާ ހަކަތަ ބޭނުންކުރެވިދާނެ ގޮތްތަކާއި، އެކަމުގެ ސަބަބުން ހަކަތައިގެ ނިޒާމު އިތުރަށް ވަރުގަދަވެ، އިތުބާރު ބޮޑުވާނެ މިންވަރެވެ.
މި މަސައްކަތުން ސްޓެލްކޯއިން އައު ކަންތައްތައް ތަޢާރަފުކުރުމަށް ކުރަމުންދާ މަސައްކަތް ހާމަވެ، ރާއްޖެއިން ސާފު އަދި ދެމެހެއްޓެނިވި މުސްތަޤުބަލަކަށް ކުރަމުންދާ މަސައްކަތާ އެއްހަމައެއްގައި، ރާއްޖެއިން އިޔާދަކުރަނިވި ހަކަތައިގެ ދާއިރާއިން ހާސިލުކުރަން ބޭނުންވާ ލަނޑުދަނޑިތައް ހާސިލުކުރުމަށް އެހީތެރިވެދޭނެއެވެ.
މި މަޝްރޫޢަކީ ރާއްޖޭގެ ހަކަތައިގެ ދާއިރާގައި ވަރަށް މުހިންމު ފިޔަވަޅެކެވެ. މިއީ ހަމައެކަނި ސްޓެލްކޯގެ އައު އީޖާދެއްގެ ގޮތުގައި ނޫން، މުޅި ޤައުމުގެ ދެމެހެއްޓެނިވި ތަރައްޤީއަށް އެޅޭ ވަރަށް މުހިންމު ފިޔަވަޅެއްގެ ގޮތުގައި ވެސް ފާހަގަކުރެވެއެވެ. ރާޅުތަކުން ހަކަތަ އުފެއްދުމުގެ ޓެކްނޮލޮޖީ ތަރައްޤީކުރެވި، އޭގެ ބޭނުން ހިފަން ފެށުމުން، ރާއްޖެއަށް ލިބޭނެ ފައިދާތައް ވަރަށް ގިނައެވެ. އޭގެ ތެރޭގައި ތިމާވެށި ހިމާޔަތްކުރުމާއި، ހަކަތައިގެ ރައްކާތެރިކަން އިތުރުކުރުމާއި، އަދި އިޤްތިޞާދީ ގޮތުން ކުރިއެރުން ހޯދުން ހިމެނެއެވެ.
ސްޓެލްކޯއިން ފަށާފައިވާ މި މަޝްރޫޢަކީ ރާއްޖޭގެ ހަކަތައިގެ މުސްތަޤުބަލަށް އައު އުއްމީދުތަކެއް ގެނެސްދޭނެ ކަމެކެވެ. މި މަޝްރޫޢުގެ ސަބަބުން ރާއްޖޭގައި އިޔާދަކުރަނިވި ހަކަތަ އުފެއްދުމުގެ ދާއިރާ އިތުރަށް ފުޅާވެ، ރައީސް ޑރ. މުޢިއްޒުގެ ވަޢުދު ފުއްދުމަށް އިތުރު ބާރެއް ލިބިގެންދާނެއެވެ. އަދި މީގެ ސަބަބުން ރާއްޖެއަކީ ދެމެހެއްޓެނިވި ގޮތެއްގައި ކުރިއަރަމުންދާ، ތިމާވެށްޓާ ރައްޓެހި ޤައުމެއްގެ ގޮތުގައި ދުނިޔޭގެ ކުރިމަތީގައި އިތުރަށް ފާހަގަކުރެވިގެންދާނެއެވެ.