ދިވެހިރާއްޖެއަކީ ކުދިކުދި ރަށްތަކެއްގެ މައްޗަށް އެކުލެވިގެންވާ ޖަޒީރާ ޤައުމެކެވެ. މި ރަށްތަކުގެ ވަށައިގެން އޮންނަ ގަދަ ނޫ ކުލައިގެ ކަނޑާއި، ދޮން ވެލިގަނޑާއި، ފެހި ރުއްގަސްތަކަކީ ދިވެހިރާއްޖޭގެ ޤުދުރަތީ ރީތިކަމުގެ މައިގަނޑު ސިފަތަކެވެ. ނަމަވެސް، ފަހަކަށް އައިސް ބައެއް ފަރާތްތަކުން ކުދިކުދި ރަށްތަކުގައި މެދުއުޑަށް އުފުލާ ބޮޑެތި އުސް އިމާރާތްތައް ކުރުމާއި އެކަމަށް ގޮވާލަމުންދާކަން ފާހަގަކުރެވެއެވެ. މިއީ ދިވެހިރާއްޖެއަށް އެކަށީގެންވާ ކަމެއްތޯ އަޅުގަނޑުމެން ވިސްނާލަން ޖެހެއެވެ.

ދިވެހިރާއްޖޭގެ ރަށްތަކަކީ ބިން ކުދި އަދި ތިރި ރަށްތަކެކެވެ. މި ރަށްތަކުގެ ބިންތައް ދަނީ ދުވަހެއް ދުވަހަކަށް ފުރެމުންނެވެ. މިފަދަ ކުދި އަދި ތިރި ރަށްތަކުގައި އުސް އިމާރާތްތައް ކުރުމަކީ ތިމާވެށްޓަށް ގެއްލުން ލިބި، ރަށުގެ ވަށައިގެންވާ ޤުދުރަތީ މާޙައުލަށް ނޭދެވޭ އަސަރުތަކެއް ކުރާނެ ކަމެކެވެ.

އުސް އިމާރާތްތައް ކުރުމުގެ ސަބަބުން ދިވެހިވަންތަކަން ގެއްލިގެން ދިއުމަކީ އެކަށީގެންވާ ކަމެކެވެ. ދިވެހިންގެ ސަގާފަތާއި އާދަކާދަތަކާ ގުޅިފައިވާ ގެދޮރު އެޅުމުގެ ވައްޓަފާޅިއަކީ ތިރި، ހާމަ، އަދި ގުދުރަތީ މާޙައުލާ ގުޅިލާމެހިފައިވާ ގޮތަކަށް ހުންނަ އިމާރާތްތަކެވެ. އުސް އިމާރާތްތަކަކީ މި ސަގާފަތާ އެއްގޮތަކަށްވެސް ގުޅޭ އެއްޗެއް ނޫނެވެ.

އުސް އިމާރާތްތަކުގެ ސަބަބުން ދިވެހިރާއްޖޭގެ ޖަޒީރާވަންތަކަން ގެއްލިގެންދާނެއެވެ. ކުދިކުދި ރަށްތަކުގައި އުސް އިމާރާތްތައް ހެދުމުން، ރަށުގެ ޤުދުރަތީ މަންޒަރު ބަދަލުވެ، ރަށުގެ ވަށައިގެންވާ މާޙައުލުގެ ރީތިކަން ނެތިގެންދާނެއެވެ. މިއީ ދިވެހިރާއްޖެއަށް ޒިޔާރަތްކުރާ ފަތުރުވެރިންނަށްވެސް ނޭދެވޭ އަސަރެއް ކޮށްފާނެ ކަމެކެވެ.

މިފަދައިން ކުރެވޭ އުސް އިމާރާތްތަކުގެ ސަބަބުން ރަށުގެ ފެހިކަން ގެއްލިގެންދާނެއެވެ. ރުއްގަސް ނެގުމާއި، ބިންގަނޑު ސާފުކުރުމުގެ ސަބަބުން ރަށުގެ ޤުދުރަތީ ރީތިކަމާއި ފެހިކަން ނެތިގެންދާނެއެވެ. މިއީ ރަށުގެ ދިރޭތަކެތީގެ ނިޒާމަށްވެސް ނޭދެވޭ އަސަރުތަކެއް ކުރާނެ ކަމެކެވެ.

ކުދިކުދި ރަށްތަކުގައި މެދު އުޑަށް އުފުލާ، އުސް އިމާރާތްތައް ކުރުމަކީ ދިވެހިންނާއި ދިވެހިންގެ ޖެނެޓިކު ސިފަތަކާއިވެސް ހިލާފު ކަމެކެވެ. ދިވެހިންނަކީ އަތިރިމަތީގައި އުޅެން އާދަވެފައިވާ، ކުދި ރަށްތަކުގައި ދިރިއުޅެން ލޯބިކުރާ ބައެކެވެ. އުސް އިމާރާތްތަކުގައި ދިރިއުޅުމަކީ ދިވެހިންގެ ޠަބީޢަތާ ދުރު ކަމެކެވެ.

ޚުލާޞާކޮށް ބަލާއިރު، ކުދިކުދި ރަށްތަކުގައި މެދުއުޑަށް އުފުލޭ ބޮޑެތި އުސް އިމާރާތްތައް ކުރުމަކީ ދިވެހިރާއްޖެއަށް އެކަށީގެންވާ ކަމެއް ނޫނެވެ. މިކަމުގެ ސަބަބުން ރާއްޖޭގެ ތިމާވެށްޓަށާއި، ދިވެހިވަންތަކަމަށާއި، ޖަޒީރާވަންތަކަމަށާއި، ޤުދުރަތީ ރީތިކަމަށާއި ދިރުންތަކަށް ނޭދެވޭ އަސަރުތަކެއް ކުރާނެއެވެ. އަދި މިއީ ދިވެހިންގެ ޖެނެޓިކު ސިފަތަކާއިވެސް ހިލާފު ކަމަކަށްވާތީ، ދިވެހިންގެ ދިރިއުޅުމުގެ ފެންވަރަށާއި ދުޅަހެޔޮކަމަށްވެސް އަސަރުކުރުމަކީވެސް ވުން ގާތް ކަމެކެވެ.

އެހެންކަމުން، ދިވެހިރާއްޖޭގެ ކުދިކުދި ރަށްތަކުގައި ތަރައްޤީ ގެނައުމުގައި، ރަށުގެ ޤުދުރަތީ މާޙައުލާއި ދިވެހިންގެ ސަގާފަތާ ގުޅޭ ގޮތަށް ރޭވުންތެރިކަމާއެކު ކުރިއަށް ދިއުމަކީ މުހިންމު ކަމެކެވެ. ރަށުގެ ވަށައިގެންވާ މާޙައުލާ ގުޅޭ، ތިރި އިމާރާތްތަކާއި، ފެހިކަން ދެމެހެއްޓޭ ގޮތަށް ކުރެވޭ ތަރައްޤީއަކީ ދިވެހިރާއްޖެއަށް އެންމެ އެކަށޭނަ ގޮތް ކަމުގައި ދެކެމެވެ. މިގޮތުން، ދެމެހެއްޓެނިވި ތަރައްޤީގެ އުޞޫލުތަކާ އެއްގޮތަށް، ދިވެހިރާއްޖޭގެ ޚާއްޞަ ސިފަތައް ނުގެއްލޭނޭހެން ތަރައްގީއާއި އެކު ކުރިއަށް ދިއުމަކީ މުހިންމު ކަމެކެވެ. އުސް އިމާރާތްތައް ކުރަން އެދޭނަމަވެސް، އެކަމުގައި މިނެއް، އިމެއް، ހުދޫދެއް ގެއްގުޅެން ވާނެއެވެ.