ގަސްތައް މި ވަޔާ އެކު ހެލިލާފާ، ފަތްކޯޅި ތަކާ އެކު ތެޅިލާފާ

    ވަސްމީރު ވަހުން އެއްވަސް ކުރުވާ، މުޅި ޖައްވު މި ރޯށަން ކުރުވީތާ

 

ވައިރޯޅި ތެރޭ ހެލިލާ ގޮތަކުން، އިވިދާ އަޑުތައް ހިތްގައިމު ކަމާ

   ގައިގޯޅިވުމަށް ހިތް ހުރެ އެދެނީ، ގަސްތަކުގެ ތެރޭގައި ހުރެލަންތާ

 

ހެދިފައި ހުރި ގަސްތައް ރަށްރަށުގައި، ނުކަނޑާށެ ކަތުންނޭ ވިސްނާލާ

    ހެދިފައިވިގޮތުން މޫގަނޑު ބިމުގައި، ހަރުލާފަ ހުރީ ނުގުޑާހެންތާ

 

ބިން ކުދި ބިން ތިރި މި ޖާޒީރާތައް، ފެހިކަން ގަދަކޮށް ވީ ބައްވާށޭ

    ހިންދު މި ކަނޑުތެރެއިން ފެނިދާ، ފެހި ފެހި މި ޖަޒީރާ ފަސްގަނޑުތާ

 

ލިބިފައިވި ނަސީބަށް ޝުކުރު ކުރަން، ދަސްކޮށް ހުރެ ބިމުގައި އުޅެދޭށޭ

    ތިބި ހާލު އެނގޭހޭ އެންމެންނޭ، ގަސްތައް އެގޮތަށް ބާއްވައިދޭށޭ