ކުރަސްޓު ހެދުމަށް ބޭނުންވާ ތަކެތި:

½ 1 ބިސްކޯދު (ފުނޑުކޮށްފައި)

¼ ބަޓަރު (މެލްޓުކޮށްފައި)

2 މޭޒުމަތީ ސަމުސާ ހަކުރު (ބޭނުންނަމަ)

 

ފިލިންގ ހެދުމަށް ބޭނުންވާ ތަކެތި:

225 ގްރާމް ކްރީމް ޗީޒް

1 ތަށީ ވިޕިންގ ކްރީމް

½ ތަށީ ޕައުޑަރޑް ހަކުރު

1 ސައިސަމުސާ ވެނީލާ އެސެންސް

1 މޭޒުމަތީ ސަމުސާ ލިނބޯ ޖޫސް (ބޭނުންނަމަ)

 

ތައްޔާރުކުރާނެ ގޮތް:

ފުރަތަމަ، ކުރަސްޓް ބައި ތައްޔާރުކުރުމަށް މެދުވަރެއްގެ ތައްޓަކަށް ފުނޑުކޮށްފައި ހުރި ބިސްކޯދާއި ބަޓަރު އަދި ހަކުރު ބޭނުންކުރާނަމަ، ހަކުރު އަޅާށެވެ. އަދި ރަނގަޅަށް އެއްކޮށްލެވުމުން 9 އިންޗި ހުންނަ ލޯތަށްޓަކަށް އަޅާށެވެ. އަދި އިނގިލި ނުވަތަ ސަމްސަލެއް ބޭނުން ކޮށްގެން އެބައި ތިރީގައި ރަނގަޅަށް ފަތުރާ، އެއްވަރުކޮށްލާށެވެ. ދެން ފިލިންގ ހަދާއިރު، ލޯތަށި އައިސްއަލަމާރިއަށް ލާފައި ބަހައްޓާށެވެ.

އެއަށްފަހު، ބޮޑު ތަށްޓަކަށް ކްރީމް ޗީޒް އެޅުމަށްފަހު ކަރަންޓު އަތުމިކްސަރެއް ބޭނުންކޮށްގެން އެއްކޮށް މަޑުވަންދެން އެއްކުރާށެވެ. ދެން، އޭގެތެރެއަށް ވިޕިންގ ކްރީމް އަޅާފައި މަޑުމަޑުން އެއްކޮށްލާށެވެ. މި މިކްސްޗަރ ހުންނަން ވާނީ ކަފަ ގޮތަށް މަޑުކޮށެވެ. ދެން ލޯތަށި އައިސްއަލަމާރިން ނެގުމަށްފަހު، އެއްކުރި ކްރީމްގަނޑު އެއަށް އަޅާނީއެވެ. އަދި ދޭފަތެއް ބޭނުންކޮށްގެން، އެއްވަރުކޮށްލާށެވެ. 

އަނެއްކާވެސް 3 ގަޑިއިރު ވަންދެން ފިނި ކުރާށެވެ. އެއަށްފަހު ޗީޒްކޭކް ހުންނާނީ ތައްޔާރުވެފައެވެ. އިތުރަށް މީރު ކުރަން ބޭނުން ނަމަ، ރޭގަނޑު އެއްކޮށް ފިނި ކުރުމަށްފަހު އަނެއް ދުވަހު ކާށެވެ.