އިންސާނާއަކީ އިޙްސާސްތަކުން ފުރިގެންވާ މަޚްލޫޤެކެވެ. އުފާވެރިކަމާއި ހިތާމައިގެ ވަގުތުތަކުގައި އަޅުގަނޑުމެންގެ ހިތްތަކުން އުފެދޭ މަޑުމައިތިރި ކަރުނަތަކަކީ އެ އިޙްސާސްތަކުގެ ބާރުގަދަކަން ދައްކުވައިދޭ ހެއްކެކެވެ. ނަމަވެސް، މި މަޒުމޫނުގައި ބަލާލަން ބޭނުންވަނީ ކަރުނައިގެ ފަހަތުގައިވާ ފުން މާނައަކާ ބެހޭގޮތުންނެވެ. ޚާއްޞަކޮށް އިންސާނުން އެކަކު އަނެކަކަށް ދޭ އަނިޔާގެ ސަބަބުން އުފެދޭ ވޭނީ ކަރުނައިގެ ވާހަކައެވެ.
އިންސާނުން އެކަކު އަނެކަކަށް ދޭ އަނިޔާއަކީ މުޖުތަމަޢުގެ ތެރޭގައި ވަރަށް ބޮޑަށް ފެތުރިފައިވާ ކަމެކެވެ. މި އަނިޔާ އަންނަނީ ތަފާތު ގޮތްގޮތުންނެވެ. ޖިސްމާނީ އަނިޔާ، ނަފްސާނީ އަނިޔާ، އަދި އިޖުތިމާޢީ އަނިޔާއެވެ. މި ހުރިހާ ބާވަތެއްގެ އަނިޔާއަކުންވެސް އިންސާނާގެ ހިތުގައި އުފެދެނީ ފުން ހިތާމައެކެވެ. އެ ހިތާމައިގެ ނަތީޖާއެއްގެ ގޮތުން އަނިޔާ ލިބޭ ފަރާތުގެ ލޮލުން އޮހޮރެނީ ހިތި ކަރުނައެވެ.
ނަމަވެސް، ކަރުނަ ހިކުމަކުން އެ ވޭނެއް ނުފިލައެވެ. ކަރުނަ ހިކުމަކީ ހަމައެކަނި ބޭރުފުށުން ފެންނަ ކަމެކެވެ. އެތެރޭގައި އޮންނަ ފުން ހިތާމައާއި ވޭން ދެމިގެންދެއެވެ. އެހެންކަމުން، އަޅުގަނޑުމެން ކޮންމެ މީހަކުވެސް ވިސްނަންޖެހެނީ އެހެން މީހުންނަށް އަނިޔާ ދިނުމުގެ ބަދަލުގައި އެމީހުންނަށް އޯގާތެރިވާށެވެ. އަޅުގަނޑުމެންގެ ޢަމަލުތަކުން އެހެން މީހުންގެ ހިތްތަކަށް ވޭނެއް ލިބިދާނެކަން ހަނދާންކުރަންޖެހެއެވެ. އެ ވޭން ތާ އަބަދަށް އޮވެދާނެކަން ހަނދާން ކުރަން ޖެހެއެވެ.
އިސްލާމްދީނުގައި ވަނީ އެކަކު އަނެކަކަށް އޯގާތެރިވުމަށް ވަރަށް ބޮޑަށް ބާރުއަޅުއްވާފައެވެ. އަނިޔާވެރި ކަމަކީ އިސްލާމްދީން ނަހީ ކުރާ ކަމެކެވެ. އެއީ ދުލުން ބުނާ ބަހެއް ކަމުގައި ވިޔަސް، އަތުން ކުރާ އިޝާރާތެއް ކަމުގައި ވިޔަސް މެއެވެ. އަނެކާ ހިތުގައި ޖައްސާ ކަރުނަ ހިލުވާ ފަދަ ކަމެއް ދުވަހަކުވެސް ނުކުރާށެވެ. އާނއެކެވެ. އެ ކަރުނަ ހިކި ދާނެއެވެ! ނަމަވެސް އެ ވޭނެއް ނުފިލާނެއެވެ!
އަޅުގަނޑުމެން ކޮންމެ މީހަކުވެސް އަމިއްލަ ނަފްސަށް ސުވާލުކުރަން ޖެހެއެވެ. އަހަރެންގެ ޢަމަލަކުން އެހެން މީހެއްގެ ހިތަށް ވޭނެއް ލިބި، އެ މީހާގެ ލޮލުން ކަރުނަ އޮހޮރުވާލެވުނު ބާވައެވެ؟ މިފަދަ ސުވާލުތައް ކުރުމަކީ މުހިންމު ކަމެކެވެ. އަދި އަޅުގަނޑުމެންގެ ޢަމަލުތައް އިޞްލާޙުކޮށް އުޅުންތްކާ ގުޅުންތައް އިޞްލާޙު ކުރަން މަސައްކަތް ކުރަން ވާނެއެވެ!
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން