ރެސިޕީ: ފްލާން ޗީޒްކޭކް

ބޭނުންވާ ތަކެތި:

3/4 ޖޯޑު ހަކުރު

1/4 ޖޯޑް ފެން

225 ގުރާމް ކްރީމް ޗީޒް

6 ބިސް

1/2 1 ޖޯޑު ކިރު

1 ޖޯޑު ގެރިކިރު

1 ސައިސަމުސާ ވެނީލާ އެސެންސް

ތައްޔާރުކުރާނެ ގޮތް:

އެންމެ ފުރަތަމަ ތަވަޔަކަށް ހަކުރު އަޅާފައި ވިރުވާފައި ވަށް ޓްރޭއަކަށް އެޅުމަށްފަހު ކެރަމަލް ލޭޔާއެއް އަޅާލާށެވެ. އެހެން ތަށްޓެއްގައި ކްރީމްޗީޒް ހޭންޑް މިކްސަރުން އޮލަވަންދެން އެއްކުރާށެވެ. މީގެތެރެއަށް ކިރު، ގެރިކިރު އަދި ފަހަރަކު ބިހެއް އެއްކުރަމުން ގެންދާށެވެ. އެއަށްފަހު، ވެނީލާ އެސެންސް އެއްކުރާށެވެ. ދެން ރަނގަޅަށް އެއްވުމުން ކެރަމަލް ލޭޔާ އެޅި ޓްރޭއަށް އަޅާލާށެވެ. އެހެން ޓްރޭއަކަށް ހޫނުފެން އަޅާފައި އެ ފެނުގެ ތެރޭގައި ތައްޔާރު ކުރި ޗީޒްކޭކް ޓްރޭ ބެހެއްޓުމަށްފަހު 160 ޑިގްރީގައި 1 ގަޑިއިރު ވަންދެން އަވަނުގައި ފިހެލާށެވެ. ދެން، ފްލާން ޗީޒްކޭކް ހިހޫ ކުރުމަށްފަހު ފްރިޖްގައި ފަސް ގަޑިއިރު ބެހެއްޓުމަށްފަހު ސާރވްކުރާށެވެ.

މިއީ ހުކުރު ދުވަހު ގޭގައި ތައްޔާރުކޮށްލަން ރަނގަޅު އަދި މީރު ފޮނި ކާ އެއްޗެކެވެ.