ސޫޖީ އަކީ ދިވެހި ރަހަތަށް އޭގައި އެކުލެވޭ މީރު ބުއިމެކެވެ. އޮލަކަމެއް ހުއްޓަސް ސޫޖީ އަކީ އަނގަޔަށް މީރު ބުއިމެކެވެ. ސޫޖީ ތަތްކޮށްވެސް ހެދިދާނެއެވެ.
ތައްޔާރިއަށް ހޭދަވާނެ ވަގުތު: 15 މިނެޓު
ކެއްކުމަށް ނަގާނެ ވަގުތު: 20 މިނެޓު
ބޭނުންވާނެ ޖުމްލަ ވަގުތު: 35 މިނެޓު
ބޭނުންވާނެ ތަކެތި:
• ½ ޖޯޑު ރަވާ
• ½ ޖޯޑު ކަނަމަދު (މެދުން ފަޅާލާފަ)
• 1 ޖޯޑު ފިޔާ (ކުދިކުދިކޮށް ކޮށާލާފަ)
• ½ ޖޯޑު ހިކިމޭބިސްކަދުރު
• 2 މޭޒުމަތީ ސަމްސާ ގިތެޔޮ / ކައްކާތެޔޮ
• ½ ދަޅު ގެރިކިރު
• ½ 1 ޖޯޑު ހަކުރު
• 5 ކާފޫރުތޮޅި އޮށް
• 2 ރާނބާފަތްކޮޅު (2/1 އިންޗި ހުންނަވަރުގެ)
• 3 ފޮނިތޮށިކޮޅު (2 އިންޗި ހުންނަވަރުގެ)
• 6 ޖޯޑު ފެން
• 2 ސައިސަމްސާ ވެނީލާ އެސެންސު
• ދެއިނގިލި ކުރިން ހިފާލެވޭ ވަރުގެ ކުޑަ ލޮނުކޮޅެއް
ތައްޔާރުކުރާނެ ގޮތް:
• ފިޔާ އަދި ރާނބާފަތްކޮޅު މަޑުވެލަންދެން ތެޔޮކޮޅުގައި ހޫނުކޮށްލާށެވެ.
• ހިކިމޭބިސްކަދުރު، ކާފޫރު އޮށް، ފޮނިތޮށި އަދި ކަނަމަދުކޮޅު އަޅާލުމަށްފަހު އެއްކޮށްލާ ފިޔާކޮޅު މަޅު ވަންދެން ހަލުވާލާށެވެ.
• ރަވާކޮޅު އެއްކޮށްލުމަށްފަހު، މަޑުގިނީގައި ހަލުވާލާށެވެ.
• ފެންފޮދާއި ހަކުރުކޮޅު އެއްކޮއްލާށެވެ.
• ހަކުރުކޮޅު ރަނގަޅަށް ގިރުމުން، ގެރިކިރުކޮޅު އަޅާލާށެވެ. އާދައިގެ ގިންޏެއްގައި ހަލުވަމުން ކައްކާލާށެވެ. މިގޮތަށް ރަނގަޅަށް ހަލުވާލަން ވާނެއެވެ. (ގަނޑު ވިޔަ ނުދޭށެވެ.)
• މިގޮތަށް ރަނގަޅަށް ކެކެން ފެށުމުން، ލޮނުކޮޅާއި އެސެންސުކޮޅު އެއްކޮއްލާށެވެ. އަދި މަޑު ގިނީގައި އިރުކޮޅަކު ( 2 މިނެޓު) ބަހައްޓާލާށެވެ.
• ސޫޖީ ހޫނުކޮށްވެސް އަދި ފިނިކޮށްވެސް ބޮވިދާނެއެވެ.