އިސްރާއީލުގެ ބޮޑުވަޒީރު ބެންޖަމިން ނަތަންޔާހޫއަށް ޕްރޮސްޓޭޓު ކެންސަރު ޖެހިފައިވާކަން އިއުލާނުކުރުމާއެކު، މުޅި ދުނިޔޭގެ ސަމާލުކަން އެކަމަށް ހުއްޓުނެވެ. އެ ނުބައި ޔަހޫދީ ބޮޑުވަޒީރުގެ މި ބައްޔާއި މެދު ގިނަބަޔަކު ވަނީ ހައިރާންވެ ސުވާލު އުފައްދާފައެވެ. މި މަޒުމޫނުގައި އަޅުގަނޑުމެން ބަލައިލާނީ ނަތަންޔާހޫއަށް ޖެހުނު މި ބަލީގެ ހަގީގަތުގެ މައްޗަށެވެ.

ޕްރޮސްޓޭޓު ކެންސަރަކީ ފިރިހެނުންގެ މެދުގައި އެންމެ އާންމުކޮށް ފެންނަ ކެންސަރުގެ ބާވަތްތަކުގެ ތެރެއިން ކެންސަރުގެ އެއް ބާވަތެވެ. މި ބައްޔަކީ ގިނަފަހަރު ލަސްކޮށް ދެނެގަނެވޭ ބައްޔެއް ކަމުގައިވީ ނަމަވެސް، އަވަހަށް ދެނެގަނެ ފަރުވާ ދެވިއްޖެނަމަ ފަސޭހައިން ރަނގަޅުކުރެވިދާނެ ބައްޔެކެވެ. ނަތަންޔާހޫގެ ޑޮކްޓަރުން ބުނާ ގޮތުގައި އޭނާގެ ބަލި ދެނެގަނެވިފައިވަނީ އަވަހަށް ކަމަށްވާތީ، ފަރުވާގެ ނަތީޖާ ރަނގަޅުވާނެ ކަމަށް އުންމީދުކުރެވެއެވެ. ނަމަވެސް ގިނަބަޔަކު އަންނަނީ އޭނާ އެބަލީގައި މަރުގަންނަވާތޯ ދުޢާކުރަމުންނެވެ.

ނަތަންޔާހޫގެ ބަލީގެ ހާލަތު ހާމަކުރުމާއެކު، އިސްރާއީލުގެ ސިޔާސީ މަޝްރަހު ވަނީ ހޫނުވެފައެވެ. އޭނާގެ ވާދަވެރިން މިހާރު ވަނީ އޭނާގެ ސިއްހީ ހާލަތާ ގުޅޭގޮތުން ސުވާލު އުފައްދަން ފަށާފައެވެ. ނަމަވެސް، ނަތަންޔާހޫ ވަނީ ތިމަންނާ ވަގުތީގޮތުން މަގާމުން ދުރުވާން ނުޖެހޭނެ ކަމަށާއި، ފަރުވާ ހޯދަމުންވެސް ވެރިކަމުގެ ޒިންމާތައް އަދާކުރެވޭނެ ކަމަށް ބުނެފައެވެ.

ޕްރޮސްޓޭޓު ކެންސަރަކީ ފިރިހެނުންގެ ޖިންސީ ގުނަވަނާއި އެ ނިޒާމުގެ ބައެއް ކަމުގައިވާ ޕްރޮސްޓޭޓު ގްލެންޑުގައި ފެށޭ ބަލިމަޑުކަމެކެވެ. މި ބަލީގެ ސަބަބުން ކޮންމެ އަހަރަކު ދުނިޔޭގެ އެކި ކަންކޮޅުތަކުގައި ގިނަ އަދަދެއްގެ ފިރިހެނުން މަރުވެއެވެ.

ޕްރޮސްޓޭޓު ކެންސަރުގެ އަލާމާތްތަކުގެ ތެރޭގައި ކުޑަކަމުދާއިރު އުނދަގޫވުމާއި، ކުޑަކަމުދާ އިރު ލޭއައުން، އަދި ޖިންސީ ގުޅުން ހިންގުމުގައި ދަތިތަކާ ކުރިމަތިވުން ހިމެނެއެވެ. ނަމަވެސް، މި ބަލީގެ ފުރަތަމަ މަރުހަލާތަކުގައި އެއްވެސް އަލާމާތެއް ނުފެނި ހުރުމަކީވެސް އެކަށީގެންވާ ކަމެކެވެ.

ޕްރޮސްޓޭޓު ކެންސަރު ޖެހުމުގެ ފުރުސަތު އިތުރުވާ ސަބަބުތަކުގެ ތެރޭގައި އުމުރުން ދުވަސްވުން، ޢާއިލީ ތާރީޚުގައި މި ބަލި ހުރުން، އަދި ނުބައި ކާނާ ބޭނުންކުރުން ހިމެނެއެވެ. އަދި މުޑުދާރު ގޮތުގައި ޖިންސީ ގުޅުން ހިންގުންވެސް ހިމެނެއެވެ.

 

ހަވާލާ: މެޑިކަލް ލައިފް 2024