ގަބުޅި ބޯކިބަލަކީ ޒަމާއްނުސުރެ ދިވެހިންގެ ތެރޭގައި މަޤުބޫލު ފޮނި ބޯކިބަލެކެވެ. ގަބުޅީގައި ތައްޔާރުކުރާ މި ބޯކިބަލަކީ އަނގަޔަށް މީރު ބޯކިބަލެކެވެ. އެކި އެކި ހަފްލާތަކުގެ ސުފުރާމަތިންވެސް ގަބުޅިބޯކިބާ އަންނަނީ ޖާގަހޯދަމުންނެވެ. ރޯދަމަހު ރޯއްދަ ވީއްލާ ގަޑިއަށްވެސް ގަބުޅިބޯކިބަލަކީ ދެވަނައެއް ނެތްފަދަ ހެދިކާއެކެވެ.

ތައްޔާރިއަށް ހޭދަވާނެ ވަގުތު: 15 މިނެޓު

ކެއްކުމަށް ނަގާނެ ވަގުތު: 45 މިނެޓު

ބޭނުންވާނެ ޖުމްލަ ވަގުތު: 1 ގަޑިއއިރު

ބޭނުންވާނެ ތަކެތި:

• 2 ޖޯޑު ގަބުޅި

• 1.5 ޖޯޑު ހަކުރު

• 1 ޖޯޑު ފުއް

• 2 މޭޒުމަތީ ސަމްސާ ފިނިފެން (ރޯސް ވޯޓާރ)

• 3 މޭޒުމަތީ ސަމްސާ ފެން

ތައްޔާރުކުރާނެ ގޮތް:

• އަވަން 300 ޑިގްރީއަށް ހޫނުކޮއްލާށެވެ.

• ބޯކިބާ ފިހަން ބޭނުންވާ ތަކެތި (ގަބުޅި، ހަކުރު ފުއް އަދި ފެންފޮދު) ތައްޓެއްގައި ރަނގަޅަށް އެއްކޮއްލާށެވެ.

• ބޯކިބާ ފިހާ ޓްރޭގައި ކުޑަ ތެޔޮކޮޅެއް ހާކާލާށެވެ.

• ބޯކިބާގެ ފުއްގަނޑު އެ ޓްރޭއަށް އަޅާލާ ރީއްޗަށް ފަރުތާލާށެވެ.

• އަވަނުގެ މެދު ހަރުގައި އެ ޓްރޭގައި ބަހައްޓާފަ، 45 މިނެޓް ވަންދެން ފިހެލާށެވެ.

• ބޯކިބާ ފިހެވުމުން ބޯކިބަލުގެ މައްޗަށް މަޑު މުށިކުލައެއް އަރާނެއެވެ.

• ބޯކިބާ ފިހެވުމުން އަވަނުން ޓްރޭ ނަގައި މޭޒެއް މަތީ ހިހޫވަންދެން (ދިހަވަރަކަށް މިނެޓު) ބަހައްޓާލާށެވެ.