ދިރިއުޅުމުގެ ތެރޭގައި އަޅުގަނޑުމެން ކުރާ ކުދިކުދި ކަންތައްތަކުގެ ސަބަބުން ބައެއްފަހަރު ނުރައްކާތެރި ނަތީޖާތަކާ ކުރިމަތިލާން ޖެހެއެވެ. އަދި ނޭނގިނަމަވެސް ހިނގާ އެތައް ކަމަކުން އިންސާނާގެ ފުރާނައަށްވެސް ނުރައްކާވެދާ ހާލަތްތައް އާދެއެވެ. އަޔަލެންޑުގެ އުމުރުން 33 އަހަރުގެ އަންހެނަކު ދަތްޕިލައެއްގެ ސަބަބުން ފުރާނަ ދިޔަ ވާހަކައަކީ މިފަދަ ވާހަކައެކެވެ.
މި އަންހެން މީހާ ދަތްޕިލަ ޖަހައިގެން އުޅެމުން ދަނިކޮށް، އެއްރެއަކު ނިދާފައި ހޭލިއިރު ކަރުގައި ރިހެން ފެށިއެވެ. އަދި ދަތްޕިލަ ގެއްލިފައިވާކަން ފާހަގަކުރެވުނެވެ. މިކަމާ ކަންބޮޑުވެގެން އޭނާ ވަގުތުން ޑަކްޓަރަށް ދެއްކިއެވެ. ޝައްކު ކުރީ ދަތްޕިލާ ނެއްޓި، ކަރުގައި ތާށިވެފައި ހުރިކަމަށެވެ. ނަމަވެސް، އެކްސްރޭ އިން އެއްވެސް އެއްޗެއް ނުދެއްކުމުން ޑަކްޓަރުން އޭނާ ގެއަށް ފޮނުވާލީ ބޭސް ދިނުމަށް ފަހުގައެވެ.
އޭގެ 10 ދުވަސް ފަހުން، އަނެއްކާވެސް އޭނާ ހޮސްޕިޓަލަށް އައެވެ. މިފަހަރު އައީ ހޮޑުލާއިރު ލޭ އަންނާތީއެވެ. ފުދޭވަރަކަށްވެސް ލޭ އަންނާތީއެވެ. މިފަހަރު ޑަކްޓަރުން ނިންމީ ސީޓީ ސްކޭނެއް ހަދާށެވެ. މި ސްކޭނުން ދެއްކީ ދަތްޕިލަ އޭނާގެ ކަރުތެރޭގައި ތާށިވެފައި އޮތްކަމަށެވެ. މި ހިސާބުން ޑަކްޓަރުން ނިންމީ އަވަހަށް އޮޕަރޭޝަނެއް ކުރާށެވެ. ނަމަވެސް، އެހާތަނަށް އައިއިރު އޭނާގެ ހާލަތު ވަރަށް ބޮޑަށް ގޯސްވެފައިވުމުން، އޮޕަރޭޝަން ކުރުމުގެ ކުރިން އޭނާގެ ފުރާނަ ވަނީ މި ދުނިޔެއާއި ވަކިވެފައެވެ. ހޮޑާއި އެކު ގިނަ އަދަދެއްގެ ލޭ ބޭރުވުމާއި، ހޭނެތުމާއި ފުއްޕާމެއަށް ލޭ އެޅުމާއި އަދި ނޭވައި ހޮޅި ލެއިން ބެދިފައި ހުރުމަކީ އޭނާ ނިޔާވާން ދިމައިވި ސަބަބުތަކެވެ.
މި ހިތާމަވެރި ހާދިސާއިން އަޅުގަނޑުމެންނަށް ލިބޭ ފިލާވަޅަކީ ކޮބައިތޯއެވެ؟ އެންމެ ފުރަތަމަ ކަމަކީ ދަތްޕިލަ ފަދަ ތަކެތި ބޭނުން ކުރާއިރު ވަރަށް ބޮޑަށް ސަމާލުވާން ޖެހޭކަމެވެ. ދެވަނަ ކަމަކީ ޞިއްޙީ މައްސަލައެއް ދިމާވުމުން ވަގުތުން ޑަކްޓަރަށް ދައްކައި، އަދި ކަންބޮޑުވުން އޮތްނަމަ އިތުރު ޓެސްޓުތައް ހެދުމަށް އެދެން ޖެހޭކަމެވެ. ޑަކްޓަރުން "އޯކޭ" ޖަހާ ފޮނުވާލަން އުޅުނަސް، ހިތްހަމަ ޖެހިގެން ނޫނީ ގޮސްގެން ނުވާނެ ކަމެވެ.
މި ހާދިސާގައި ޑަކްޓަރުންގެ ފަރާތުން އިހުމާލުތަކެއް ވެފައިވާކަން، އެގައުމުގެ ކޯޓަކުން ވަނީ ފާހަގަކޮށްފައެވެ. އެކްސްރޭ އިން ދަތްޕިލަ ނުފެނުނު ސަބަބު ބަޔާންކުރަމުން ޑަކްޓަރުން ބުނެފައިވަނީ އެއީ އެ ދަތްޕިލަ ހަދާފައި ހުރި މައުދަނުގެ ސަބަބުން ކަމަށެވެ. މިކަހަލަ ހާލަތްތަކުގައި އިތުރު ޓެސްޓުތައް ހެދުމަކީ މުހިންމު ކަމެކެވެ. އަދި ފުރަތަމަ ދުވަހު ސީޓީ ސްކޭނެއް ހެދުނުނަމަ، އެކަން އެމަގުން ނުހިނގީސްކަމަށް ޑަކްޓަރުން ބުނެއެވެ.
މިފަދަ ހިތާމަވެރި ހާދިސާތަކުން ފިލާވަޅު ލިބިގަނެ، އަޅުގަނޑުމެންގެ ޞިއްޙަތާމެދު އިތުރަށް ސަމާލުވާން ޖެހެއެވެ. އަދި ޞިއްޙީ ދާއިރާގައި މަސައްކަތްކުރާ ފަރާތްތަކުންވެސް އިތުރަށް ފަރުވާތެރިވެ، ބަލިމީހުންގެ ކަންބޮޑުވުންތަކަށާއި ބަލިމީހާގެ ޝަކުވާތަކަށް ރިއާޔަތް ކުރަންވާނެއެވެ. ދަތްޕިލާ ޖަހައިގެން އުޅޭ އެތައް ބަޔަކު އަޅުގަނޑުމެންގެ ތެރޭގައިވެސް އުޅެއެވެ. އެހެންކަމުން މިފަދަ ކަންކަމަށް ސަމާލުވުމަކީ ކޮންމެހެން ބޭނުންތެރި ކަމެކެވެ.
ހަވާލާ: 10 ނިއުސް ފަސްޓް، 2025