ދަރިއެއްގެ އުންމީދުގައި އަދި އިންތިޒާރުގައި އެކަމަށް އެދި އެދި އެތައް އާއިލާއެއް ދުވަސްތައް ގުނަމުން ދެއެވެ. ކައިވެންޏަށް އެތައް އަހަރެއްވެ، ދެމަފިރިން ގައިބާރު ދެރަވެ، ދަރިއަކު ނުލިބި، މުސްކުޅި އުމުރާ ހަމައަށްވެސް ދެއެވެ. ނަމަވެސް އެއީވެސް އުންމީދު ކަނޑާލަންވީ ހިސާބެއް ނޫންކަން އެތައް ގޮތަކުން އަހަރެމެންނަށް އެނގެއެވެ. މިއީ އެފަދަ ދިރިހުރި މިސާލެކެވެ.
އެފްރިކާގެ ގައުމެއް ކަމަށްވާ އިތިއޮޕިޔާގައި އުމުރުން 76 އަހަރުގެ އަންހެނަކު، އޭނާގެ އަލަތު ދަރިފުޅަށް ބަލިވެ އިނދެ ވިހައިފިއެވެ. އެމްބޭޓޭ މެދިން ހަގޯސް ނަމަކަށް ކިޔާ މި އަންހެން މީހާ ކައިވެނިކޮށްގެން އުޅޭތާ އެތައް އަހަރެއް ވަނީ ވެފައެވެ. ދަރިއަކު ނުލިބި އެތައް އަހަރެއް ހޭދަވީ އެކަމުގައި އެތައް މަސައްކަތެއް ކޮށްގެންނެވެ. އެތައް ޑަކްޓަރަކަށް ދައްކާ އެތައް ބޭހެއް ކައިގެންނެވެ.
ނަމަވެސް އުމުރުން 76 ވީ އިރުވެސް އެކަމުގެ އުންމީދެއް އަލިމަގެއް ނުފެނުމުން އެމްބޭޓޭ އާއި އޭނަަގެ ފިރިމީހާ ނިންމީ އައި.ވީ.އެފް ހަދާށެވެ. ނަމަވެސް ޑަކްޓަރުން ލަފާ ދިނީ އެ އުމުގައި އެއީވެސް ރައްކާތެރި ގޮތެއް ނޫން ކަމުގައެވެ. ނަމަވެސް ގިނަ ޑަކްޓަރުންނަށް ދައްކައިގެން، ބައެއް ޑަކްޓަރުންގެ ލަފާގެ މަތިން ވަނީ އައި.ވީ.އެފް ހަދާފައެވެ.
ފުރަތަމަ އައި.ވީ.އެފް ކާމިޔާބުވެ، އެމްބޭޓޭ ބަލިވެ އިނީވެސް އޭނާގެ އުމުރުން 76 އަހަރުގައެވެ. އަދި ވިހެއީވެސް އުމުރުން 76 އަހަރުގައެވެ. މާބަނޑު ދުވަސްވަރު އެކިކަހަލަ އުނދަގޫތަކާއި އޭނާ ކުރިމަތިލިއެވެ. ނަމަވެސް އޭނާގެ ފިރިމީހާގެ އެއްބާރުލުމާއި ހިތްވަރާއި އެކު އުމުރުން 76 އަހަރުގައި އޭނާގެ އަލަތު ދަރިފުޅު ވިހެއީއެވެ.
މިހަބަރު ދުނިޔޭގެ ބައެއް މަޝްހޫރު މީޑިއާތަކުންވެސް ވަނީ ގެނެސްދީފައެވެ. މިއީ އެމްބޭޓޭ އާއި އޭނާގެ އާއިލާއަށް އައި އެންމެ އުފާވެރި އެއް ދުވަހެވެ. އަދި މިއީ ދަރިއެއްގެ ނިޢުމަތުން މަހުރޫމުވެފައި ތިބި އެތައް ބަޔަކަށް ހިތްވަރުގަދަ އުންމީދީ މިސާލެކެވެ.
ހިޔާލު
ފޮނުއްވާ ޚިޔާލުތައް ޝާއިޢުކުރެވޭނީ އާންމު އިޖުތިމާއީ މިންގަނޑަށް ފެތޭތޯ ބެލުމަށް ފަހު ކަމުގައި ދަންނަވަން