ކޮވިޑް19ގެ ފައްސި އަދަދުތައް ދުވަހެއް ދުވަހަކަށް އަންނަނީ އިތުރުވަމުންނެވެ. އެގޮތުން މިރޭ އެޗްއީއޯސީ އިން އާންމުކުރި ތަފާސް ހިސާބުތައް ދައްކާގޮތުން، ވޭތުވެ ދިޔަ 24 ގަޑިއިރު ރާއްޖެއިން 734 މީހަކު ވަނީ މި ބައްޔަށް ފައްސިވެފައެވެ. މިއީ މިހާތަނަށް ދިވެހި ރައްޖޭގައި ރެކޯޑް އަދަދަކަށް މީހުން ފައްސިވި ފަހަރެކެވެ. މީގެ ތެރެއިން 540 މީހުންނަކީ މާލެ ސަރަހައްދުން ފައްސިވި މީހުންނެވެ.
ވޭތުވެދިޔަ ތިން ދުވަހު ވެސް، ކޮންމެ ދުވަހަކު ކޮވިޑް19 އަށް ފައްސިވާ މީހުންގެ އަދަދު އަންނަނީ 100 އިން އިތުރުވަމުންނެވެ. އެގޮތުން އިއްޔެ މިބައްޔަށް ފައްސިވީ 601 މީހެކެވެ. ކޮވިޑް19 ގެ ކޭސްތައް މިހާ ގިނަވެފައި ވީއިރު މިއަދުންފެށިގެން ހަރުކަށިފިޔަވަޅުތަކަކަށް އަންނަނީ އަމަލު ކުރަމުންނެވެ.
ސިއްހީ މާހިރުން އަންނަނީ ބޮޑު ނުރައްކަލެއްގެ އިންޒާރުވެސް ދެމުންނެވެ. އެގޮތުން އެނދުތަށް ފުރި ސިއްހީ ހިދުމަތްތެރިންނަށް ޖެހިދާނެކަމުގެ އިންޒާރު އަންނަނީ ދެމުންނެވެ.