އާފަލަކީ ރާއްޖޭގައި ހެއްދޭ ބާވަތެއްނޫންކަމުގައިވިޔަސް ރާއްޖޭގައި އާންމުކޮށް ބޭނުންކުރާ މޭވާއެކެވެ. މިއަދު މި ހިމަނާލަނީ އާފަލް ރޯސްޕާން ތައްޔާރުކޮށްލާނެ ގޮތެވެ.

ބޭނުންވާތަކެތި

  • 1 ސައިސަމްސާ ބަޓަރ(ލޮނުނުލާ)
    * 1 ކުކުޅު ބިސް
    * 4 މޭޒުމަތީ ސަމުސާ ކިރު
    * 2 ޕާން ފޮތި
    * ދެ އިނގިލި ކުރިން ހިފޭވަރުގެ ފޮނިތޮށިކޮޅެއް (ހިމުންކޮށް މުގުރާފަ)
    * 1 މޭޒުމަތީ ސަމުސާ ކަދުރު ޕިއުރީ(ހިމުންކޮށް ޗަސްކޮށްފައިހުރި ކަދުރު)
    * 1 މޭޒުމަތީ ސަމުސާ އާފަލް ޕިއުރީ (ހިމުންކޮށް ޗަސްކޮށްފައި ހުރި ކަދުރު)

  • ތައްޔާރުކުރާނެގޮތް

ބިސް، ފޮނިތޮށި، އާފަލު ޕިއުރީ، ކަދުރު ޕިއުރީ އަދި ކިރު އެޅުމަށްފަހު ރަނގަޅަށް ގިރާލާށެވެ. ޕާންފޮތީގެ ކައިރި ނެގުމަށްފަހު ދެ ފަޅިކޮށްލާށެވެ. އަދި ގިރާފައިހުރި ބިހުގެ ތެރެއަށް ޕާން ފޮތިތައް ލާފައި ކުޑަކޮށް ފޯކޮށްލާށެވެ. ތަވަޔެއްގައި ބަޓަރކޮޅު އުނގުޅާލުމަށްފަހު ހޫނުވުމުން، މަޑު މުށިކުލައެއް އަރަންދެން ޕާން ފޮތީގެ ދެފުށް ރަނގަޅަށް ފިހެލާށެވެ. 

ފްރާންސްގެ މޮޅު އުފެއްދުމެއް ކަމަށްވާ ފްރެންޗް ޓޯސްޓް އަސްލަކަށް ބަލައިގެން ތައްޔާރުކޮށްފައިވާ މި ރެސިޕީގައި އާފަލުގެ ބަދަލުގައި އޮރެންޖް ނުވަތަ ސްޓްރޯބެރީވެސް ބޭނުންކުރެވިދާނެއެވެ.