ހަކަތަ ބޭނުންކުރާ މިންގަނޑަށް ހެޔޮ ބަދަލަކާއި އިންގިލާބެއް ގެނައުމަށް، ހަކަތަ މާނަކުރާ ގޮތް، ތަފާތު ނަޒަރަކުން ވިސްނުމުގެ މަސައްކަތް ފަށާފައިމިވަނީ 'ގޮގޮރޯ' އެވެ. ގޮގޮރޯގެ މައިގަނޑު މަޤްސަދަކީ، އެއްތަނުން އަނެއްތަނަށް ފަސޭހަކަމާއެކީ އުފުލޭ، ސްމާރޓް އިލެކްޓްރިކް ހަކަތަ، ދުނިޔޭގެ ކޮންމެ ހިސާބެއްގައިވެސް ދަތުރުފަތުރުކުރާ ކޮންމެ މީހަކަށް ބޭނުންކުރެވޭގޮތް މެދުވެރިކޮށްދިނުމެވެ. 

މިހާރު ސްޓެލްކޯއިން ރާއްޖެއަށް ތަޢާރަފުކުރާ މި ސައިކަލަކީ، ދެމެހެއްޓެނިވި ހަކަތައާއި ތިމާވެއްޓާ ރައްޓެހި އުސްލޫބަކުން ފަރުމާކޮށްފައިވާ ސައިކަލެކެވެ. ތަފާތު އެތައް ފީޗަރތަކެއްވެސް އެކުލެވޭ، ޒަމާނަށް އެންމެ އެކަށޭނެ ބީދައިން ތައްޔާރުކޮށްފައިވާ މި ސައިކަލުގެ ސަބަބުން ޢާއްމު ދިރިއުޅުމަށް ނުހަނު ގިނަ ފަސޭހަތައް ލިބިގެންދާނެކަން ގައިމެވެ. މި ސައިކަލުގެ ސަބަބުން ޢާއްމުންގެ ދުވަހީ ދިރިއުޅުމަށާއި، އެކި ވިޔަފާރިތައް ހިންގާ ފަރާތްތަކުން ކުރަންޖެހޭ ދަތުރުފަތުރުތަކަށްވެސް ލުއިތަކެއް ލިބިގެންދާނެއެވެ.

އެޕްލިކޭޝަންއާވެސް ގުޅުވާލެވޭ ގޮގޮރޯ އަންނާނީ އަބަދުވެސް އޮޓޯއިން އަޕްޑޭޓްވަމުންނެވެ. އެއީ އޭގައިވާ ގޮގޮރޯ އައި.ކިޔު ސިސްޓަމްގެ ސަބަބުންނެވެ. މީގެއިތުރުން، ގޮގޮރޯގައިވާ ބްރެކިތަކާއި ލެޑް ލައިޓުތަކަކީ ރައްކާތެރިކަމާއި ސަލާމަތްތެރިކަން އިތުރަށް ކަށަވަރުކޮށްދޭ ސިފަތަކެކެވެ. ހަމައެހެންމެ، ޒަމާންވީ ތަޅުދަނޑީގެ ބަދަލުގައި، ކީ ކާޑް ނުވަތަ އަމިއްލަ ފޯން ބޭނުންކޮށްގެންވެސް ގޮގޮރޯ ސްޓާރޓް ކުރެވެއެވެ.

ގޮގޮރޯ ގެނެސްދޭ އިންގިލާބީ ހެޔޮ ބަދަލުތަކަކީ ކޮބާ؟

1. ފަސޭހަކަމާއި އަވަސްކަމާއެކު ބެޓެރީ ބަދަލުކުރެވުން: ބޭނުންކުރަން މާބޮޑު މަސައްކަތްތަކަކާއި އުނދަގޫ އެތައް ކަމެއް ކުރަން ނުޖެހޭ، ފަސޭހަކަމާއެކު ބޭނުންކޮށްލެވޭ ގޮތަށް ފަރުމާކޮށްފައިވާ ގޮގޮރޯގެ ބެޓެރީއަކީ، އަވަހަށް ބަދަލު ކޮށްލެވޭ އެއްޗެކެވެ. ޗާރޖުކުރުމަށް ވަގުތުތަކެއް ނުނަގައެވެ. ކުރަންޖެހޭނެހާވެސް ކަމަކީ، ގޮގޮރޯގެ ބެޓެރީ ސްޓޭޝަންއަކަށް ގާތްކޮށްކޮށްލުމެވެ. އެތަނުގައި ޗާރޖުވެފައި ހުންނަ ބެޓެރީތަށް ހުންނާނެއެވެ. އަހަރުމެންގެ ސައިކަލުގައި ޗާރޖުގޮސްފައިވާ ބެޓެރި، ސްޓޭޝަނަށްލާފައި، ފުލްކޮށް ޗާރޖުވެފައިވާ ބެޓަރިއެއް އެތަނުން ގެނެސް، ސައިކަލަށް ލާން ނަގާނީ ކުޑަ ސިކުންތުކޮޅެކެވެ. ގިނައިރު އިންތިޒާރުކުރާކަށްވެސް ނުޖެހެއެވެ. ގޭސް ސްޓޭޝަންތަކުގައި މަޑުކުރުމަށް ނަގާ ވަގުތަށްވުރެ، 10 ގުނަ ގޮގޮރޯގައި ބެޓެރި ބަދަލުކޮށްލަން އަވަހެވެ. 

2. އަވަސް އަދި ސާފު ނިޒާމެއް: ގޮގޮރޯގެ ބެޓެރީތައް އެކިކަހަލަ ގޭސްތަކަށްވުރެ ސާފެވެ. ސްމާރޓްވެފައި ބޭނުންކުރަންވެސް ފަސޭހައެވެ. ވަގުތު ސަލާމަތްކޮށްދީފައި، އަވަހަށް އެކަމައިގެން އުޅެވޭނެ މަގު ފަހިކޮށްދެއެވެ. މިއީ ފެހި އަދި ދެމެހެއްޓެނިވި ހަކަތަ ކުރިއެރުވުމަށް ބޭނުންތެރި، މުހިންމު ނިޒާމެކެވެ. 

3. ގޮގޮރޯގެ ންޓެވޯރކުތައް ބަލައިލަން ކުޑަ ސިކުންތުކޮޅެއް: ފޯނުންވެސް ގޮގޮރޯގެ ނެޓްވޯރކުތައް ބަލައިލެވެއެވެ. ޗާރޖުވެފައިވާ ބެޓަރީތައް އެންމެ ކައިރިން ލިބެން ހުރި ތަނާއި، ތަނަކަށް ދާނަމަ އެދާ މަގުމަތީގައި، ގޮގޮރޯ ސްޓޭޝަންތަން ހުންނާނެ މެޕްގެ އިތުރުން، އަތުން އަތަށް ފައިސާ ދެވެން ނެތަސް ބިލު ދެއްކޭނެ ގޮތްތައްވެސް އޭގެ ޒަރީޢާއިން އަހަރުމެންނަށް އެނގިގެންދާނެއެވެ. މި ޙިދުމަތް އަބަދުވެސް (24/7) ލިބެން ހުންނާނެއެވެ.

4. ކުރިއަރާފައިވާ ޓެކްނޮލޮޖީގެ ބޭނުންކޮށްފައި ހުރުން: ގޮގޮރޯ ފަރުމާކޮށްފައިވަނީ ޒަމާނީ ޓެކްނޮލޮޖީގެ ކުރިއެރުންތައް ބޭނުންކޮށްގެންނެވެ. އެގޮތުން، އަހަރުމެން ދުއްވާ މަގުތަކާއި، ބެޓެރީ ބަދަލުކުރާ ކުރުންތައް ގޮގޮރޯއިން ބޭނުންކުރާ 'އޭއައި' ދާނީ ދަސްކުރަމުންނެވެ. އޭގެ ސަބަބުން، ފުލް ބެޓަރީއެއް ބޭނުންވާނެ ވަގުތުތައް އޭގެން ދެނެގަންނާނެއެވެ. 

5. ވައްކަންތަކުން ރައްކާތެރިކޮށްދިނުން: ސްމަރޓް ބެޓެރީތަކުގެ އިތުރުން، ފޭސް-އައިޑީއާއި ޑިޖިޓަލް ކީ ކާޑުތަކުގެ ސަބަބުން ގޮގޮރޯއެއް ވަގަން ނެގުމަކީ ވަރަށް އުނދަގޫކަމެކެވެ. ބޭނުންކުރާ ހަޤީޤީ ވެރިފަރާތް އައުމުން ނޫނީ ގޮގޮރޯ ދުއްވައެއް ނުލެވޭނެއެވެ. 

ގޮގޮރޯ ހޯދާފައިވާ ކާމިޔާބީތަކާއި އުސްއަލިތަކަކީ ކޮބާ؟

އޭޝިއާ ސްޕެސިފިކްގައި އެންމެ އުފެއްދުންތެރި ކުންފުނީގެ ގޮތުގައި މިހާރު އޮތީ ގޮގޮރޯއެވެ. މުޅި އޭޝިއާ ސްޕެސިފިކްގެވެސް އެއްވަނައިގައެވެ. ހަމައެހެންމެ، މުޅި ދުނިޔެއަށް ބަލާއިރު، ގޮގޮރޯއަކީ މުޅި ދުނިޔޭގެ އެންމެ އުފެއްދުންތެރި ކުންފުނިތަކުގެ ތެރެއިން 37ވަނައިގައި އޮތް ކުންފުންޏެވެ. މީގެއިތުރުން، ގޮގޮރޯއަކީ ކްލައިމެޓް ޓެކްގެ އެންމެ ކުރީ ސަފުގައި އޮތް ކުންފުނިކަމަށް އެމް.އައި.ޓީ ޓެކްނޮލޮޖީއިންވަނީ ފާހަގަކޮށްފައެވެ. އަދި ނިމުނީއެއް ނޫނެވެ. ފްރޮސްޓް އެންޑް ސުއްލިވާންގެ ފަރާތުން، 'ގްލޯބަލް ކޮމްޕެނީ އޮފް ދި އިޔަރ' ވަނީ ގޮގޮރޯއަށް 2023ވަަނަ އަހަރު ލިބިފައެވެ. ހަމަމިއާއެކު، އެތައްހާސް ކުންފުނިތަކެއް ތެރެއިންވެސް، 'ގްލޯބަލް ކްލީންޓެކް 100' ކުންފުނިތައްތެރޭގައި 2020ވަނަ އަހަރު ގޮގޮރޯ ހިމެނިފައިވެއެވެ. އެއީ އެންމެ ސާފު ހަކަތަ ބޭނުންކުރެވޭ ބީދައިން ފަރުމާކޮށްފައިވާތީއެވެ. އަދި ޑިޒައިނާއި ފަރުމާކުރުމުގެ ފުރިހަމަކަމުގެ ސަބަބުން 'ގުޑް ޑިޒައިން އެވަރޑް' ގެ 2ވަނަވެސް ގޮގޮރޯއިން ވަނީ ހާސިލްކޮށްފައެވެ.

މި ކާމިޔާބީތަކާއި އެވަރޑްތަކުގެ ސަބަބުން ހާމަވަނީ ގޮގޮރޯ ކުރިއަރާފައިވާ މިންވަރެެވެ. ފެހި ދަތުރުފަތުރަށް ގޮގޮރޯ އިސްކަންދޭ މިންވަރާއި، އޭގެ ސަބަބުން ދުނިޔެއަށް ކުރާ ހެޔޮ އަސަރުތަކާއި، ގެންނަމުންދާ ހެޔޮ ބަދަލުތަކުގެ ފުރިހަމަކަމެވެ. ދެމެހެއްޓެނިވި ހަކަތައަށް ގެނެސްދީފައިވާ އިންގިލާބެވެ. 

ސްޓެލްކޯގެ ޒަރީޢާއިން ގޮގޮރޯ ރާއްޖެއަަށް

ސްޓެލްކޯގެ ޒަރީޢާއިން ރާއްޖެއަށް ގޮގޮރޯ ތަޢާރަފުވުމުގެ ސަބަބުން އަހަރުމެންނަށް ފަހިވެގެންދާނީ ދެމެހެއްޓެނިވި ހަކަތައިން މުއްސަނދިވެފައިވާ އުޅަނދެއް ބޭނުންކުރުމަށެވެ. ފަސޭހަކާމާއެކު ބެޓަރީ ބަދަލުކޮށްލެވޭ، ކީ ކާޑް އަދި ފޯނުންވެސް ހުޅުވޭ ކަހަަލަ ސައިކަލެއް ބޭނުންކުރުމުގެ މަގުފަހިވާނެއެވެ. ތިމާވެއްޓާއި ރައްޓެހި، ފެހި ދުނިޔެއަކަށް މަގު ކޮށައިދޭފަދަ އުޅަނދެއް ރާއްޖެއަށް ތަޢާރަފްވުމަކީ، ހަކަތައިގެ ދުނިޔެއާއި ޒަމާނީ ކުރިއެރުންތަކުން ގެނެސްދީފައިވާ ފަސޭހަތައް ތަޖުރިބާކޮށްލަން ލިބޭ ފުރުސަތެކެވެ.