ކޯންފްލޭކްސް ކްރަސްޓެޑް ފިޝް ހަދާނީ ކިހިނެއް؟

ބޭނުންވާ ތަކެތި

1 ސަައިސަމްސާ ލޮނުމެދު ޕައުޑާ ނުވަތަ ގާނާފައިވާ ލޮނުމެދު

230 ގ. މަސް

ކައްކާ ތެޔޮ

4 ބިސް

3 މޭޒުމަތީ ސަމްސާ ފުށް

2 ޖޯޑު މުގުރާފައިވާ ކޯން ފްލޭކްސް

1/2 ސައިސަމްސާ ޕެޕްރިކާ ޕައުޑާ (ބަދަލުގައި މުގުރި މިރުސް ބޭނުންކުރެވޭނެ)

1/2 ސައިސަމްސާ ފިޔާ ޕައުޑާ

1 މޭޒުމަތީ ސަމްސާ އަސޭމިރުސް

1 ސައިސަމްސާ ލޮނުމެދު

ލޮނު

މުގުރާފައިވާ ހިކި މިރުސް

1/4 ސައިސަމްސާ ނަޓްމެގް

1/8 ސައިސަމްސާ މުގުރާފައިވާ ކާފޫރު ތޮޅި 

1 މޭޒުމަތީ ސަމްސާ މަސްޓާޑް

1/8 ސައިސަމްސާ މުގުރާފައިވާ ކަރަންފޫ

1/8 ސައިސަމްސާ އޯލް ސްޕައިސް

1 ލުނބޯ

ތައްޔާރުކުރާނެ ގޮތް

މަސްކޮޅު ފިޝް ފިންގާގެ ބައްޓަމަށް ކޮށާލާށެވެ. ކޮށާފައިވާ މަސްކޮޅު އެއްކައިރީގައި ބެހެއްޓުމަށްފަހު މަސްކޮޅާއި ފުށާއި ބިހާއި ކޯންފްލޭކްސްއާއި ތެޔޮ ފިޔަވައި މަތީގައިވާ ހުރިހާ ތަކެތި ބޯތައްޓަކައި އަޅާފައި ގިރާލާށެވެ. މި ހަވާދުކޮޅު މަހުގެ ބޭރުގައި ހާކާލާށެވެ. އެއަށްފަހު ހަވާދުކޮޅުން މަސް ރަނގަޅަށް މެރިނޭޓް ވަންދެން މަސް އެއްކައިރީގައި ބަހައްޓާށެވެ. މަދުވެގެން 30 މިނެޓް ވަންދެން މަސް މެރިނޭޓްވުމުން ރަހަ މީރުވާނެއެވެ. އެއަށްފަހު މަސްކޮޅު އެންމެ ފުރަތަމަ ފުށުގެ ތެރެއަށް ލާފައި ކޯޓްކޮށްލާށެވެ. އެއަށްފަހު ބިހުގައި ލާފައި މަސްކޮޅުގައި އެންމެ ފަހުން ކޯންފްލޭކްސް ލާށެވެ. ހުރިހާ މަސްކޮޅުގައި މި ތިިނެތި ރަނގަޅަށް ކޯޓްވުމުން މަސްކޮޅު ތެލުލާށެވެ. ބޭނުން ނަމަ މަސްކޮޅު ތެލުލުމުގެ ބަދަލުގައި އެއާ ފްރައިވެސް ކުރެވިދާނެއެވެ. 

ނޯޓް: އިނިގިރޭސިވިލާތުގައި އީޖާދުވި ކޯންފްލޭކްސް ކްރަސްޓެޑް ފިޝްއަކީ ލުނބޯ ހުތާއި މަޔޯނައިޒްގައި ޖަހައިގެން ކާން މީރު އެއްޗެެއްގެ ގޮތުގައި ކައިއުޅޭ ކެއުމެކެވެ. އަދި އާންމުކޮށް މި މަސް ކެއުމަށް އެންމެ ފައްކަލީ ޗިޕްސްއާއި އެކީގައެވެ.