ބީޓްރޫޓް ޕާސްޓާ
ކްރީމީ ބީޓްރޫޓް ޕާސްޓާއަކީ ބީޓްރޫޓް އަޅައިގެން ތައްޔާރުކުރާ ކްރީމީ، ކުޅި ރަހަ ކުޑަކޮށް ހުންނަ، މީރު ޕާސްޓާއެކެވެ. ބޭނުންނަމަ މި ރެސިޕީއަށް ކޮންމެ ވައްތަރެއްގެ ޕާސްޓާ ނުވަތަ ސްޕެގެޓީ ބޭނުންކުރެވިދާނެއެވެ.
މި ޕާސްޓާ ތައްޔާރުކުރުމުގައި މައިގަނޑު ގޮތެއްގައި ބޭނުންކުރަނީ:
* ކިއުބްކޮށް ކޮށާފައިވާ ބީޓްރޫޓް،
* ޕެނޭ ޕާސްޓާ،
* ކުކިން ކްރީމް،
* ޕާމެޒަން ޗީޒް
މީގެ އިތުރުން ރަހަ މީރުކުރުމަށް ބޭނުންކުރެވޭ ތަކެތީގެ ތެރޭގައި:
* ލޮނުމެދު،
* ރަތް ތޮޅި މިރުސް،
* ފިޔާ،
* ރާޅު މިރުސް،
* އޮރިގާނޯ،
* ލުނބޯ،
* އަލްމަންޑްސް އަދި ސްޕިނެޗް ފަތް ހިމެނެއެވެ.
މި ޕާސްޓާ ތައްޔާރުކުރާ ގޮތަށް ބަލާއިރު، ފުރަތަމަ ބީޓްރޫޓް ފެނުގައި ކައްކާފައި ޕާސްޓާވެސް ކައްކާލާށެވެ. އަދި މިކްސްޗަރެއްގެ ތެރެއަށް ފެންފޮދެއް އަޅާލުމަށްފަހު ބީޓްރޫޓްކޮޅު ދިޔާވާ ވަރަށް ގިރާލާށެވެ. ދެން ތަވައެއްގައި ބަޓަރު ގިނިކޮށް، ފިޔާ، މިރުސް، އޮރިގާނޯ އަދި އަލްމަންޑްސް އެއްކޮށް ކައްކާލާށެވެ. މިއަށްފަހު ބީޓްރޫޓް ސޯސް، ކުކިންގް ކްރީމް، ޕާސްޓާ ފެން އަދި ލޮނު އެއްކޮށްލާށެވެ. އެންމެ ފަހު މަރުހަލާގައި ޕާސްޓާ، ސްޕިނެޗް، ލުނބޯ ހުތް އަދި ޕާމެޒަން ޗީޒް އެއްކޮށްލުމުން މިހާރު ބީޓްރޫޓް ޕާސްޓާ ވާނީ ތައްޔާރުކުރެވިފައެވެ.