މަސާލާ ސަޔަކީ ރާއްޖޭގައިވެސް ވަރަށް ގިނަ މީހުންގެ މެދުގައި މަގްބޫލު ބުއިމެކެވެ. މަސާލާ ސައި ރާއްޖޭގެ ކޮންމެ ރެސްޓޯރެންޓެއްގެ މެނޫގައި ހިމެނެއެވެ. ގޭގޭގެ ބަދިގޭގައި މިސައި ތައްޔާރުކުރެވޭއިިރު މި ސަޔަކީ އަސްލު އަވަށްޓެރި އިންޑިޔާގެ އުފެއްދުމެކެވެ. މި ސައި އިންޑިޔާގެ އެކި ކަންކޮޅުގައި ތައްޔާރުކުރަނީ އެކި ގޮތްގޮތަށެވެ. މަސާލާ ސައި އާންމުކޮށް ދިވެހިން ތައްޔާރުކުރަނީ ކަރަންފުލާއި ކާފޫރުތޮޅިއާއި ފޮނިތޮށި އަޅައިގެންނެވެ. މިފަހަރު މި ގެނެސްދޭ ރެސިޕީ ތައްޔާރުކޮށްލުމުން އިންޑިޔާ މީހުން މި ބުއިން ތައްޔާރުކުރާ ފެންވަރަށް މަސާލާ ޓީ ތައްޔާރުކުރެވޭނެއެވެ.
ބޭނުންވާ ތަކެތި
ސެފްރޯން (ކިރިޔާ ރަހަލާވަރަށް)
1/2 ސައިސަމްސާ ނަޓްމެގް ޕައުޑާ
3/4 ސަައިސަމްސާ ފެހި ކާފޫރުތޮޅި ޕައުޑާ
4 ޖޯޑު ކިރު
1/2 ޖޯޑު ހަކުރު (މިކްސްޗަރަކުން ގިރާފައި)
10-12 ޕިސްޓާޝިއޯ (ހޫނުފެނުގައި މަޑުކޮށްފައި)
10-12 އެމަންޑް (ހޫނުފެނުގައި މަޑުކޮށްފައި، ތޮށި ނައްޓާފައި)
މަލާއީ (ބޭނުންނަމަ)
2 ސައިސަމްސާ ފިނިފެންމާ ފެން
ތައްޔާރުކުރާނެ ގޮތް
ތެއްޔެއްގައި ކިރުފޮދު ކައްކާލާށެވެ. ކިރުފޮދު ކައްކަންވާނީ މަޑުގިނީގައެވެ. އޭގެ ތެރެއަށް ހަކުރާއި ސެފްރަން އަޅާފައި ކައްކާށެވެ. ދެން ނަޓްމެގް ޕައުޑަރާއި ކާފޫރުތޮޅި އަޅާފައި ރަނގަޅަށް އެއްކޮށްލާށެވެ. އުނދުން ނިވާލުމަށްފަހު ކިރު އަޅާފައިވާ ތެލި އެއްކައިރީގައި ބަަހައްޓާށެވެ. ޕިސްޓާޝިއޯއާއި އަލްމަންޑް މިކްސްޗަރެއްގައި މުގުރާލާށެވެ.
މި ދެވައްތަރުގެ ބަދަން ކިރުގެ ތެރެއަށް އެޅުމަށްފަހު ރަނގަޅަށް އެއްކޮށްލާށެވެ. ބޭނުންވާނަމަ ކިރުގެ ތެރެއަށް މަލާއީ ކްރީމްވެސް އެެއްކޮށްލާށެވެ. އެންމެ ފަހު އެއްޗެއްގެ ގޮތުގައި ރޯޒް ވޯޓަރ މި ކިރު ތެރެއަށް އަޅާފައި މެދުގިނީގައި ރަނގަޅަށް ކައްކާލާށެވެ. ރޯޒްވޯޓާ އެޅުމުން މަސާލާ ޓީގެ ރަހައާއި އެއްވަރަށް ވަސްވެސް ވަރަށް މީރުވެގެންދާނެއެވެ.
ނޯޓް: ސެފްރަން ލިބެން ނެތްނަމަ، ސެފްރަން އެސެންސްވެސް އޭގެ ބަދަލުގައި ބޭނުންކުރެވިދާނެއެވެ.