ރެސިޕީ: ޕިރިނީ

ޕިރިނީއަކީ ދިވެހީންގެ ތެރޭގައިވެސް ވަރަށް މަޤުބޫލު ފޮނި ކާއެއްޗެކެވެ. ތަރާވީސް ގަޑީގައި ކާލުމަށް ވަރަށް ކަމުދާނެއެވެ.

ބޭނުންވާ ތަކެތި:

1 ޖޯޑު ހަނޑޫ

2 ރާނބާ ފަތް (3 އިންޗި)

1 ދަޅު ގެރިކިރު

6 ޖޯޑު ފެން

1/2 ޖޯޑު ހަކުރު

2 މޭޒުމަތީ ސަމްސާ ވެނީލާ އެސެންސް

1/4 ޖޯޑު ފޮނިތޮށި (މުގުރާފައި)

1/4 ޖޯޑު ކާފުރުތޮޅި (މުގުރާފައި)

ތައްޔާރުކުރާނެ ގޮތް:

ފެނަށް ހަކުރާއި ރާނބާ ފަތް އެޅުމަށްފަހު ކައްކާށެވެ. ފެންގަނޑު ރަނގަޅަށް ކެކެން ފެށުމުން ގިނި މަޑުކުރުމަށްފަހު ހަނޑޫ އަޅައި ކައްކަމުން ހަލަމުން ގެންދާށެވެ. ހަނޑޫކޮޅު ކެކުމުން ގެރިކިރު އަޅައި އެއްކޮށްލާށެވެ. ރަނގަޅަށް އެއްކޮށްލުމަށްފަހު ވެނީލާ އެސެންސް އަޅާފައި 2 މިނެޓެއްހާއިރު ބަހައްޓާފައި އުނދުން ނިއްވާލާށެވެ. އެއަށްފަހު ރާނބާ ފަތްކޮޅު ނަގާފައި ޓްރޭއަކަށް (2 އިންޗިއެއްހާ ފުންމިން ހުންނަ) އަޅާލާށެވެ. ދެން މުގުރާފައި ހުރި ފޮނިތޮށިކޮޅާއި ކާފުރުތޮޅިކޮޅު އެއްކޮށްލާފައި ޕިރިނީގެ މަތި ފޮރުވޭވަރަށް ބުރުވާލުމުން ތައްޔާރުކޮށް ނިމުނީއެވެ. މިއީ ރަވާ އަދި މުގުރި ބިސްކޯދުގައިވެސް ވަރަށް މީރުކޮށް ކައްކާ އެއްޗެކެވެ.