ރެސިޕީ: ޗީޒީ ޗިކަން ލޮލީޕޮޕް
ބޭނުންވާ ތަކެތި
500 ގ. ބޯންލެސް ޗިކަން (ފެނު ކައްކާފައި، އުލަކުން ވީދާފައި)
1 ޖޯޑު އަލުވި (ފެނު ކައްކާފައި ޗަސްކޮށްފައި)
ކޮތަނބިރި ފަތް 1/2 ޖޯޑު
ހޮޓް ސޯސް 2 މޭޒުމަތީ ސަމްސާ
ލޮނުމެދު ޕައުޑަރ 1 މޭޒުމަތީ ސަމްސާ
ލޮނު 1 ސައިސަމްސާ
އަސޭމިރުސް 1 މޭޒުމަތީ ސަމްސާ
ޗެޑާ ޗީޒް 1 ޖޯޑު
ބިސް( ގިރާފައި)
ފާރޮށި ކުނޑި
ތައްޔާރުކުރާނެ ގޮތް
ބޯތަށްޓެއްގެ ތެރެއަށް ކުކުޅު، އަލުވި، ކޮތަނބިރި ފަތް، ހޮޓް ސޯސް، ލޮނުމެދު، ލޮނު، އަސޭމިރުހާއި ޗީޒް އެޅުމަށްފަހު ރަނގަޅަށް އެއްކޮށްލާށެވެ. ދެން މެގްނަމް ބޯން ބޭނުންކުރާ ސްޓިކްކޮޅުގައި ލޮލީއެއްގެ ބައްޓަމަށް މި މަސްގަނޑު ޖަހާށެވެ. އެއަށްފަހު އޭގެ ބޭރުގައި ބިސްލާފައި ރަނގަޅަށް ފާރޮށި ކުނޑި އޭގައި ތަތްކުރާށެވެ. ދެން މި ޗިކަން ލޮލީޕޮޕް ތެލުލާށެވެ. ބޭނުންނަމަ އެއާފްރައިވެސް ކުރެވިދާނެއެވެ. މި ޗިކަން ލޮލީޕޮޕްތައް ބޭނުން ވައްތަރެއްގެ ސޯސްއަކާއި ޖަަހައިގެން ކާލެވިދާނެއެވެ.