ސްޓްރޯކަކީ މިޒަމާނުގައި ވަރަށް ގިނައިން މީހުންނަށް ޖެހޭ ނުރައްކާތެރި ބައްޔެކެވެ. ސްޓްރޯކް ޖެހުމުން ސަލާމަތްވުމަށް އެންމެ މުހިންމު އެއްކަމަކީ ވީހާވެސް އަވަހަކަށް ފަރުވާ ހޯދުމެވެ. އެހެންކަމުން ސްޓްރޯކްގެ އަލާމާތްތައް ދެނެގަތުމަކީ ވަރަށް މުހިންމުކަމެކެވެ.
ސްޓްރޯކް ޖެހުމުގެ މައިގަނޑު އަލާމާތްތައް
ސްޓްރޯކް ޖެހުމުގެ އަލާމާތްތައް ދެނެގަތުމަށް "FAST" މި އަކުރުތަކުގެ ބޭނުން ކުރެވެއެވެ.
F (Face) - މޫނުގެ އެއްފަރާތް ދަމައިގަތުން، ދުލަށް ވާންވުން
A (Arms) - އަތްތައް ނުއުފުލުން ނުވަތަ ބަލިކަށިވުން
S (Speech) - ވާހަކަދެއްކުމަށް ދަތިވުން، ބަސްތައް ރަނގަޅަށް ނުކިޔުން
T (Time) - މިއިން އަލާމާތެއް ފެނިއްޖެނަމަ، އަވަހަށް ޑޮކްޓަރަށް ދެއްކުން
-ބޮލަށް އެނބުރުން އެރުން
-ބޮލަށް ތަދުވުން
-ލޮލުގެ ފެނުން ފުސްވުން
އަލާމާތްތައް ފެންނަ ވަގުތުކޮޅު އަމަލުކުރަންވީ ކިހިނެއް؟
ސްޓްރޯކްގެ އަލާމާތްތައް ކުއްލިއަކަށް ފެށި، ގިނަވެގެން 24 ގަޑިއިރު ވަންދެން ދެމިގެން ދެއެވެ. ނަމަވެސް ބައެއް ފަހަރު މި އަލާމާތްތައް މިނެޓުތަކެއްގެ ތެރޭގައި ނިމިގެން ދިއުމަކީވެސް އެކަށީގެންވާ ކަމެކެވެ. މިފަދަ ކުރު މުއްދަތަކަށް އަލާމާތްތައް ފެނުމަށް ކިޔަނީ "ޓްރާންޒިއެންޓް އިސްކެމިކް އެޓޭކް" (TIA) އެވެ.
އަވަސް ފިޔަވަޅުތައް
ސްޓްރޯކްގެ އަލާމާތެއް ފެނިއްޖެނަމަ އަޅަންޖެހޭ އެންމެ މުހިންމު ފިޔަވަޅުތަކަކީ:
-ވަގުތުން އެމްބިއުލަންސްއަށް ގުޅުން (102)
- އޮށޯވުން
_ ބަލިމީހާއަށް ކާއެއްޗެހި ނުދިނުން
- ރަނގަޅަށް ނޭވާލެވޭތޯ ބެލުން
ސްޓްރޯކް ޖެހުމުގެ ފުރުސަތު ކުޑަކުރުން
ސްޓްރޯކް ޖެހުމުގެ ފުރުސަތު ކުޑަކުރުމަށް އަޅަންޖެހޭ މުހިންމު ފިޔަވަޅުތަކުގެ ތެރޭގައި:
- ލޭގެ ޕްރެޝަރ ކޮންޓްރޯލްކުރުން
ހަކުރުބަލި ކޮންޓްރޯލްކުރުން
ދުންފަތުގެ އިސްތިއުމާލުކުރުން ހުއްޓާލުން
ގަވާއިދުން ކަސްރަތުކުރުން
މިންހެޔޮ ކެއުމެއް ގެންގުޅުން
ބަރުދަން ކޮންޓްރޯލްކުރުން
ސްޓްރޯކަކީ ވަރަށް ނުރައްކާތެރި ބައްޔެކެވެ. އެކަމަކު މިކަމަށް އަވަހަށް ފަރުވާ ލިބިއްޖެނަމަ މުޅިން ރަނގަޅުވުމުގެ ފުރުސަތެއް އޮތްކަމަށް ގިނަ ޑޮކްޓަރުން ގަބޫލުކުރެއެވެ. އެހެންކަމުން ސްޓްރޯކްގެ އަލާމާތްތައް ދެނެގަނެ، އަވަސް ފިޔަވަޅު އެޅުމަކީ ވަރަށް މުހިންމު ކަމެކެވެ. އަދި ހަމައެހެންމެ ސްޓްރޯކް ޖެހުމުގެ ފުރުސަތު ކުޑަކުރުމަށް އަޅަންޖެހޭ ރައްކާތެރި ފިޔަވަޅުތައް އެޅުމަކީވެސް ކޮންމެހެން ކުރަންޖެހޭނެ ކަމެކެވެ.