މުވާސަލާތީ ގުޅުމާއި ބެހޭ ކުންފުނި، އުރީދޫ މޯލްޑިވްސްގެ *929# ގެ ޕެކޭޖްތައް ފުޅާކޮށްފިއެވެ.
އުރީދޫއިން ބުނީ މި ޕެކްތައް އެކުންފުނީގެ ޕްރީޕެއިޑް، ޕޯސްޓްޕެއިޑް، ނުވަތަ ސުޕަރނެޓްގެ ޚިދުމަތް ހޯދާ ހުރިހާ ކަސްޓަމަރުންނަށް ބޭނުންކުރެވޭނެ ކަމަށެވެ. މިހާރު *929# ޖައްސަވައިގެން ބޯނަސް ޑޭޓާ ޕެކޭޖްތަކާއި، ޚާއްސަ ޑިސްކައުންޓްތަކާއި ގިފްޓް ކުރުމުގެ ހިދުމަތް އެމީހަކު ފަރުމާކުރަން އެދޭ ގޮތަކަށް ބޭނުންކުރެވޭނެ ކަމަށް އުރީދޫއިން ބުނެފައިވެ އެވެ. މީގެއިން ކޮންމެ ކަމެއް އުރީދޫގެ ލައިފްސްޓައިލް، ވޮއިސް، ޗެޓް އަދި ޑޭޓާ ހިދުމަތަށް ބޭނުންކުރެވޭނެ އެވެ.
ޖުލައި 17 ވަނަ ދުވަހު ނެރުނު ނޫސްބަޔާނެއްގައި އެ ކުންފުނިން އިއުލާން ކުރި ގޮތުގައި *929# ސުޕަޑީލްސް ކެމްޕޭނުން ކަސްޓަމަރުން ޑޭޓާ އެލަވަންސް އިތުރު ކުރަން ބޭނުން ވިޔަސް، އެޑްއޮންސް ސޭވް ކުރަން ބޭނުން ވިޔަސް ނުވަތަ ސަޕްރައިޒް ހަދިޔާއެއް ލިބުނަސް ކޮންމެ މީހަކަށް ވެސް ކޮންމެވެސް އެއްޗެއް ލިބިގެންދެ އެވެ. ޔުނިވާސަލް އެލިޖިބިލިޓީއާއި، ސައިންއަޕް ފީއެއް ނުނަގާ، އަދި ފޮރުވިފައިވާ ޝަރުތުތަކެއް ނެތި، އުރީދޫ ކަސްޓަމަރުންނަށް 929# އަށް ގުޅައިގެން އެކްސްކްލޫސިވް އޮފާތަކުގެ ޕާސަނަލައިޒްޑް މެނޫއަކުން ހިދުމަތް ލިބޭނެއެވެ.
އުރީދޫ މޯލްޑިވްސްގެ ސީއީއޯ އަދި މެނޭޖިން ޑިރެކްޓަރު ޚާލިދު އަލް ހަމަދީ ވިދާޅުވީ *929# ސުޕަޑީލްސް ކެމްޕޭނަކީ ކަސްޓަމަރުންނަށް އިތުރަށް ފުރިހަމަ ހިދުމަތެއް ފޯރުކޮށްދިނުމަށް އެކުންފުނިން ކުރާ މަސައްކަތުގެ އައު އުސްމިނެއް ކަމަށެވެ. އަދި މިއީ ޑިޖިޓަލް މޯލްޑިވްސްއަކަށް ރާއްޖެ ހެދުމަށް އުރީދޫއިން ގެންގުޅޭ ތަސައްވުރުގެ ކުޑަ ހިއްސާއެއް ކަމަށްވެސް ބެލެވެ އެވެ.