އަވަސް ދުވެއްޔެއްގައި އަބަދުމެ ބަދަލުވަމުންދާ އަދުގެ ދުނިޔޭގައި، އިތުބާރުހުރި އަދި ދެމެހެއްޓެނިވި ހަކަތައަށް ވާޞިލުވުމަކީ މިހާތަނަށް ދުވަހަކުވެސް ނުދެކޭފަދަ މުހިންމު ކަމަކަށް ވެފައިވެ އެވެ. ސްޓެލްކޯ ސޭލްސް ސެންޓަރު މިވަނީ މި މަތިވެރި މިޝަނުގެ އެންމެ ކުރީ ސަފުގައެވެ. މި މަރުކަޒަކީ ހަމައެކަނި ޚިދުމަތްތަކެއް ފޯރުކޮށްދޭ ތަނެއްގެ ގޮތުގައި ހުރިތަނެއް ނޫނެވެ. މިއީ ހަކަތައިގެ ދާއިރާއަށް އަންނަ ޓެކްނޮލޮޖީތަކާއި، ޚިދުމަތް ލިބިގަންނަ ފަރާތްތަކަށް ފުރިހަމައަށް އަޅާލުމާއެކު، އެހީތެރިކަމާއި، ޒަމާނީ ދިވެހި ދިރިއުޅުމުގެ ވައްޓަފާޅިއަށް ޚާއްޞަކޮށްގެން ފަރުމާކުރެވިފައިވާ ހަކަތައިގެ ޙައްލުތަކުގެ މައި މަރުކަޒެވެ.
ކަރަންޓުގެ ހިދުމަތުގައި ސްޓެލްކޯއަށް ވުރެ ތަޖުރިބާހުރި ބަޔަކު ރާއްޖެއަކު ނެތްކަން ޔަޤީނެވެ. މިކަމުގައި މި ސަރަހައްދުގެ ގައުމުތަކަށް ބެލިޔަސް 75 އަހަރުގެ ދިގު ތަޖުރިބާއާއިއެކު ސްޓެލްކޯ ހުނިޖަހާލެވޭނެ އެވެ. އެކަމަކު މިހާތަނަށް އެ ކުންފުނީގެ ޚިދުމަތުގެ ވަށައިގެންވާ ވިޔަފާރިއާ ގުޅުންހުރި ތަކެތި ފޯރުކޮށްދިނުމުގައި ކަސްޓަމަރުންނަށް ކުރެވުނު އިހުސާސް ތަފާތެވެ. އެ ކުންފުނީގެ ކަރަންޓު ސާމާނު ކުރިން ފޯރުކޮށްދެމުން ގެންގޮސްފައިވަނީ ފިހާރައެއްގެ ސްޓައިލަށް ގެންދިޔަ "ސޭލް ސެންޓަރު" އިންނެވެ. ސްޓެލްކޯއަކީ ރައްޔިތުންނާއި، ވިޔަފާރިތަކާއި، އަދި މުއައްސަސާތަކުން ހަކަތަވެރިކުރުމަށް އެންމެ އިތުބާރުކުރާ ޚިދުމަތްދޭ މަރުކަޒެވެ.
ސްޓެލްކޯގެ ލިބެންހުންނަ ހަކަތައިގެ ބާވަތްތައް ފެންނަގޮތަށް ފަސޭހަކޮށް ޒަމާނާއި އެއްގޮތަށް އަލުން ޢިމާރާތްކޮށް ޚިދުމަތް ފަށާފައިވާ "ބިޒްނަސް ސެންޓަރ" ފަރުމާކޮށް މަސައްކަތުގެ ހުރިހާ މަރުހަލާއެއް ނިންމާފައިވަނީ ސްޓެލްކޯ މުވައްޒަފުންގެ އަމިއްލަ މަސައްކަތާއި ހުނަރުންނެވެ. ދުނިޔޭގެ ތަރައްގީވެފައިވާ ތަހުޒީބު މުޖުތަމަޢުތަކުގައި ހުންނަ ފަދަ ތަފާތު ރީތި ފަރުމާއަކަށް ހުޅުވި ސްޓެލްކޯގެ ބިޒްނަސް ސެންޓަރު ފުރިހަމަ ކުރަމުން އެ ގެންނަނީ އެ ކުންފުނިން އަންނަން އޮތް ޚިދުމަތުގެ އިންގިލާބުގެ ފެށުމުގެ ގޮތުގަ އެވެ.
ފަސޭހައިން ވާސިލުވެވޭ ތަނެއްގައި ހުރި، އަދި ވިސްނުންތެރިކަމާއެކު ފަރުމާކޮށްފައިވާ ސްޓެލްކޯ ބިޒްނަސް ސެންޓަރަކީ ކަރަންޓާ ގުޅުންހުރި ހުރިހާ ޚިދުމަތްތަކަށް ވާސިލުވެވޭނެ މަންޒިލެކެވެ. އަލަށް ގެއެއް، ވިޔަފާރިއެއް، ނުވަތަ ސްޓެލްކޯގެ ކަރަންޓު ވިއުގައަށް ގުޅަން ބޭނުންވިޔަސް، ކަރަންޓުގެ ޤާބިލުކަން އިތުރުކުރަން ބޭނުންވިޔަސް، ނުވަތަ އިޔާދަކުރަނިވި ހަކަތައިގެ ފުރުސަތުތައް ބަލާލަން ބޭނުންވިޔަސް، ބިޒްނަސް ސެންޓަރުން ފޯރުކޮށްދެނީ އެއްވެސް ދަތިކަމެއްނެތި، ކަސްޓަމަރުން އިސްކޮށްގެން ދެވޭ ތަޖުރިބާއެކެވެ.
ބިޒްނަސް ސެންޓަރުގެ ޚިދުމަތަށް ޚާއްޞަކޮށްފައިވާ ޕްރޮފެޝަނަލުންގެ ޓީމަކާއެކު، މި ސެންޓަރުން ވަނީ އަވަސް، އަމިއްލަ ފަރުދުންނަށް ޚާއްޞަކޮށްގެން ދެވޭ ޚިދުމަތްތައް ފޯރުކޮށްދިނުމަށް ތައްޔާރުވެ ޚިދުމަތް ފަށާފައެވެ. ސޭލްސް ސެންޓަރަށް ވަންނަ ވަގުތުން ފެށިގެން، ތިބާއަށް މަރުޙަބާ ކިޔަނީ ހަމައެކަނި ކަސްޓަމަރެއްގެ ގޮތުގައެއް ނޫނެވެ - އެހެނަސް މުސްތަޤުބަލް ހަކަތަވެރިކުރުމުގެ ބައިވެރިއެއްގެ ގޮތުގައެވެ.
ސްޓެލްކޯ ސޭލްސް ސެންޓަރ ޚިޔާރުކުރަންވީ ކީއްވެ؟
• ހަކަތައިގެ ބާވަތްތަކާއި ބޭގޭގޮތުން ކުރާ ސުވާލުތަކާއި، އަދި ޚިދުމަތަށް ފައިސާ ދެއްކުން އެންމެ ފަސޭހަކޮށް، އަވަހަށް ކުރެވޭނެއެވެ.
• ރާއްޖޭގެ އެންމެ ތަޖުރިބާހުރި ދިވެހި ފަންނީ ފަރާތްތަކުގެ މަޝްވަރާތައް (ހަކަތަ ބޭނުންކުރާ ގޮތާއި، އަގުތަކާއި، އަދި ހަކަތައިގެ ދެމެހެއްޓެނިވި) ޙައްލުތަކާ ބެހޭގޮތުން ލަފާދިނުމަށް ތައްޔާރަށް ތިބޭ ޢިލްމީ އަދި ހުނަރުވެރި ޤާބިލް މުވައްޒަފުންގެ އެހީތެރިކަން ސޭލްސް ސެންޓަރުން ލިބޭނެއެވެ.
ސްޓެލްކޯގެ ސޭލްސް ސެންޓަރަކީ ކަސްޓަމަރުން އިސްކުރާނެ މާޙައުލެއް އޮންނަގޮތަށް ފަރުމާކޮށް އަދި ކަސްޓަމަރުންނަށް އިސްކަންދޭ މަރުކަޒެކެވެ. މި ތަނުން ކަށަވަރުކޮށްދެނީ ފެށުނީއްސުރެ ނިމެންދެން އޮމާން އަދި އެހީތެރިވެދޭ ތަޖުރިބާއެކެވެ. ސްޓެލްކޯގެ އިތުރުވަމުންދާ ޑިޖިޓަލް ޚިދުމަތްތަކާއެކު ކަސްޓަމަރުންނަށް ފަސޭހަވެ ކުރިއެރުން ލިބިގެން ދާނެއެވެ.
ހުރިހާ އެންމެންނަށް
ސޭލްސް ސެންޓަރުން ކަރަންޓު ގުޅުމުގެ ސާމާނު ގަތުން ފަސޭހަކޮށް އަދި ހުރި ކަންބޮޑުވުންތައް ހައްލު ކޮށްދެއެވެ. އަލަށް ކަރަންޓު ލުމާއި، މީޓަރު އަޕްގްރޭޑްކުރުމާއި، ހަކަތައިގެ ސާމާނާއިބެހޭ ސުވާލުތަކާއި، އަދި ހަކަތަ އިގްތިޞާދުކުރުމުގެ ޙައްލުތަކާ ބެހޭ މަޢުލޫމާތު ދިނުމަށް ސޭލްސް ސެންޓަރުން ތައްޔާރަށް ތިބީ ކަސްޓަމަރު/ތިބާގެ ގެ އަލިކޮށް - އަދި ތިބާގެ ތަޖުރިބާ އޮމާންކޮށްދިނުމަށެވެ.
"މިތަނަށް ކަސްޓަމަރު ވަދެލާއިރު ކުރެވޭ އިހުސާސް ވެސް ތަފާތުވާނެ. އެ މަގަށް މިދަނީ، ލައުންޖެއްގެ އިހްސާސްވާނެ. މިތަނަށް ވަދެލާފަ ހަމަޖެހިލައިގެން، ޚިދުމަތް ހޯދައިގެންދާ ފަދަ ކޮންސެޕްޓެއް މި ގެންނަނީ. މުދަލަށް އޯޑަރު ޖަހާލުމުން ޑެލިވަރީގެ ހިދުމަތް ވެސް ލިބޭނެ. މިހާރުވެސް ޑެލިވަރީގެ ޚިދުމަތް ދެން. ކަސްޓަމަރުންނަށް ޔަގީންކަން ދޭން ބޭނުންވަނީ ހިދުމަތުގެ ގޮތުން ވެސް މުދަލުގެ ކޮލިޓީގެ ގޮތުން ވެސް ސްޓެލްކޯއިން ވިއްކާތަކެތި މޮޅުވެފައި، ފެންވަރު ރަނގަޅުވާނެކަން. މިއީ އަޅުގަނޑުމެންގެ ފަލްސަފާ،" އެ ކުންފުނިން ވާހަކަ ދެއްކެވި އޮފިޝަލް ވިދާޅުވިއެވެ.
"އަޅުގަނޑުމެންގެ ވައިބާ ކޮމިއުނިޓީ ގްރޫޕެއް ވެސް އޮންނާނެ. މިދޭ ޚިދުމަތްތައް މި ގެންދަނީ ޒަމާނީ ކުރަމުން. ޓެކްނޮލޮޖީގެ ފަހުގެ ފަސޭހަތައް ގެންނަމުން. ކަސްޓަމަރުން އަމިއްލައަށް މިތަނަށް ވަޑައިގެން ޕްރޮޑަކްޓް ވާޗުއަލްކޮށް ތަޖުރިބާކޮށްލަން މިހިރީ ކިއޮސްކްތައްވެސް ބަހައްޓާފަ. ރަށުގަ ތިބެގެން ފޯނުންނާއި އެހެނިހެން ވަސީލަތްތަކުން ހުރިތާކުހުރެ އަގުތައް ހޯދާލެވޭނެ. އޯޑަރުކޮށްލެވޭނެ. ބޯޓާއި ހަމައަށް ގެންގޮސްދޭނެ" ސްޓެލްކޯގެ އޮފިޝަލަކު ވިދާޅުވިއެވެ.
"އަޅުގަނޑުމެން ގެ ޚިދުމަތްދޭ މަރުކަޒު މިހިރީ އަމީނީމަގުގަ. އަޅުގަނޑުމެން މިތިބީ ސްޓެލްކޯ އިމާރާތުގެ ތިރީގައި ޖެހިގެން.
ތިބާ ކެފޭއެއް ހިންގަމުން ދިޔަސް، ރިސޯޓެއް ހިންގަމުން ދިޔަސް، ނުވަތަ ތިބާގެ ކުންފުނީގެ އިންފްރާސްޓްރަކްޗަރ އަޕްގްރޭޑްކުރަމުން ދިޔަސް، ސްޓެލްކޯއިން ފޯރުކޮށްދެނީ އިތުބާރުހުރި އެހީތެރިކަމާއެކު ޚާއްޞަކޮށްފައިވާ ހަކަތައިގެ ޙައްލުތަކެވެ. ސްޓެލްކޯގެ ފަންނީ މާހިރުން ތިބާއަށް އެހީތެރިވެދޭނީ ތިބާ ބޭނުންވާ ކަރަންޓުގެ މިންވަރު ވަޒަންކުރުމަށާއި، ހުއްދަތައް ހޯދުމުގެ މަސައްކަތް އަވަސްކުރުމަށާއި، އަދި ތިބާގެ މަސައްކަތްތައް އެއްވެސް މެދުކެނޑުމެއްނެތި ކުރިއަށް ގެންދެވޭކަން ޔަޤީންކުރުމާއެކުގައެވެ.
ރިސޯޓްތަކާއި، ސްކޫލުތަކާއި ހޮސްޕިޓަލުތަކުން ފެށިގެން ޤައުމީ ފެންވަރުގެ މަޝްރޫޢުތަކާ ހަމައަށް، ސްޓެލްކޯއިން އެނގި ދަސްކޮށްފައިވަނީ އާންމު ޚިދުމަތްތަކަށް ކަރަންޓު ފޯރުކޮށްދިނުމުގެ މިންވަރާއި އޭގެ ނާޒުކުކަމެވެ. ސްޓެލްކޯއިން ފޯރުކޮށްދެނީ ގިނަ ޢަދަދެއްގެ ހަކަތަކާއި ގުޅޭ މަސައްކަތްތަކަށް ޚާއްޞަކޮށްފައިވާ އެހީތެރިކަމާއި، ކަރަންޓުލުމަށް ބޭނުންވާ ޙައްލުތަކާއި، އަދި މުހިންމު އިންފްރާސްޓްރަކްޗަރ ހަރުދަނާކަމާއި ޒިންމާދާރުކަމާއެކު ހިންގުމަށް ދެމެހެއްޓެނިވި ގޮތެއްގައި ވިލަރެސްކޮށްފައިވާ ޒަމާނީ ހައްލުތަކެވެ.
ސްޓެލްކޯއިން ހަމައެކަނި ކަރަންޓު ފޯރުކޮށްދެނީއެއް ނޫނެވެ. ސްޓްކޯއިން ދިވެހި މުޖުތަމަޢު ބާރުވެރިކުރުވައެވެ. އަދި މި ހުރިހާ ކަމެއް ފެށޭ އެއްތަނަކީ ސްޓެލްކޯ ސޭލްސް ސެންޓަރެވެ.
އެހެންކަމުން، ތިބާގެ ހުވަފެނުގެ ގެ އިމާރާތްކުރަމުން ދިޔަސް، ތިބާގެ ވިޔަފާރި ފުޅާކުރަމުން ދިޔަސް، ސްޓެލްކޯގެ ސޭލްސް ސެންޓަރުން "ހަކަތަ" ހޯދާށެވެ.
ސްޓެލްކޯ ސޭލްސް ސެންޓަރ ކޮންމެ ގުޅުމެއް ބާރުވެރިކުރުވުމަށާއި، ގެތަކުން ފެށިގެން ވިޔަފާރިތަކާއި ހަމައަށް ވަނީ އަނދިރިކަމުން އަލިކަން ގެނެސްދީފައެވެ. މިއީ ތަރައްޤީގެ ބައިވެރިޔާއެވެ.
ބިޒްނަސް ސެންޓަރު ހުޅުވާފައި ހުންނަގަޑިތައް
އާދީއްތަ – ބުރާސްފަތި ހެނދުނު 08:30 ފެށިގެން ހަވީރު 18:00 އަށް
ހޮނިހިރު ހެނދުނު 10:00 ފެށިގެން ހަވީރު 18:00 އަށް
ހުރުކު ދުވަސް ބަންދުވާނެއެވެ. އަދި ނަމާދު ވަގުތަށް 15 މިނެޓް ބަންދުވާނެއެވެ.