އެޗްޑީސީ ވެންޑަރ ޕޯޓަލްގައި ރަޖިސްޓަރވުމަކީ ވިޔަފާރިތަކަށް ލިބިގެންދާ މުހިންމު ފުރުޞަތެކެވެ. މިއީ ވިޔަފާރި ފުޅާކޮށް، އިތުރު މަސައްކަތްތައް ހޯދުމަށް މަގުފަހިވެގެންދާނެ ކަމެކެވެ. ސަޕްލަޔަރުންނާއި ކޮންޓްރެކްޓަރުންނާއި ހިދުމަތްދޭ ފަރާތްތަކުން އެޗްޑީސީގައި ރަޖިސްޓަރ ކުރުމުން ދެފުށްފެންނަ ޕްރޮކިއުމެންޓް މަރުހަލާއެއްގެ ޔަގީންކަން ފަހިވާނެ ކަމަށް އެޗްޑީސީ އިން ބުނެފައިވެ އެވެ.
އެޗްޑީސީ ވެންޑަރ ސްޓޭޓަސްއަކީ ކޮބާ؟
އެޗްޑީސީ ވެންޑަރ ސްޓޭޓަސްއަކީ ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) އާއެކު ވިޔަފާރި މުޢާމަލާތްތައް ކުރުމަށް ދެވޭ ރަސްމީ ހުއްދައެކެވެ. މި ސްޓޭޓަސް ލިބިފައިވާ ފަރާތްތަކަށް އެޗްޑީސީގެ ޕްރޮކިއުމަންޓް ޕްރޮސެސްގައި ބައިވެރިވެ، ބިޑްތައް ހުށަހެޅުމުގެ ފުރުޞަތު ލިބިގެންދެއެވެ.
ވެންޑަރ ޕޯޓަލްގައި ރަޖިސްޓްރީވުމުން ލިބޭ ފައިދާތައް
*އެޗްޑީސީގެ ޓެންޑަރތަކުގައި އަދި ޕްރޮކިއުމެންޓް ހަރަކާތްތަކުގައި ބައިވެރިވުމުގެ ފުރުޞަތު ލިބިގެންދާނެއެވެ. މީގެ ތެރޭގައި ތަފާތު ޕްރޮޖެކްޓްތަކާއި ކޮންޓްރެކްޓްތަކަށް ވަނުމުގެ ފުރުސަތު ހިމެނެ އެވެ.
*އޮންލައިންކޮށް ބިޑް ހުށަހެޅުމުގެ ފުރުޞަތު
*ވިޔަފާރިއާ ގުޅޭ އަޕްޑޭޓްތައް ވަގުތުން ލިބުން: އައު ޓެންޑަރުތަކާއި ޕްރޮކިއުމެންޓް ޝަރުތުތަކާއި ވެންޑަރުންނާއި ގުޅޭ އަޕްޑޭޓްތައް ފަސޭހައިން ލިބިގެންދާނެއެވެ.
*ސަޕޯޓް ސަރވިސް: އެޗްޑީސީގެ ތަޖުރިބާކާރު ޕްރޮކިއުމެންޓް ޓީމުން ވެންޑަރ ރަޖިސްޓްރޭޝަނާއި ބިޑިން މަރުހަލާގައި އެހީތެރިކަން ފޯރުކޮށްދޭނެއެވެ.
*ބިޑިންގ ޕްރޮސެސް ފަސޭހަކަމާއެކު ބެލެހެއްޓުން
*ޕޭމަންޓް ޓްރެކިންގގެ ޚިދުމަތް
އެޗްޑީސީގައި ރަޖިސްޓަރވާނެ ގޮތް
އެޗްޑީސީގައި ވެންޑަރެއްގެ ގޮތުގައި ރަޖިސްޓަރވުމަށް އަންނަނިވި ފިޔަވަޅުތައް ފުރިހަމަކުރަންވާނެއެވެ.
1. ބޭނުންވާ ލިޔެކިޔުންތައް ތައްޔާރުކުރުން
*ވިޔަފާރި ރަޖިސްޓްރޭޝަން ސެޓްފިކެޓް
*ޖީއެސްޓީ ރަޖިސްޓްރޭޝަން ސެޓްފިކެޓް (ރަޖިސްޓަރ ކޮށްފައިވާނަމަ)
*ކުންފުނީގެ ޕްރޮފައިލް
*ބޭންކް އެކައުންޓް ތަފްސީލު
2. އޮންލައިން ރަޖިސްޓްރޭޝަން
އެޗްޑީސީގެ ވެންޑަރ ޕޯޓަލް މެދުވެރިކޮށް:
*ވެންޑަރ ރަޖިސްޓްރޭޝަން ފޯމު ފުރިހަމަކުރުން
*ބޭނުންވާ ލިޔެކިޔުންތައް އަޕްލޯޑްކުރުން
*ވިޔަފާރީގެ ދާއިރާ ސިލެކްޓްކުރުން
3. ވެރިފިކޭޝަން ޕްރޮސެސް
*އެޗްޑީސީއިން ހުށަހެޅިފައިވާ މަޢުލޫމާތު ޗެކްކުރުން
*ރަޖިސްޓްރޭޝަން ފީ ދެއްކުން (އެޕްލިކަބަލް ނަމަ)
ވެންޑަރ ޕޯޓަލްގައި ރަޖިސްޓަރވުމުގައި ސަމާލުކަން ދޭންޖެހޭ ކަންތައްތައް:
*ހުރިހާ މަޢުލޫމާތެއް ސައްޙަކަމާއެކު ހުށަހެޅުން
*ވިޔަފާރީގެ ލިޔެކިޔުންތައް އަޕްޑޭޓްކޮށް ބެލެހެއްޓުން
*ޕޯޓަލްގެ ޓާމްސް އެންޑް ކޮންޑިޝަންސްއަށް އަހުލުވެރިވުން
*ރަޖިސްޓްރޭޝަން މުއްދަތު ހަމަވުމުގެ ކުރިން އައުކުރުން