ރެސިޕީ: ހަވާދުލީ ނޫޑްލްސް
ބޭނުންވާ ތަކެތި
2 ޕެކެޓް ނޫޑްލްސް
1 ބިސް
ހިކަނދި ފަތް
ރާނބާ ފަތް
2 ގިތެޔޮ މިރުސް
2 މޭޒުމަތީ ސަމްސާ ހަނާކުރި ހަވާދު
ނޫޑްލްސް ސޫޕް ޕެކެޓް
1 މޭޒުމަތީ ސަމްސާ ޓޮމާޓޯ ޕޭސްޓް
މަަސްދަޅު ނުވަތަ ވަޅޯމަސް ތުނިކޮށް ކޮށާފައި
1 ބޯތަށި ކާށިކިރު
1 މޭޒުމަތީ ސަމްސާ ސޯޔާސޯސް
1 މޭޒުމަތީ ސަމްސާ އޮއިސްޓަރ ސޯސް
1/2 ސައިސަމްސާ އަސޭމިރުސް
އަޖިނަމޮޓޯ (އިޚްތިޔާރީ)
1 ބޮޑު ފިޔާ (ހިމުންކޮށް ކޮށާފައި)
އިނގުރު (ދިގަށް ކޮށާފައި ނުވަތަ ގާނާފައި)
4 ލޮނުމެދު އަރި (ހިމުންކޮށް ކޮށާފައި)
ތައްޔާރުކުރާނެ ގޮތް
ނޫޑްލްސްކޮޅު ވަކިން އެހެން ތެލިއެއްގައި ކައްކާށެވެ. ކައްކާފައި އޭގެ ފެން ވައްޓާލާފައި ނޫޑްލްސްކޮޅު ވަކި ތަށްޓަކަށް އަޅާފައި އެއްފަރާތްކޮށްލާށެވެ. ތާސްއެއްގައި ކުޑަ ތެޔޮފޮދެއް ނުވަތަ ބަޓަރކޮޅެއް އަޅައިގެން ހޫނުކުރާށެވެ. ދެން ފިޔާ، ލޮނުމެދު، އިނގުރު އަދި އަސޭމިރުހާއި ގިތެޔޮ މިރުސް ރަތްކުރާށެވެ. ފިޔާ މީރުވުމުގެ ކުރިން މަސްކޮޅާއި ހިކަނދިފަތާއި ރާނބާ ފަތްކޮޅު އަޅާށެވެ. އަދި ސޯޔާ ސޯސްއާއި އޮއިސްޓަރ ސޯސްކޮޅުވެސް އަޅާށެވެ. ދެން ޓޮމާޓޯ ޕޭސްޓާއި ހަވާދު އަދި ކާށިކިރު ބޯތަށްޓެއްގައި ރަނގަޅަށް އެއްކުރުމަށްފަހު ތާސް ތެރެއަށް އަޅާފައި ގަދަ ގިނީގައި ކައްކާށެވެ. ނޫޑްލްސް ސޫޕް ޕެކެޓް އަޅާފައި ލޮނު ރަހަަ ހެޔޮވަރުކުރާށެވެ. ދެން ނޫޑުލްސްކޮޅު ތާސް ތެރެއަށް އަޅާފައި ރަނގަޅަށް އެއްކޮށްލާށެވެ. އެންމެ ފަހުން ރޯ ބިސްކޮޅު ނޫޑްލްސް ތެރެއަށް އިތުރުކޮށްލުމުން ހަވާދުލީ ނޫޑްލްސް މިހާރު ހުންނާނީ ތައްޔާރުކުރެވިފައެވެ.
ނޯޓް: ހަވާދުގެ ބަދަލުގައި ރިހާކުރު އަޅައިގެންވެސް ނޫޑްލްސް ކެއްކިދާނެއެވެ.