މިލްކް ބިރިޔާނީ
ބޭނުންވާ ތަކެތި
500 ގ ބާސްމަތީ ހަނޑޫ (ވަކިން ކައްކާފައި)
1 ކޭޖީ ކުކުޅު (ކަރީ ކަޓް)
1 ޕްލެއިން ޔޯގަޓް ތަށިގަނޑު
800 އެމް އެލް އާދައިގެ ކިރު ނުވަތަ ކާށިކިރު
1/2 ޖޯޑު ތެލުލި ފިޔާ
3 ފިޔާ (ކިއުބްކޮށް ކޮށާފައި)
4 އަރި ލޮނުމެދު (ހިމުންކޮށް ކޮށާފައި)
1 މޭޒުމަތީ ސަމްސާ އިނގުރު
3-4 ތޮޅި މިރުސް (ފަޅާފައި)
5 ކާފޫރު ތޮޅި
ކުޑަ ފޮނިތޮށިކޮޅެއް
3 ކަރަންފޫ
ތަކޫވައްގެ ކުޑަ އެތިކޮޅެއް
ބަޒަބާޒުގެ 2 ތޮށި
1/2 ސައިސަމްސާ ހިތި ދަމުއި
3 މޭޒުމަތީ ސަމްސާ ގިތެޔޮ
1 މޭޒުމަތީ ސަމްސާ ކައްކާ ތެޔޮ
2 މޭޒުމަތީ ސަމްސާ ހޫނު ކިރު ތެރޭގައި ފޯކޮށްފައިވާ ކުކުން (ވަރަށް ކުޑަ އެތިކޮޅެއް)
ލޮނު
ތައްޔާރުކުރާނެ ގޮތް
އެންމެ ފުރަތަމަ ކުކުޅުގައި ބޭނުން ވައްތަރެއްގެ ހަވާދުކޮޅަކާއި ޔޯގަޓް އަދި ލޮނުކޮޅެއް ހާކާލާށެވެ. 30 މިނެޓް ވަންދެން ކުކުޅުގައި ރަހަލާވަރަށް މެރިނޭޓް ކުރަން ބަހައްޓާށެވެ. ދެން ތަވައެއްގެ ތެރޭގައި ތެލާއި ގިތެޔޮކޮޅެއް ހޫނުކުރާށެވެ. ހޫނުވުމުން ކުކުޅުކޮޅު ގަދަގިނީގައި ކައްކާފައި އެއްފަރާތްކޮށްލާށެވެ. ފޮނިތޮށި، ކާފޫރުތޮޅި، ކަރަންފޫ، ތަކޫވައް، ބަޒަބާޒު އަދި ހިތި ދަމުއި މެދުމިންވަރަކަށް ހިމުންކުރާށެވެ. ދެން 2 މަޒްލިން ފޮތިކޮޅެއްގެ ތެރެއަށް މި އެއްޗެހި އަޅާފައި ފޮތިކޮޅު ރަނގަޅަށް ބަނދެލާށެވެ. އެއަށްފަހު ތެއްޔެއްގެ ތެރެއަށް ކިރުފޮދު އަޅާފައި މަޒްލިން ފޮތިކޮޅުތައް އޭގެ ތެރެއަށް އަޅާށެވެ. އުނދުން ހުންނަންވާނީ މަޑު ގިނީގައެވެ. ދެން ކުކުޅުކޮޅު އޭގެ ތެރެއަށް އަޅާށެވެ. ކިރުފޮދު ރަނގަޅަށް ނުކެއްކުވުމަށް ސަމާލުވެ، ދޭފަތުން ހަލުވާށެވެ. ކުކުޅުކޮޅު މަޑުވުމުން، ކިރު ތެރެއިން ކުކުޅުކޮޅު ވަކިން ނަގާށެވެ. 1/2 ޖޯޑުގެ މިންވަރަށް ކުޑަވަންދެން ކިރުފޮދު މަޑުގިނީގައި ކައްކަމުން ގެންދާށެވެ. ދެން މި ކިރުފޮދު އުނދުނުން ނަގާ، އެއްކައިރީގައި ބަހައްޓާށެވެ.
ދެން ބިރިޔާނީ ހެދުމަށްޓަކައި ސާފު ބޮޑު ތެލިއެއް ނަގާފައި އޭގެ ވަށައިގެން 1/2 މޭޒުމަތީ ސަމްސާގެ ގިތެޔޮ އުނގުޅާށެވެ. ދެން ބާސްމަތީ ހަނޑޫ އޭގެ ތެރެއަށް އަޅާށެވެ. އަދި މަތީގައި ކުކުޅުކޮޅު ބަހައްޓާށެވެ. އޭގެ މައްޗަށް ތެލުލި ފިޔާކޮޅާއި އެއްކައިރީގައި ބަހައްޓާފައި ހުރި ކިރުފޮދުގެ އެއްބައި އަޅާށެވެ. ދެން ކުޑަ ގިތެޔޮކޮޅެއްވެސް އިތުރުކުރާށެވެ. ދެން އަނެއްކާވެސް ބަތްކޮޅެއް އޭގެ މައްޗަށް އަޅާފައި ބާކީ ހުރި ހުރިހާ އެއްޗެހި ހުސްވަންދެން ކުރިން ބުނި ތަރުތީބަށް ފަތުރަމުން ގެންދާށެވެ. އެންމެ ފަހު އެއްޗަކަށް ކުކުން އަޅާށެވެ. ދެން ރަނގަޅަށް މަތި އަޅާފައި ބަތްގަނޑު 20 މިނެޓް ވަންދެން މަޑުގިނީގައި ކައްކާލާށެވެ. ބޭނުންނަމަ މި ބަތްގަނޑު އަވަނަށްވެސް ލެވިދާނެއެވެ. އަވަނުން ކައްކަން ބޭނުންނަމަ 180 ޑިގްރީ ސެލްޝިޔަސްއަށް 15 މިނެޓްގެ ވަގުތުކޮޅަކަށް ބިރިޔާނީކޮޅު އަވަނުގައި ކައްކާލެވިދާނެއެވެ.