ފުވައްމުލަކު ސިޓީއިން މަސް ގަންނަން ފަށާނެ ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން ބުނެފިއެވެ.
މިފްކޯ އިން މިއަދު ބުނި މިހިނގާ އޮގަސްޓް މަހުގެ ތެރޭގައި މިފްކޯއިން ފުވައްމުލައް ސިޓީއިން މަސްގަންނަން ފަށާނޭ ކަމަށެވެ. އޭގެ ފަހުން ދާއިމީކޮށް، ފުވައްމުލަކުން މަސްގަތުމުގެ އިންތިޒާމު ހަމަޖެހިގެން އަންނާނޭ ކަމުގައި މިފްކޯއިން ޔަގީންކަންދީފައިވެ އެވެ. މިފްކޯގެ ފަރާތުން މިޔަގީންކަންދިނީ މިހަފްތާގެ ތެރޭގައި މިފްކޯގެ ސީ,އީ.އޯ. ރިޓަޔަރޑް ބްރިގޭޑިއަރ ޖެނެރަލް ފަރުހަތު ޝަހީރު ފުވައްމުލަކަށް ކުރެއްވި ދަތުރުގައި ފުވައްމުލައް ސިޓީ ކައުންސިލާއިއެކު ބޭއްވި ބައްދަލުވުމުގައެވެ.
މީގެ އިތުރުން، ފުވައްމުލަކުގެ އެއްގަމުގައި ހަދަން ފަށާފައިވާ މަސްޕްރޮސެސް ކުރާ މަރުކަޒު، މިއަހަރު ތެރޭގައި އޮޕަރޭޝަނަލައިޒްކޮށް، ފުވައްމުލަކު ރައްޔިތުންނަށް، ޕްރޮސެސްކޮށްފައިހުރި މަސްގަންނަން ލިބޭނޭ އިންތިޒާމު ހަމަޖައްސަވާނޭ ކަމުގައިވެސް މިފްކޯއިން ޔަގީންކަން ދިނެވެ.