ބ. މާޅޮސްގައި 2 މަޝްރޫޢެއްގެ ޢަމަލީ މަސައްކަތް އެމްޓީސީސީން މިއަދު ފަށައިފިއެވެ.
މި ދެމަޝްރޫޢުއަކީ، މާޅޮސް ޕޮލިސް ޕޯސްޓް އިމާރާތްކުރުމުގެ މަޝްރޫޢު އާއި ، މާޅޮސް މިސްކިތް އިމާރާތްކުރުމުގެ މަޝަރޫޢުއެވެ.
ރަޢީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝަރަފުވެރިކޮށްދެއްވި މި ރަސްމިއްޔާތުގައި މާޅޮސް ޕޮލިސް ޕޯސްޓް އިމާރާތްކުރުމުގެ މަޝްރޫޢުގެ ޢަމަލީ މަސައްކަތް ފައްޓަވާދެއްވާފައިވަނީ މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖ،ީ ޑރ. ޢަލީ އިޙްސާން އާއީ ކޮމިޝަނާ އޮފް ޕޮލިސް އިސްމާއިލް
ނަވީންއެވެ. އަދި މާޅޮސް މިސްކިތް އިމާރާތްކުރުމުގެ މަޝްރޫޢުގެ ޢަމަލީ މަސައްކަތް ފައްޓަވާދެއްވާފައިވަނީ މިނިސްޓަރ އޮފް އިސްލާމިކް އެފެއާޒް، ޑރ. މުޙައްމަދު ޝަހީމް ޢަލީ ސަޢީދެވެ. މީގެ އިތުރުން، އެމްޓީސީސީގެ މެނޭޖިންގ ޑައިރެކްޓަރ، ޑެޕިއުޓީ ކޮމިޝަނަރ އޮފް ޕޮލިސް (ރިޓަޔަރޑް) އަޙުމަދު ސަޢުދީ އާއި ސަރުކާރުގެ
އެހެނިހެން އިސްވެރިން މި ރަސްމިއްޔާތުގައި ބައިވެރިވެ ވަޑައިގެންފައިވެ އެވެ.
މާޅޮސް ޕޮލިސް ޕޯސްޓް އިމާރާތްކުރުމުގެ މަޝްރޫޢުގެ ދަށުން، 1،500 އަކަ މީޓަރުގެ ސަރަޙައްދެއްގައި އެއް ބުރީގެ އިމާރާތެއް ބިނާކުރުން ހިމެނެއެވެ. މިއީ 2.04 މިލިއަން ރުފިޔާއަށް 150 ދުވަސްތެރޭ ނިންމަން އެކުންފުންޏާ ހަވާލުކޮށްފައިވާ މަޝްރޫއެކެވެ.
މާޅޮސް މިސްކިތް އިމާރާތްކުރުމުގެ މަޝަރޫޢުގެ ދަށުން، 500 މީހުންގެ ޖާގައިގެ މިސްކިތެއް ބިނާކުރުން ހިމެނެއެވެ. މިއީ 10.75 މިލިއަން ރުފިޔާއަށް 365 ދުވަސްތެރޭ ނިންމަން އެކުންފުންޏާ ހަވާލުކޮށްފައިވާ މަޝްރޫއެކެވެ.