އއ. ފެރިދޫ ޕޮލިސް ޕޯސްޓް އިމާރާތްކުރުމުގެ އަމަލީ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ފަށައިފިއެވެ.
މި މަސައްކަތް ފެށީ މި އޮގަސްޓް މަހުގެ 19 ވަނަ ދުވަހު ، މި ކަމަށް ހާއްސަކޮށްގެން ފެރިދޫގައި ބޭއްވި ހާއްސަ
ރަސްމިއްޔާތެއްގައެވެ.
ރަޢީސުލްޖުމްހޫރިއްޔާ ޑރ. މުހައްމަދު މުއިއްޒު ޝަރަފުވެރިކޮށްދެއްވި މި ރަސްމިއްޔާތުގައި ޕްރޮޖެކްޓުގެ ޢަމަލީ މަސައްކަތް
ފައްޓަވައިދެއްވީ މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީ، ޢަލީ ޢިހްސާން އާއި މަތިވެރި ދާއިރާގެ
މެންބަރު ހަސަން ޒަރީރާއި ކޮމިޝަނަރ އޮފް ޕޮލިސް، އިސްމާޢިލް ނަވީން އާއި ކައުންސިލްގެ ރައީސް،
އިސްމާއިލް ސާހު އެވެ. މީގެ އިތުރުން، އެމްޓީސީސީގެ މެނޭޖިން ޑައިރެކްޓަރ، ޑެޕިއުޓީ ކޮމިޝަނަރ އޮފް ޕޮލިސް (ރިޓަޔަރޑް)
އަޙުމަދު ސަޢުދީ އާއި ސަރުކާރުގެ އިސްވެރިން މި ރަސްމިއްޔާތުގައި ބައިވެރިވެވަޑައިގެންފައިވެއެވެ.
އެމްޓީސީސީ އިން ބުނީ ޕޮލިސް ޕޯސްޓު އިމާރާތްކުރުމުގެ މަޝްރޫޢުގެ ދަށުން، 1 ފަންގިފިލާގެ އިމާރާތެއް ބިނާކުރެވޭއިރު، ޕޮލިސް ޕޯސްޓެއްގައި
ޚިދުމަތް ފޯރުކޮށްދިނުމަށް ބޭނުންވާ ހުރިހާ ވަސީލަތެއް ގާއިމުކުރެވިގެންދާނެ ކަމަށެވެ.