އއ. ބޮޑުފޮޅުދޫ ހޭންޑް ބޯލް ކޯޓުގެ ބިންގާ އެޅުމުގެ ރަސްމިއްޔާތު މިއަދު އެރަށުގައި ބާއްވައިފިއެވެ.
މި ރަސްމިއްޔާތު ޝަރަފުވެރިކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ. މި ރަސްމިއްޔާތުގައި
މިނިސްޓަރ އޮފް ސްޕޯޓްސް، ފިޓްނެސް އެންޑް ރިކްރިއޭޝަން ޢަބްދުالله ރާފިޢުއާއި ކެބިނެޓުގެ ބައެއް މިނިސްޓަރުންނާއި ރައްޔިތުންގެ މަޖިލީހުގެ ބައެއް މެންބަރުންނާއި އެމްޓީސީސީގެ މެނޭޖިން ޑިރެކްޓަރ، ޑެޕިއުޓީ ކޮމިޝަނާއޮފް ޕޮލިސް (ރިޓަޔަރޑް) އަޙުމަދު ސަޢުދީއާއި ރަށު ކައުންސިލްގެ ރައީސްއާއި މެންބަރުން އަދި ސަރުކާރުގެ އޮފިޝަލުން ބައިވެރިވެވަޑައިގެންނެވިއެވެ.
މި މަޝްރޫޢުގައި ފެންސެއް ޖެހުމާއި ޓާފެއް އެޅުމާއި ކޮންކްރީޓް އަދި މޭސަނަރީ މަސައްކަތްތައް ހިމެނެއެވެ. މި މަޝްރޫޢަކީ 1.43 މިލިއަން ރުފިޔާއަށް 120 ދުވަސްތެރޭ ނިންމުމަށް އެކުންފުންޏާ ހަވާލުކޮށްފައިވާ މަޝްރޫއެކެވެ.