އޮގަސްޓް 20 ވަނަ ދުވަހު އއ. އުކުޅަސް ދޯނި އެހެލާ ސަރަޙައްދު ތަރައްޤީކުރުމުގެ އެއްބަސްވުމުގައި ސޮއި ކުރުމުގެ ރަސްމިއްޔާތު ބާއްވައިފިއެވެ.
މި އެއްބަސްވުމުގައި މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއި ކުރެއްވީ މިނިސްޓަރ ޑރ. ޢަބްދުﷲ މުއްޠަލިބްއެވެ. އަދި މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީގެ ފަރާތުން ސޮއި ކުރެއްވީ މެނޭޖިންގ ޑިރެކްޓަރ ޑީސީޕީ (ރިޓެޔާރޑް) އަހްމަދު ސައުދީ އެވެ.
އއ. އުކުޅަސް ދޯނި އެހެލާ ސަރަޙައްދު ތަރައްޤީކުރުމުގެ މަޝްރޫޢު:
ކޮންޓްރެކްޓަރ: މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީ
ކޮންޓްރެކްޓް އަގު: 19,952,989.20 ރުފިޔާ
ކޮންޓްރެކްޓް ސޮއިކުރެވުނު ތާރީޚް: 20 އޮގަސްޓް 2025
ކޮންޓްރެކްޓްގެ މުއްދަތު: 240 ދުވަސް
މި މަޝްރޫޢުގެ ދަށުން ކުރުމަށް ހަމަޖެހިފައިވާ މައިގަނޑު މަސައްކަތްތައް:
މި މަޝްރޫޢުގެ ދަށުން އުކުޅަސް ދޯނި އެހެލާ ސަރަޙައްދު ފުންކުރުމާއި، 117 މީޓަރުގެ ބޮޑުހިލައިގެ ބޭރުތޮށި، 63 މީޓަރުގެ ބޮޑުހިލައިގެ ރިވެޓްމަންޓް އަދި 60 މީޓަރުގެ ބޮޑުހިލައިގެ ގްރޮއިން ޖެހިގެންދާނެއެވެ.