އއ. އަތޮޅު ހޮސްޕިޓަލް އިމާރާތްކުރުމުގެ ޢަމަލީ މަސައްކަތް ފެށުމުގެ ރަސްމިއްޔާތު މިއަދު އއ. ރަސްދޫގައި ބާއްވައިފިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝަރަފުވެރިކޮށްދެއްވި މި ރަސްމިއްޔާތުގައ،ި އއ.
އަތޮޅު ހޮސްޕިޓަލުގެ ޢަމަލީ މަސައްކަތް ފައްޓަވައިދެއްވީ މިނިސްޓަރ އޮފް ހެލްތު، ޢަބްދުالله ނާޡިމް އިބްރާހީމެވެ. މި
ރަސްމިއްޔާތުގައި ކެބިނެޓު މިނިސްޓަރުންނާއި ރައްޔިތުންގެ މަޖިލީހުގެ މެންބަރުންނާއި އެމްޓީސީސީގެ މެނޭޖިންގ ޑިރެކްޓަރ،
ޑެޕިއުޓީ ކޮމިޝަނަރ އޮފް ޕޮލިސް (ރިޓަޔަރޑް) އަޙުމަދު ސަޢުދީއާއި އެމްޓީސީސީގެ އިސްވެރިންގެ އިތުރުން ރަސްދޫ
ކައުންސިލާއި ސަރުކާރުގެ އިދާރާތަކުގެ އިސްވެރިން ބައިވެރިވެވަޑައިގެންނެވިއެވެ.
މި މަޝްރޫޢުގެ ދަށުން އެކޮމޮޑޭޝަން ބްލޮކަކާއި ސަރވިސް ބްލޮކެއް ހިމެނޭހެން، 50 އެނދު އެކުލެވޭ އިމާރާތެއް
ބިނާކުރެވޭނެއެވެ. މީގެ އިތުރުން، ބިންގަނޑު ކޮނެ ލެވަލްކުރުމާއި ކޮންކްރީޓް އަދި މޭޝަނަރީ މަސައްކަތްތަކާއި ތަށިމުށި
ޖެހުމާއި ދޮރާއި ކުޑަދޮރު ހަރުކުރުމާއި ދަވާދު ލުމާއި ދަގަނޑު މަސައްކަތާއި ހައިޑްރޯލިކްސް އަދި ޑްރެއިނޭޖް
މަސައްކަތްތަކާއި ކަރަންޓު ވަޔަރު ކުރުމާއި މެޑިކަލް ގޭސް ސިސްޓަމާއި އެއަރ ކޮންޑިޝަން އަދި އަލިފާން ނިއްވާ
ސިސްޓަމްތައް ހަރުކުރުން ހިމެނެއެވެ.
މި މަޝްރޫޢަކީ 185.57 މިލިއަން ރުފިޔާއަށް 240 ދުވަސްތެރޭ ނިންމުމަށް އެ
ކުންފުންޏާ ހަވާލުކޮށްފައިވާ މަޝްރޫޢެކެވެ.