އިންޑިއާގެ ސެލެބްރިޓީ ޝެފް ސަންޖީވް ކަޕޫރް ތައްޔާރުކުރި ޓަންޑޫރީ ޗިކެން ނަގެޓްސް ރެސިޕީއަކީ ވަރަށް ރަހަ ރަނގަޅު، ގޭގައި ތައްޔާރުކުރެވޭނެ ފަސޭހަ ރެސިޕީއެކެވެ.
މަސްގަނޑު ތައްޔާރުކުރަން ބޭނުންވާ ތަކެތި
• 500 ގްރާމް ކުދިކޮށް ކޮށާފައިވާ ކުކުޅު މަސް
• 3 މޭޒުމަތި ސަމްސާ ޓަންޑޫރީ މަސާލާ
• 1 މޭޒުމަތި ސަމްސާ ލޮނުމެދު އިނގުރު ޕޭސްޓް
• 1 މޭޒުމަތި ސަމްސާ މުގުރި މިރުސް
• 1 މޭޒުމަތި ސަމްސާ ލުނބޯ ހުތް
• ލޮނުމަދު (ރުހޭ މިންވަރަކަށް)
• 1 ސައިސަމްސާ އޮރެގާނޯ
• ޗީޒް (އިހްތިޔާރީ)
ކޯޓިންގއަށް ބޭނުންވާ ތަކެތި
• 1 ޖޯޑު ފުށް
• 2 ބިސް
• މުގުރި އަސޭމިރުސް
• ބްރެޑް ކްރަމްބްސް
ތައްޔާރުކުރާނެ ގޮތް
1. އެންމެ ފުރަތަމަ މަސްގަނޑަށް ބޭނުންވާ ހުރިހާ ތަކެތި އެއްކޮށްލާށެވެ.
2. މަދުވެގެން 2 ގަޑިއިރު ނުވަތަ ރޭގަނޑުން ރޭގަނޑަށް ފިރިޖްގައި ބަހައްޓާށެވެ.
3- ކޮންމެ ނަގެޓެއް ފުރަތަމަ ފުށުގައި، ދެން ބިހުގައި، އަދި ފަހުން ބްރެޑް ކްރަމްބްސްގައި ލާށެވެ.
8. ތެޔޮ ރަނގަޅަށް ހޫނުކޮށް މެދުމިން ހުޅުގައި ނަގެޓްސް ތެލުލާށެވެ.
ޚާއްސަ ނޯޓު
• ނަގެޓްސް މާ ހޫނު ތެލުގައި ތެލުނުލުމަށް ސަމާލުވާށެވެ. އެއީ ބޭރު ފަށަލަ އަނދައިގެން ގޮސް އެތެރެ ނުކެއްކި ހިނގައިދާނެތީއެވެ.
• ނަގެޓްސް ސާރވްކުރާއިރު ޓޮމާޓޯ ކެޗަޕްއާއެކު ސާރވްކުރެވިދާނެއެވެ.
މި ރެސިޕީއަކީ ސަންޖީވް ކަޕޫރްގެ ޚަޒާނާ ޗެނަލްގައި ވަރަށް މަޤްބޫލު ރެސިޕީއެކެވެ. ޚާއްސަކޮށް ކުޑަކުދިންނަށް ވަރަށް ކަމުދާނެ، ރަހަ ރަނގަޅު ނަގެޓްސްއެކެވެ. ގޭގައި ތައްޔާރުކުރުމުން ސާފު، ރައްކާތެރި އަދި ރަހަ ރަނގަޅު ނަގެޓްސް ކެއުމުގެ ފުރުސަތު ލިބިގެންދާނެއެވެ.