މިއަދު ފާހަގަކުރަމުންދާ އިންޖިނިއަރުންގެ ދުވަހާ ދިމާކޮށް ސްޓެލްކޯގެ ސްޓެލްކޯ ފައުންޑޭޝަނުން (އެސްއާރްއެފް) "ޔަންގް ސްޕާކްސް" ވޯކްޝޮޕް ފަށައިފިއެވެ.
މި ވޯކްޝޮޕަކީ ގްރޭޑް 6 އަދި 7 ގައި ކިޔަވާ ދަރިވަރުންނަށް ހާއްސަކޮށްގެން އެސްއާރްއެފް އިން ބޭއްވި އިވެންޓެކެވެ. ޖުމްލަ 32 ކުދިންނަށް ބައިވެރިވެވޭ ގޮތަށް ސްޓެލްކޯ އިން އެންމެ ފުރަތަމަ މި އިވެންޓްގައި ބައިވެރިވުމަށް އިއުލާންކުރީ މި މަހުގެ 20 ވަނަ ދުވަހުގެ ނިޔަލަށެވެ. މި ވޯކްޝޮޕްގައި ބައިވެރިވުމަށް ސްޓެލްކޯއިން އެއްވެސް ފީއެއް ނުނަގާނެކަން ފާހަގަކޮށްފައިވެ އެވެ.
މި ވޯކްޝޮޕްގައި ކުޑަކުދިންނާ ގުޅުންހުރި އެކި މޭޒް އެކްޓިވިޓީ ޕްރޮޖެކްޓްސް ކުރިއަށްގެންދިއުމަށް ހަމަޖެހިފައިވެ އެވެ. މި ހަރަކާތްތައް އަމާޒުކޮށްފައިވަނީ ކުޑަކުދިންނާއި ގުޅުންހުރި ރައްކާތެރި ގޮތްތަކަށް ބަލާފައެވެ. ޖުމްލަ ގޮތެއްގައި މިއީ ސައިންސް، ޓެކްނޮލޮޖީ އަދި އިންޖިނިއަރިންގެ ދާއިރާތަކަށް ހާއްސަކޮށް ބޭއްވި ވޯކްޝޮޕެކެވެ.
ޔަންގް ސްޕާކްސް ކުރިއަށް ގެންދިއުމަށް ހަމަޖެހިފައިވަނީ 4 ދުވަހަކަށް ބަހާލައިގެންނެވެ. އެއީ އޮގަސްޓް 30، ސެޕްޓެމްބަރ 6، 13 އަދި 20 ގައެވެ.
ސްޓެލްކޯ ރިސަރޗް ފައުންޑޭޝަނަކީ މިދިޔަ އަހަރުގެ ޑިސެމްބަރ މަހުގައި ހުޅުވި ފައުންޑޭޝަނެކެވެ. މި ވޯކްޝޮޕް އުފެދިގެންދިޔައީ ސްޓެމް އެޑިއުކޭޝަން އަދި ރިސަރޗްއިން ރާއްޖެ އައު އުސްމިނަކަށް ގެންދިއުމުގެ އަމާޒުގައެވެ.