ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ރާއްޖޭގައި އެސްޓީއެމް ތައުލީމާއި އިނޮވޭޝަން އަދި ރިސާޗް ކުރިއެރުވުމަށް ސްޓެލްކޯ ރިސާޗް ފައުންޑޭޝަން ވުޖޫދުކޮށްފައިވެ އެވެ. 2024 ވަނަ އަހަރުގެ ޑިސެމްބަރު މަހު ފެށި މި ފައުންޑޭޝަނުން ދަނީ ކުޑަކުދިންނަށް ވޯކްޝޮޕްތައް ބާއްވައި ކުރިއަށް އޮތްތަނުގައި އިނޮވޭޓަރުން އުފެއްދުމަށް އެސްޓީއެމް ވެންޗާތަކަށް އެހީތެރިވުން ފަދަ މަގްސަދުގައި މަސައްކަތް ކުރަމުންނެވެ.
ސްޓެލްކޯ ރިސާޗް ފައުންޑޭޝަނަކީ ކޮބައި ހެއްޔެވެ؟
މި ފައުންޑޭޝަނަކީ ދިވެހިންގެ ތެރޭގައި ސައިންސް، ޓެކްނޮލޮޖީ، އިންޖިނިއަރިން، އަދި މެތަމެޓިކްސް (އެސްޓީއީއެމް) ގެ ދާއިރާތަކުން ކުރިއެރުން ހޯދުމަށް ސްޓެލްކޯއިން 2024 ވަނަ އަހަރުގެ ޑިސެމްބަރު މަހު އުފެއްދި ފައުންޑޭޝަނެކެވެ.
ފައުންޑޭޝަންގެ މުހިންމު ލަނޑުދަނޑިތައް
އެޑްވާންސް އެސްޓީއެމް އެޑިއުކޭޝަން:
ރާއްޖޭގައި އަންނަން އޮތް ޖީލުގެ ސައިންސްވެރިންނާއި ޓެކްނޮލޮޖީ އުފައްދާނެ ފަރާތްތައް ބިނާކުރުން.
ލޯކަލް ސްޓާޓްއަޕްތަކަށް އެހީތެރިވެދީ ރާއްޖޭގައި މި ދާއިރާތަކުން ރަނގަޅު ފެންވަރުގެ ދިރާސާ އިތުރުކުރުން.
ވިޔަފާރިވެރިންނާއި ދިރާސާވެރިންނަށް ފުރުސަތު ހޯދައިދީގެން އެސްޓީއެމް ލޭންޑްސްކޭޕް މަތިކުރުން.
ފަހުގެ ހަރަކާތްތައް
ކުޑަކުދިންގެ ވޯކްޝޮޕްތައް:
މިދިޔަ އަހަރުގެ މާޗް މަހު ސްޓެލްކޯއިން ވަނީ ސައިންސް، ޓެކްނޮލޮޖީ، އިންޖިނިއަރިން، އާޓްސް އަދި ހިސާބު (ސްޓީމް) ގެ ނަމުގައި ކުޑަކުދިންނަށް ހާއްސަ މައުލޫމާތުދޭ ސެޝަނަކާއި ވޯކްޝޯޕް ކުރިއަށް ގެންގޮސްފައެވެ. އެގޮތުން އެ އަހަރުގެ މޭއި މަހު ބޭއްވި މިފަދަ ސެޝަނެއްގައި ސްޓެލްކޯ އިން ވަނީ ބައެއް ކުދި ޕްރޮޖެކްޓްތަކުގެ ތަޖުރިބާ ކުރުމުގެ ފުރުސަތު ކުދިންނަށް ދީފައެވެ.
ސްޓެލްކޯ ރިސާޗް ފައުންޑޭޝަންގެ ކޮންފަރެންސް ނިމިދިޔަ އަހަރުގެ ޖޫން މަހު ބާއްވާފައިވެ އެވެ. ހަކަތައާއި ރޮބޮޓިކްސް އަދި ދެމެހެއްޓެނިވި ގޮތެއްގައި ކުރިއެރުންތަކަށް އަލިއަޅުވާލާ އަހަރީ ކޮންފަރެންސްގައި އަންމޭންޑް ސަރފޭސް ވެހިކަލް (ޔޫއެސްވީ) ޑިވެލޮޕްމަންޓާ ބެހޭ ގޮތުން ޚާއްޞަ ސެޝަނެއް ބާއްވާފައިވެ އެވެ.
ފާއިތުވި އަހަރުގެ 3 ވަނަ ކުއާޓަރ އަދި ފަހު ކުއާޓަރގައި ސްޓެލްކޯ އިން ވަނީ ސްޓީމްގެ ދަށުން އިޔާދަކުރަނިވި ހަކަތައާއި ރޮބޮޓިކްސްއަށް ހާއްސަ ސެޝަނެއް ރާވާފައެވެ.
އެސްއާރްއެފް އިން މިދިޔަ އަހަރުގެ ނޮވެމްބަރ މަހު ވަނީ ރޮބޮޓް ކޮމްޕެޓިޝަން ނަމުގައި ހާއްސަ އިވެންޓެއް ބާއްވާފައެވެ.
މިއީ މި ފައުންޑޭޝަންގެ ފެށުން ކަމަށް އެ ކުންފުނިން ބުނެއެވެ. މިއަހަރު ތެރޭގައި ވެސް އެސްއާރްއެފް އިން ދަނީ ތަފާތު އެކި ހަރަކާތްތައް ކުރިއަށްގެންދަމުންނެވެ. އެގޮތުން ފާއިތުވީ މަހުގެ 30 ވަނަ ދުވަހު ފާހަގަކުރި އިންޖިނިއަރުންގެ ދުވަހާއި ގުޅުވައިގެން އެ ފައުންޑޭޝަނުން ވަނީ "ޔަންގް ސްޕާކްސް" ގެ ނަމުގައި ގްރޭޑް 6 އަދި 7 ގައި ކިޔަވާ ދަރިވަރުުންނަށް ހާއްސަ ވޯކްޝޮޕެއް ވެސް ބާއްވާފައެވެ.