މިހާރު ބޭންކް އޮފް މޯލްޑިވްސް (ބީއެމްއެލް)ގެ ސަބްސިޑަރީއެއް ކަމަށްވާ އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ)ގެ އާ މެނޭޖިން ޑިރެކްޓަރަކަށް ބަދުރުއްދީން ހަސަން ހަމަޖައްސައިފި އެވެ.
މީގެ ކުރިން ބަދުރުއްދީން ވަނީ ބީއެމްއެލްގެ ޑިރެކްޓަރ އޮފް ރީޓެއިލް އެންޑް އެސްއެމްއީ ބޭންކިންގެ މަގާމު އަދާކުރައްވާފައެވެ. ބަދުރުއްދީނަކީ މީގެކުރިން "ކުޅުދުއްފުށި އޮންލައިން" ނަމުގައި މީޑިއާއެއް ވެސް ހިންގަމުން ގެންދެވި ބޭފުޅެކެވެ.
އެ މަގާމަށް ބަދުރުއްދީން އައްޔަން ކުރެއްވީ، ވަޒީރުންގެ މަޖިލީހުން ފާސްކޮށްފައިވާ ގޮތަށް، އެސްޑީއެފްސީގެ ހިއްސާ ބީއެމްއެލްއަށް ބަދަލުކުރަން ސަރުކާރުން ދާދި ފަހުން ނިންމުމާ ގުޅިގެންނެވެ. މި ބަދަލާއެކު އެސްޑީއެފްސީ މިހާރު ހިންގަނީ ބީއެމްއެލްގެ ސަބްސިޑިއަރީއެއްގެ ގޮތުގައެވެ.
ބީއެމްއެލް އިން ބުނާ ގޮތުގައި އެސްޑީއެފްސީން ހުށަހަޅާނީ އެންމެ ޒަމާނީ ޑިޖިޓަލް ބޭންކިން ޓެކްނޮލޮޖީތަކަށް ބާރުއަޅާ އިސްލާމިކް ފައިނޭންސިން ސޮލިއުޝަންސް އެވެ.
ބީއެމްއެލް އިން ބުނީ މިކަމުގެ މަގުސަދަކީ އެމްއެސްއެމްއީ ބޭންކިންގެ ޑިޖިޓަލް ޓްރާންސްފޯމަޝަން އަވަސްކޮށް، މޯލްޑިވްސްގައި ދެމެހެއްޓެނިވި އިގްތިސާދީ ކުރިއެރުން ކުރިއެރުވުމަށް މާލީ ބާރާއި ޑިޖިޓަލް ތަޖުރިބާ ބޭނުންކުރުމެވެ.
ބީއެމްއެލްގެ ބޮޑު ރޯލްއައުޓްގެ ތެރެއިން ބީއެމްއެލްގެ ފުރަތަމަ އަހަރު އެސްޑީއެފްސީ މެދުވެރިކޮށް ފައިނޭންސިންގެ ގޮތުގައި 500 މިލިއަން ރުފިޔާ ދޫކުރުމަށް ރާވާފައިވެ އެވެ. މީގެ އިތުރުން މޯލްޑިވިއަން އިސްލާމިކް ސޯޝަލް ފައިނޭންސް އިނިޝިއޭޓިވް (މިސްފީ) މެދުވެރިކޮށް ކުރިއަށް އޮތް ތިން އަހަރު ތެރޭގައި 300 މިލިއަން ރުފިޔާ އިންވެސްޓްކޮށްގެން ކޮމިއުނިޓީ ޑިވެލޮޕްމަންޓާއި ދެމެހެއްޓެނިވި ވިޔަފާރި ކުރިއެރުމަށް އެހީތެރިވެދެވޭނެ އެވެ.