ވަޑިއެއްގެމާ، ބެލުމުގެ ދަށުން

    ހަޑި ފިލުވިއޭ، ބައު އޮޑިއަކުން

ވަޑިތައް މޮޅޭ، އަތްދަށު އެއައި

    ކަނޑި ބަޑިހިފާ، އޮޑިބަންނަމުން

އަޑިއަށް ރަނގަޅު، ފަށަނެއް ލަމުން

    ގަނޑިޔާ ކިޔާ، ކިއްސަރު ލަމުން

ދަނޑިތައް ކުރެދި، ރީއްޗަށް މަށާ

    އަޑިއަށް ޖަހާ، އިންދާ ލަމުން

ހަޑިއެއް ނުވާ، ނަލަ ކިއްސަރަށް

    ގަޑިއަށް ހަދާ، ނިންމާ ލަމުން

ދަނޑިވަޅު ބަލާ، އިރުވަރު ބަލާ

    ގަޑިއެއް ކިޔާ، އޮޑި ބާލަމުން