ބޮލީވުޑްގެ ތަޖުރިބާކާރު އެކްޓަރު ގޯވާރްދަން އަސްރާނީ، އާންމުކޮށް "އަސްރާނީ" ގެ ނަމުން މަޝްހޫރުވެފައިވާ 84 އަހަރުގެ މި ފަންނާނު، އިއްޔެ މުމްބާއީގައި މަރުވެއްޖެއެވެ. އޭނާ މަރުވެފައިވަނީ ޖޫހޫގައި ހުންނަ އަރޯގްޔާ ނިދި ހޮސްޕިޓަލުގައި ފަރުވާ ދެމުންދަނިކޮށެވެ. މަރުވުމަށް މެދުވެރިވީ ނޭވާލާން އުނދަގޫވުމާއި ފުއްޕާމޭގައި ފެންހެދުމުގެ މައްސަލަތަކެއް ކުރިމަތިވުމެވެ.
އަސްރާނީގެ ހަށިގަނޑު ވަޅުލުމުގެ ކަންކަން ކުރިއަށް ގެންގޮސްފައިވަނީ އޭނާގެ އެދުމުގެ މަތިން، ސަންތާކްރޫޒް ކްރިމޭޓޯރިއަމްގައި ވަރަށް ޕްރައިވެޓްކޮށެވެ.
ފަންސާސް އަހަރު ދުވަހުގެ ފިލްމީ ހަޔާތެއްގައި، އަސްރާނީ ވަނީ 300 އަށްވުރެ ގިނަ ފިލްމުން ފެނިގެން ގޮސްފައެވެ. އިންޑިއާގެ ސިނަމާއަށް އޭނާ ވަނީ ފިލްމީ ދާއިރާގައި ހާއްސަ ގޮތްގޮތުން ހުށަހެޅި މޮޅު ކޮމިކް ޓައިމިންގ އާއި ހަނދާން ނައްތާނުލެވޭ ފަދަ އެކްޓިން އަކުން ވަރަށް ބޮޑު އަސަރެއް ފޯރުކޮށްފައެވެ. އަސްރާނީ އެންމެ ގިނައިން ހަނދާންކުރެވޭ އެއް ރޯލަކީ، ކްލާސިކް ފިލްމު "ޝޯލޭ" ގައި އޭނާ ކުޅެފައިވާ ޖެއިލަރުގެ ރޯލެވެ. އެ ރޯލަކީ ބޮލީވުޑްގެ އެންމެ ފާހަގަކޮށްލެވޭ ކޮމިކް ވަގުތުކޮޅުތަކުގެ ތެރޭގައި ހިމެނޭ ރޯލެކެވެ.
އަސްރާނީ މަރުވުމާ ގުޅިގެން ފިލްމީ ދާއިރާއިން އޭނާއަށް ވަރަށް ގިނަ މެސެޖް ވަނީ ފޮނުވާފައެވެ. އަކްޝޭ ކުމާރު އަދި އަމީތާބް ބައްޗަން ފަދަ މަޝްހޫރު ތަރިން ވެސް ވަނީ މި ލެޖެންޑްރީ ފަންނާނުގެ ހަނދާން އާކޮށް، އާއިލާއަށް ތައުޒިޔާ ފޮނުވާފައެވެ. އަސްރާނީގެ ޝައުޤުވެރިކަމާއި، ސަމާސާ މިޒާޖާއި، އަދި އޭނާގެ މަޑުމައިތިރިކަން އަދިވެސް އެތައް ޖީލުތަކެއްގެ ފަންނާނުންނަށް ހިތްވަރުދީ، ބެލުންތެރިންގެ މޫނުމައްޗަށް ހިނިތުންވުން ގެނުވަމުންދާނެއެވެ.