ސައިންސުވެރިންނަށް އަލަށް ފެނުނު ބޮކުގެ ވައްތަރަކަށް "ޗޮކްލެޓް ފްރޮގް" ގެ ނަމުން ނަން ދީފިއެވެ. ނިއުޖީނިއާގެ ޖަންގަލި ތެރެއިން ފެނުނު މި ބޮކަކީ މީގެ ކުރިން ސައިންސުވެރިންނަށް ފެނިފައިނުވާ ވައްތަރެއްގެ ބޮކެކެވެ.
މި ބޮކަކީ "ޓްރީ ފްރޮގް" އާއިލާއަށް ނިސްބަތްވާ ބޮކެކެވެ. އެހެނީ މި ބޮއް އުޅެނީ އެހެން ބޮއްތަކާއި ހިލާފަށް ޗަކަ ފެންގަނޑުތަކުގައެއް ނޫނެވެ. ސައިންސުވެރިން ބުނާ ގޮތުގައި މި ބޮއް އުޅެނީ ގަސްތަކުގެ ތެރޭގައެވެ. ނަމަވެސް މި ބޮކުކެ ކުލަ ޗަކައިގެ ކުލައާއި ވަރަށް އެއްގޮތެވެ. އާންމު ގޮތެއްގައި "ޓްރީ ފްރޮގް" އާއިލާގެ ބޮއް ތަކަކީ ފެހި ކުލައިގައި ހުންނަ ބޮއްތަކެކެވެ.
ސައިންސުވެރިންނަށް އަލަށް މި ފެނުނު ބޮކަށް "ޗޮކްލެޓް ފްރޮގް" ގެ ދަން ދެވުނީ އެ ބޮކުގައިވާ ރީތި މުށި ކުލައެއްގެ ސަބަބުންނެވެ. ނަމަވެސް ގިނަ ބައެއްގެ ފާޑު ކިއުން މި ނަމަށް ވަނީ ލިބިފައެވެ. ޗޮކްލެޓަކީ ގިނަ މީހުންނަށް ވަރަށް މީރު އެއްޗެކެވެ. އެއާ ހިލާފަށް ބޮކަކީ ގިނަބަޔަކަށް ފަކުރު އެއްޗެކެވެ. އެހެން ކަމުން "ޗޮކްލެޓް ފްރޮގް" އަކީ ޗޮކްލެޓް ކާ ހިތްވާ މީހުން ފަކުރު ގަނުވާނޭ ނަމެއްކަމަށް ގިނަ ބަޔަކު އަންނަނީ މީސްމީޑިޔާގައި ވާހަކަ ދައްކަމުންނެވެ.
ސައިންސުވެރިންނަކީ މިފަދަ ހޯދުންތައް ހޯދަމުން އަންނަ އަދި މިފަދަ އެތަކެއް ނަންތަކެއް ދެމުންއަންނަ ބައެކެވެ. ނިއުޖީނިއާގެ ބޯ ޖަންގައްޔަކީ ސައިންސުވެރިން ވަރަށް ޝައުގުވެރި ކުރުވާ މާހައުލެކެވެ. ގުދުރަތީ ދިރުންތަކުން ފުރިގެންވާ މި ޖަންގަލީގައި ސައިންސުވެރިން ދިރާސާތައް ކުރާތާ އެތަށް އަހަރުތަކެއް ވަނީ ވެފައެވެ.