އުޅޭ ހާލެއް މިތާ އަހުރެން، ތިބާ އަށް ސިފަ ނުވެސްވާނޭ

     ގުޅޭ ގުޅުމުން ލިބޭ ބާރެއް، ތިބާ އަށް ނޭނގުނީ ތޯއޭ

މަގޭ ދިންހާ އަޅާލުންތައް، ތިބާއަށް ވީ ވަފާތެރިކަން

     މަގޭ ދިން ކުލުނު ލޯތްބާވެސް، ތި ހިތުގައިދެން ކޮބާ ތޯއޭ

ކަމެއް މާޒީގަ ވިޔަކަސްވެސް، ކުށެއް ކުރެވިފަ މަށަށް އޮތަކަސް

     ކަމެއް ކަމަކަށް އެކަން ނުހަދާ، މަށަށް ތިޔަ ލޯބިވޭ ތޯއޭ

ކޮބާހޭ މީހަކީ ދުނިޔޭން، ކުށެއް އަމުދުން ނުވާމީހެއް

     އޮބާ ފިޔަވަޅު ތިބާ އެޅިޔަސް، ކުށެއް ކުރެވިފަ ނުވޭ ތޯއޭ

މަގޭ މިއައީ ވެގެން ތައުބާ، ކުށެން ނުކުރާން އަޒުމު ވެވިގެން

     މަގޭ މާޒީ ހިތުން ފޮހެލާ، މަށަށް މާފެއް ނުވޭ ތޯއޭ

ތިބާ ގާތަށް މަގޭ މިއައީ، މިވާލޯބީގެ ބާރުންނޭ

     ތިބާ މިހިތާ ފެއަށް ޖެހިގެން، އުޅެން ކުޅަދާނަ ވޭތޯއޭ