ކަޅުފޮއި މުސީބާތް ވެރިވެފާ، ދަޅަމަތި އެ ދައްކާ ކުލަތަކުން
ފަޅުމަތި ނިކަން ހުރެ ދެކިބަލާ، ދަޅަތައް އެ ނާމާން އެޅިފަވާ
ފިނިވެފަ އެވާ ރަތް ޖައްވެކޭ، ގިނަ ކުލަތަކުން ކުލަ ޖެހިފަވާ
މިނިވަންކަމާ އެކު ރޫހުތައް، ބިމުގައި ހިނގާ ނާމާން ކަމާ
ބިރުވެރި އަޑުން ގުގުމާލަމުން، އެކި ރާގުތައް އެކި ރާގުގާ
ކިރުފޮދު ފަދައިން ހުދު މޫނުތައް، ކަޅު އަނދިރިވާ ނާމާން ކަމާ
އެކަމަކު މިއަދު އެތަކެއް ބަޔަކު، އިހުމާލުވާ ވަގުތެއް މިއީ
ދެކަމެއް ހަނދާނުން ފުހެވިގެން، ޣާފިލުކަމާ އެކުވާ ކަމާ
ވިޔަކަސް ޒަމާން ބަދަލެއް ނުވޭ، ނާމާން ކަމާ ބިރުވެރިކަމާ
ނިޔަތެއް އެސޮރުމެން ގަސްތުގާ، ނުލިޔަސް އެވާ ނާމާން ކަމާ
ފަރުވާ ކުރަން ކުޑަ ވެސް ނުވޭ، ވަގުތެއް އެއީ ޅަ ޒުވާނުނޭ
ފަރުބަތަކެއް ފަދަ މާރިދުން، ފައިބާ އުޅޭ ނާމާން ކަމެއް
އަމުދުން ސަލާމަތް ވާން ޖެހޭ، ބިރުވެރިކަމެއް އަދި ކުލަތަލެއް
ކަމުވޮށިވެގެންވާ އެންމެނަށް، ހަމަ ސާފުކޮށް އެނގިވާ ކަމެއް